تيانشان تورى   ›   جاڭالىقتار   ›   شينجياڭ حابارلارى

كومەكتەسۋ - سۇيەمەلدەۋ تەبىندى بولدى، كاسىپورىنداردىڭ قارقىنى تەزدەدى

شانشي اۆتوموبيل توبى شەكتى جاۋاپكەرشىلىك سەرىكتەستىگى شينجياڭ سەرىكتەستىگىنىڭ الدىڭعى جارتى جىلداعى ءونىم قۇنى %25.6 ارتتى

كومەكتەسۋ - سۇيەمەلدەۋ تەبىندى بولدى، كاسىپورىنداردىڭ قارقىنى تەزدەدى

    【رەداكتوردان】

  بيىل جىل باسىنان بەرى، ىندەتتىڭ ىقپالى الدىندا، رايونىمىزدىڭ جەر - جەرى، تاراۋلارى سۇرانىسپەن ۇشتاستىرىپ، دالمە - ءدال شارا قولدانىپ، كاسىپورىنداردىڭ قيىنشىلىقتى جەڭۋىنە، ورنىقتى دامۋىنا بار ءادىس - امالمەن كومەكتەستى. گازەتىمىز بۇگىننەن باستاپ ”الۋان ءتۇرلى شارا قولدانىپ، بازار تۇلعالارىن قامتاماسىز ەتۋ“ جەلىلەس حابارىن جاريالاپ، قاتىستى تاراۋلاردىڭ قىزمەت وتەۋدى تومەنگە ءتۇسىرۋىن، كاسىپورىندارعا كومەكتەسىپ، قيىنشىلىقتان ارىلتىپ، بازار تۇلعالارىنىڭ سەنىمىن سەرپىلتۋ، ومىرشەڭدىك كۇشىن قاۋلاتۋ امالياتىن ايگىلەيدى.

شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ

  موتور ورناتۋ، كابينكە ورناتۋ، دوڭگەلەك سالۋ، ماي - سۇيىقتىق قۇيۋ... ءۇرىمجى ەكونوميكالىق، تەحنيكالىق اشۋ رايونىنا (توۋتۇنحى رايونى) ورنالاسقان شانشي اۆتوموبيل توبى شەكتى جاۋاپكەرشىلىك سەرىكتەستىگى شينجياڭ اۆتوموبيل شەكتى سەرىكتەستىگىنىڭ باس قۇراستىرۋ سەحىندا 100 نەشە جۇمىس ءتارتىبىن باسىپ، شامامەن 12 مينۋت ارالىعىندا اۋىر تيپتى ءبىر جۇك اۆتوموبيلى قۇراستىرىلىپ، جەلىدەن شىعىپ جاتادى.

  8 - ايدىڭ 3 - كۇنى سەرىكتەستىكتىڭ ءوندىرىس باس باقىلاۋشىسى جۋ ۋيجۇن تىلشىگە بىلاي دەدى: ”بيىل الدىڭعى جارتى جىلدا ىندەت ىقپالىنا ۇشىراعانىمىزبەن، الايدا سەرىكتەستىكتىڭ اۋىر تيپتى جۇك اۆتوموبيلىن ءوندىرۋ، ساتۋ مولشەرى جوعارىلاپ، جالپى 3015 اۆتوموبيل ءوندىرىپ، بىلتىرعى سول مەزگىلدەگىدەن %25.6 ارتتى، ءونىم قۇنى ءبىر ميلليارد يۋانعا جەتتى“.

  ناتيجەنىڭ استارىندا كوپ جاقتىڭ ماڭداي تەرى جاتقاندىعىن كورۋگە بولادى. بيىل جىل باسىندا ىندەت تۋىلعاننان كەيىن، شانشي اۆتوموبيل توبى شەكتى جاۋاپكەرشىلىك سەرىكتەستىگىنىڭ شينجياڭ اۆتوموبيل شەكتى سەرىكتەستىگى قىزمەتكەرلەردىڭ شينجياڭعا قايتۋى، قىزمەت ورنىنا كەلۋى، شيكىزاتپەن قامداۋ، اينالىم قارجىسى سياقتى جاقتاردا كوپتەگەن قيىن ماسەلەلەردى شۇعىل شەشۋىنە تۋرا كەلدى. وسى سەبەپتى ءۇرىمجى قالاسىنىڭ قاتىستى جاقتارى تالاي رەت سەرىكتەستىككە كەلىپ تەكسەرۋ - زەرتتەۋ جۇرگىزىپ، ءوندىرىس زاتتىق ماتەريالدارىن تاسىمالدايتىن اۆتوكولىكتەردىڭ شينجياڭعا كىرۋى، ىندەتتەن ساقتانۋ زاتتىق ماتەريالدارى تاپشى بولۋ جانە جۇمىسكەر جەتكىلىكسىز بولۋ سياقتى ماسەلەلەردى شەشۋىنە كومەكتەسىپ، سەرىكتەستىكتىڭ جۇمىستى، ءوندىرىستى ءساتتى قالپىنا كەلتىرۋىنە كەپىلدىك ەتتى. قاتىستى تاراۋلار كاسىپورىنعا ارناۋلى قىزمەتكەرلەردى تۇرۋعا جىبەرىپ، ءبىر جاعىنان، وندىرىسكە جەتەكشىلىك ەتسە، ەندى ءبىر جاعىنان، ءىس جۇزىندىك قيىنشىلىقتاردى شەشتى، سونداي - اق كاسىپورىننىڭ كوپتەگەن كومەكتەسۋ - سۇيەمەلدەۋ ساياساتىنان يگىلىكتەنۋىنە كومەكتەستى.

  شانشي اۆتوموبيل توبى شەكتى جاۋاپكەرشىلىك سەرىكتەستىگى شينجياڭ اۆتوموبيل شەكتى سەرىكتەستىگىنىڭ ورىنباسار باس ديرەكتورى كى شيانجى بىلاي دەدى: ”باسقارۋ دەڭگەيىن كوتەرۋ، جابدىقتاردى جاڭالاۋ، ءوندىرىس جۇمىسى ونىمدىلىگىن جوعارىلاتۋ، ءوندىرىس پەريودىن قىسقارتۋ ارقىلى بيىل 5500 اۆتوموبيل ءوندىرىپ - ساتۋعا، ءونىم قۇنىن ءبىر ميلليارد 500 ميلليون يۋانعا جەتكىزۋگە ءارى جوعارى، تومەن جەلىدەگى كاسىپ سالاسى تىزبەگىنىڭ دامۋىن دەمەپ، شينجياڭ ىشىندەگى سايكەستى ءونىم قۇنىن 22 ميلليون يۋانعا جەتكىزۋگە كۇش سالامىز“.

  【ساياسات】: اۆتونوميالى رايون «جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرىپ، اقاۋسىز دامۋىن قولداۋ جونىندەگى 16 تارماقتى شارانى» جاريالاعاننان كەيىن، ءۇرىمجى قالاسى سايكەستى شارالاردى شىعاردى، بۇل قازىنالىق، فينانستىق قولداۋ كورسەتۋ، جالاقىنى ازايتۋ، كەشىرىم ەتۋ، سالىقتى ازايتۋ، كەشىرىم ەتۋ، تاپسىرۋ ۋاقىتىن كەشەۋىلدەتۋ، قوعامدىق قامسىزداندىرۋ جاعىنان قولداۋ، ەسەپ - قيساپ بويىنشا قارىزدى اداقتاۋ، قىزمەت وتەۋدى قامتاماسىزداندىرۋ سياقتىلاردى قامتىپ، كاسىپورىننىڭ جۇمىستى، ءوندىرىستى قالپىنا كەلتىرۋىنە جالپى بەتتىك كۇش ۇستەدى.

  【تياناقتاندىرۋ】: اۆتونوميالى رايون ءتۇيىندى كاسىپورىنداردىڭ ”بىرگە ءبىردى ۇشتاستىرۋ بويىنشا“ بايلانىس جاساۋشىلار مەحانيزمىن ورناتتى، جىبەرىلگەن قىزمەتكەرلەر كاسىپورىنداردا ”شاپقىلاپ“، جۇمىسكەر ىستەتۋ، شيكىزات، تاسىمال، قارجى سياقتى جاقتاردا ورىن تەپكەن بوگەتتەردى، قيىن تۇيىندەردى شەشۋگە كومەكتەستى. جۋ ۋيجۇن بىلاي دەپ تانىستىردى: سەرىكتەستىكتىڭ وندىرىسكە قاجەتتى ۇساق بولشەكتەرىنىڭ بارلىعى شي - اننان اۆتوموبيلمەن شينجياڭعا تاسىمالدانادى. جىل باسىنداعى ىندەتتەن ساقتانۋ - تىزگىندەۋ كەزىندە، ۇكىمەت پەن قاتىستى تاراۋلاردىڭ امال قاراستىرىپ، كوپ جاق سايكەسىپ، زات اينالىمىنىڭ ىركىلىسسىز بولۋىنا كەپىلدىك ەتۋىنىڭ ارقاسىندا كاسىپورىن وندىرىسكە ءساتتى كىرىستى ءارى وسى جىلدىڭ الدىنداعى ءوندىرىس قۋاتىن قالپىنا كەلتىردى. قازىرگە دەيىن، سەرىكتەستىكتىڭ قوعامدىق قامسىزداندىرۋ قاراجاتىن، ەلەكتر اقىسىن ازايتۋدان، كەشىرىم ەتۋدەن يگىلىكتەنگەن قاراجاتى جيىنى ءبىر ميلليون 40 مىڭ يۋانعا جەتتى، سونداي - اق ىندەتتەن ساقتانۋ بويىنشا 50 مىڭ يۋان ارناۋلى قوسىمشا قاراجات قارجىسىنان يگىلىكتەندى. 4 - ايدىڭ وزىندە سەرىكتەستىك 1000 اۋىر تيپتى جۇك اۆتوموبيلىن ءوندىرىپ، 2011 - جىلى زاۆود قۇرىلعاننان بەرگى جاڭا ورلەۋگە كوتەرىلىپ، بولات - تەمىر، دوڭگەلەك، تاسىمال سياقتى كاسىپ سالاسى تىزبەگىنىڭ جوعارعى، تومەنگى جەلىسىندەگى كاسىپورىنداردىڭ دامۋىنا دەم بەردى. شۋاڭچيان توبى (شينجياڭ) كۇنلۇن دوڭگەلەك شەكتى سەرىكتەستىگى بيىل الدىڭعى جارتى جىلدا شانشي اۆتوموبيل توبى شەكتى جاۋاپكەرشىلىك سەرىكتەستىگى شينجياڭ سەرىكتەستىگى ءۇشىن 30 مىڭ سايكەستى دوڭگەلەك ءوندىردى، قامدادى، بۇل 2019 - جىلعى تۇتاس جىلدىق زات قامداۋ مولشەرىنەن اسىپ ءتۇستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى