شوكىرات زاكىر ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ىندەتتەن ساقتانۋ جانە تۇرمىستىق زاتتىق ماتەريالداردى تاسىمالداۋ، جەتكىزۋ قىزمەتىن عىلمي دا جوعارى ونىمدىلىكپەن ويداعىداي ىستەۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 8 - ايدىڭ 6 - كۇنى ۇرىمجىدەن حابارلايدى. 8 - ايدىڭ 6 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر شينجياڭ اۋەجاي توبى تيانيۋان حالىقارالىق زات اينالىمى شەكتى سەرىكتەستىگىنىڭ حالىقارالىق باقىلاۋ - باسقارۋ قويماسى مەن شينجياڭ جۇڭحى زاماناۋي زات اينالىمى باقشاسىنىڭ ءۇرىمجى بىتىراندى ءتۇرلى بۇيىمدار ورتالىعىنا بارىپ، ىندەتتەن ساقتانۋ جانە تۇرمىستىق زاتتىق ماتەريالداردى تاسىمالداۋ، جەتكىزۋ قىزمەتىنە تەكسەرۋ - زەرتتەۋ جۇرگىزدى، جەتەكشىلىك ەتتى.
شوكىرات زاكىر ىندەت كەزىندەگى ىندەتتەن ساقتانۋ جانە تۇرمىستىق زاتتىق ماتەريالداردى تاسىمالداۋ، جەتكىزۋ جاعدايىن جان - جاقتىلى سۇراستىردى. ول بىلاي دەپ اتاپ كورسەتتى: ىندەتتەن ساقتانۋ مەن تۇرمىستىق زاتتىق ماتەريالداردى تاسىمالداۋ، جەتكىزۋ − ىندەتتەن ساقتانۋ - تىزگىندەۋدىڭ ماڭىزدى بۋىنى. زات اينالىمى تاسىمالداۋ، جەتكىزۋ تاراۋلارى ساقتانۋ - تىزگىندەۋ شارالارىن قاتاڭ تياناقتاندىرىپ، ءوز باسىنىڭ اماندىعىنا شىنايى كەپىلدىك ەتۋمەن بىرگە، قىزمەت تەبىنىن ارتتىرىپ، قىزمەت ونىمدىلىگىن جوعارىلاتىپ، ىندەتتەن ساقتانۋ جانە تۇرمىستىق زاتتىق ماتەريالداردى تاسىمالداۋ، جەتكىزۋ قىزمەتىن عىلمي دا دالمە - ءدال، حاۋىپسىز دە جوعارى ونىمدىلىكپەن ويداعىداي ىستەپ، ىندەتتەن ساقتانۋ زاتتىق ماتەريالدارىمەن قامداۋدىڭ دەر كەزىندە بولۋىنا، قامتاماسىزداندىرۋدىڭ پارمەندى بولۋىنا، تۇرمىستىق زاتتىق ماتەريالدارى مولشەرىنىڭ جەتكىلىكتى بولۋىنا، قامداۋدىڭ قامتاماسىز ەتىلۋىنە، باعاسىنىڭ ورنىقتى بولۋىنا شىنايى كەپىلدىك ەتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋ ءۇشىن مىعىم زاتتىق ماتەريالدار قامتاماسىزدىعىن ازىرلەۋ كەرەك.
شوكىرات زاكىر مىنالاردى تالاپ ەتتى: اۆتونوميالى رايوننىڭ قاتىناس - تاسىمال تاراۋلارى مەن ءۇرىمجى قالاسى زات اينالىمى تاسىمالداۋ، جەتكىزۋ كاسىپورىندارىمەن ۇشتاسۋدى، بايلانىس ورناتۋدى ىرىقتىلىقپەن كۇشەيتىپ، ماسەلەنى باعدار ەتۋگە، نىسانانى باعدار ەتۋگە، ناتيجەنى باعدار ەتۋگە تاباندى بولىپ، كاسىپورىنداردىڭ ءىس جۇزىندىك قيىنشىلىقتارىن شەشۋىنە دەر كەزىندە كومەكتەسۋ، اسىرەسە، ونىمدىلىكتى جوعارىلاتۋدى كوزدە ۇستاۋ كەرەك. تاسىمالداۋ، جەتكىزۋ بارىسىن ونان ارى ساپالىلاندىرىپ، كەمەلدەندىرىپ ءارى تاسىمالداۋدىڭ، جەتكىزۋدىڭ جالپى بارىسىندا تۇيىق اينالىمدى باسقارۋ سىندى ىندەتتەن ساقتانۋ شارالارىن قاتاڭ، ەگجەي - تەگجەيلى، ناقتى تياناقتاندىرىپ، ءارى تاسىمالداۋدىڭ ”جاسىل ارناسىن“ اشىپ، ىندەتتەن ساقتانۋ جانە تۇرمىستىق زاتتىق ماتەريالداردى تاسىمالداۋدىڭ، جەتكىزۋدىڭ ىركىلىسسىز، قولايلى دا جوعارى ءونىمدى بولۋىنا شىنايى كەپىلدىك ەتۋ كەرەك.
شوكىرات زاكىر مىنانى باسا دارىپتەدى: قازىر ىندەتتەن ساقتانۋ - تىزگىندەۋدىڭ ەڭ ماشاقاتتى قامال الۋ مەزگىلى، ءار دارەجەلى، ءارقايسى تاراۋلار ساياسي دەڭگەيدى جوعارىلاتىپ، ءارقايسى جاقتىڭ جاۋاپكەرشىلىگىن قاتايتىپ، ناقتىلاندىرىپ، قامال الۋ شايقاسىن جۇرگىزۋدەگى مويىماس ستيلدى نىعايتىپ، جابىق كۇيدە باسقارۋدىڭ ءتۇرلى تالاپتارىن باتىل تياناقتاندىرىپ، دالمە - ءدال ساقتانۋ - تىزگىندەۋ شارالارىن باتىلدىقپەن ەگجەي - تەگجەيلى، ناقتى، تىڭعىلىقتى تياناقتاندىرۋ كەرەك. كۇشتەردى عىلمي ورنالاستىرىپ، زاتتىق ماتەريالدارمەن قامتاماسىز ەتۋ قىزمەتىن حاۋىپسىز دا جوعارى ونىمدىلىكپەن ويداعىداي ىستەۋ كەرەك. بۇقاراعا قىزمەت وتەۋ قىزمەتىن شىن پەيىلمەن، سۇيىسپەنشىلىكپەن ويداعىداي ىستەپ، پسيحولوگيالىق جەتەكتەۋدى كۇشەيتىپ، ءار ۇلت بۇقاراسىنىڭ ۇيدە الاڭسىز جاتىپ، ىندەتتەن ساقتانۋ - تىزگىندەۋ قىزمەتىن ويداعىداي ىستەۋگە تىعىز سايكەسۋىنە مۇمكىندىك جاساۋ كەرەك.
