شەشۋشى شايقاس جۇرگىزۋ بەكىمىمەن ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋ كەرەك
چىن چۋانگو ءماجىلىستى باسقاردى ءارى ءسوز سويلەدى
شوكىرات زاكىر، ۋاڭ جۇنجىڭ، لي پىڭشين قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 8 - ايدىڭ 6 - كۇنى ۇرىمجىدەن حابارلايدى. 8 - ايدىڭ 6 - كۇنى كەشتە اۆتونوميالى رايوندىق پارتكوم بەينە ەكران ءماجىلىسىن اشىپ، ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىن ونان ارى ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى ءارى ءسوز سويلەدى.
اۆتونوميالى رايون باسشىلارىنان شوكىرات زاكىر، ۋاڭ جۇنجىڭ، لي ۋي، شۇي حايرۇڭ، تيان ۋىن، جاڭ چۇنلين قاتارلىلار ماجىلىسكە قاتىناستى. ماجىلىستە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىن اناعۇرلىم جاقسى ىستەۋ جونىندە ناقتى ورنالاستىرۋ جاسادى؛ اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى ياڭ شين ىندەتتەن ساقتانۋ - تىزگىندەۋ مەزگىلىندەگى باقىلاۋ - تەكسەرۋدى كۇشەيتۋ، ءتارتىپتى، ستيلدى قاتايتۋ جونىندە تالاپتار قويدى.
چىن چۋانگو بىلاي دەپ اتاپ كورسەتتى: قازىر ىندەتتەن ساقتانۋ - تىزگىندەۋ قويان - قولتىق بەلدەسۋ جاعدايىندا تۇر، ىندەت جاعدايى ءالى دە قاتاڭ، ساقتانۋ - تىزگىندەۋ مىندەتى توتەنشە جاپالى. سەنىمدى بەكەمدەپ، بەلدى بەكەم بۋىپ، قامال الىپ قيىندىقتاردى جەڭىپ، ”ءتورت ەرتە بولۋ“ تالابىن تىڭعىلىقتى تياناقتاندىرىپ، ”ءتورت جاقتىڭ جاۋاپكەرشىلىگىن“ ۇزدىكسىز كۇشەيتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە بار كۇشپەن قول جەتكىزىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك.
ءبىرىنشى، كوكەي تەستىلىك سەزىمدى ونان ارى كۇشەيتۋ كەرەك. قازىر ىندەتتەن ساقتانۋ - تىزگىندەۋدىڭ ەڭ ماشاقاتتى قامال الۋ مەزگىلى، ءسوز جوق، توزىمدىلىك كورسەتىپ، سالعىرتسۋ يدەياسىن، باق سىناۋ پسيحيكاسىن باتىل جويىپ، ىندەتتەن ساقتانۋ - تىزگىندەۋ قىزمەتىن كەزەكتەگى كەلەلى ساياسي مىندەت جانە ەڭ ماڭىزدى قىزمەت رەتىندە مىقتى، ناقتى يگەرۋگە تاباندى بولىپ، مينۋت - سەكۋندتى دا قولدان جىبەرمەي، قاۋىرت قيمىلداپ، قىزمەتتىڭ باعىتتامالىلىعىن، دالمە - دالدىگىن، عىلميلىعىن جوعارىلاتىپ، ساقتانۋ - تىزگىندەۋ شارالارىن تاباندىلىقپەن ناقتاپ تياناقتاندىرۋ كەرەك.
ەكىنشى، باسشىلىقتى ونان ارى كۇشەيتۋ كەرەك. بۇكىل شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە بولۋعا تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ قيمىلداپ، اۆتونوميالى رايوندىق پارتكومنىڭ باسشىلىعىندا اۆتونوميالى رايون، ءۇرىمجى قالاسى 2 دارەجەلى قولباسشىلىق شتابى ءبىر تۇتاس قولباسشىلىق ەتەتىن، ءبىر تۇتاس ورنالاستىراتىن، ءونىمدى جۇمىس جۇرگىزەتىن ساقتانۋ - تىزگىندەۋ قولباسشىلىق جۇيەسىن ونان ارى كۇشەيتىپ، ءۇرىمجى قالاسىن ءتۇيىن ەتكەن، بۇكىل رايون سايكەسىپ بىرلەسە قيمىلدايتىن ىندەتتەن ساقتانۋ - تىزگىندەۋ جۇيەسىن ۇزدىكسىز كەمەلدەندىرىپ، جوعارى مەن تومەننىڭ جالعاسىپ، ساباقتاسۋىن ىلگەرىلەتىپ، باتىل تۇردە بۇيرىقتى ەستي سالا قيمىلداۋ، پارمەندى تۇردە اتقارۋ، بۇيرىقتى بۇلجىتپاي ورىنداۋ كەرەك.
ءۇشىنشى، شارالاردى ونان ارى ەگجەي - تەگجەيلىلەندىرۋ كەرەك. ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شارالارىن قاتاڭ تياناقتاندىرىپ، وتكەلدى الدىعا جىلجىتۋعا تاباندى بولىپ، بەرىك قورعانىس شەبىن مىقتاپ ورناتۋ كەرەك. نۋكلەين قىشقىلىن تەكسەرۋ ۇلگىلەرىن جيناۋ، ساقتاۋ - تاسىمالداۋ، ناتيجەسىن جەتكىزۋ ءتارتىبىن ونان ارى ساپالىلاندىرىپ جانە ارناعا ءتۇسىرىپ، تەكسەرۋ ونىمدىلىگى مەن ساپاسىن جوعارىلاتۋ؛ ەپيدەميولوگيالىق تەكسەرۋ سەرپىنىن ونان ارى كۇشەيتىپ، تىعىز جۋىسۋشىلاردى شاپشاڭ تاۋىپ، ءومىر ءسۇرۋى مۇمكىن بولعان تارالۋ جولىن ءۇزۋ؛ نۋكلەين قىشقىلىن تەكسەرۋ ناتيجەسى بولىمدى بولعانداردى بۇكىلدەي جابىق كۇيدە باسقارۋدى ونان ارى ارناعا ءتۇسىرۋ؛ شوعىرلى مەديتسينالىق باقىلاۋ تۇيىندەرىندەگى ساقتانۋ - تىزگىندەۋ شاراسىن ونان ارى ويداعىداي تياناقتاندىرىپ، ادامداردىڭ سالاماتتىعىن ويداعىداي قاداعالاۋ؛ الەۋمەتتىك اۋماقتاردى توركوزدەندىرىپ باسقارۋدى ونان ارى ناقتى، ەگجەي - تەگجەيلى يگەرىپ، ساقتانۋ - تىزگىندەۋ شارالارىن وتباسىلارعا، ادامدارعا دەيىن ەگجەي - تەگجەيلى تياناقتاندىرىپ، ساپالى قىزمەت وتەۋ قامتاماسىزداندىرۋىن سۇيىسپەنشىلىكپەن، جاۋاپكەرشىلىكپەن ويداعىداي ىستەپ، الەۋمەتتىك اۋماقتىڭ قورعانىس شەبىن باتىل ساقتاۋ؛ ناۋقاستاردى ونان ارى بار كۇشپەن قۇتقارىپ، ەمدەپ، ”ءتورتتى شوعىرلاندىرۋعا“ تاباندى بولىپ، 7 - نۇسقاداعى دياگنوز قويۋ - ەمدەۋ جوباسىن قاتاڭ اتقارىپ، جۇڭگوشا، باتىسشا ەمدەۋدى ۇشتاستىرىپ، كوپ ءتۇرلى پانگە بىردەي ءمان بەرىپ، جۇيەلىلەندىرىپ، ءبىرىڭعايلاندىرىپ ەمدەۋ كەرەك.
ءتورتىنشى، ستيلگە ونان ارى بۇرىلىس جاساۋ كەرەك. ىندەتتەن ساقتانۋ - تىزگىندەۋدى قايراق، سىنتاس ەتىپ، ۇلكەن شايقاس، ۇلكەن سىناقتا ستيلدى سىننان وتكىزىپ، شىڭاپ، ستيلگە بۇرىلىس جاساپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگىنە بارىنشا جاۋاپتى بولۋ پوزيتسياسىمەن ىندەتتەن ساقتانۋ - تىزگىندەۋ قىزمەتىن سوڭىنا دەيىن يگەرىپ، ءبىر ءسات تە بوساڭسىتپاي، تيتتەي دە سەلقوستىق ىستەمەي، ماسەلەنى باعدار ەتۋدەن جازباي، نازىك تۇستاردان كىرىسىپ، ناقتى تۇستارعا كۇش سالىپ، ءار بۋىندى تىعىز قابىستىرىپ، ونان ارى بەكەمدەي ءتۇسىپ، ساقتانۋ - تىزگىندەۋ شارالارىن قاز - قالپىندا ناقتى، ەگجەي - تەگجەيلى، تياناقتى يگەرۋ كەرەك. جاۋاپكەرشىلىك ارقالاماعانداردى، ءىس تىندىرماعانداردى، ستيلدە تۇرلاۋسىزدىق ىستەگەندەردى، قىزمەتتە شالاعايلاردى، جاۋاپكەرشىلىكتەن قاشىپ ءبىر - بىرىنە يتەرمەلەگەندەردى، پەيىلسىز ىستەپ، تايساقتاعانداردى قاتاڭ قۋزاستىرىپ، جاۋاپقا تارتۋ كەرەك.
بەسىنشى، كۇشتى ونان ارى ءبىر تۇتاس جوسپارلاۋ كەرەك. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنىڭ قولداۋىندا مەملەكەت، كومەكتەسۋشى ولكە - قالالار، اۆتونوميالى رايون، ءۇرىمجى قالاسى سياقتى ءار جاقتاعى كۇشتەردى عىلمي ءبىر تۇتاس جوسپارلاپ، باسىمدىقتى ساۋلەلەندىرىپ، بىرلەسىپ ساقتانىپ، بىرلەسىپ تىزگىندەپ، سايكەسە شايقاس جاساپ، قارىم - قاتىناستى، سايكەسۋدى كۇشەيتىپ، ينفورماتسيانىڭ ىركىلىسسىزدىگىنە شىنايى كەپىلدىك ەتىپ، ىندەتتەن ساقتانۋ - تىزگىندەۋدىڭ قۋاتتى بىرىككەن كۇشىن قالىپتاستىرۋ كەرەك.
التىنشى، جاۋاپكەرشىلىكتى ونان ارى تياناقتاندىرۋ كەرەك. ءار دارەجەلى پارتيا، ۇكىمەتتەردىڭ ءبىرىنشى باسشىلارى وزدەرى يگەرىپ، باس جاۋاپكەرشىلىكتى ۇستىنە الىپ، باسشى كادرلاردىڭ ءبولىپ كوتەرمەگە الۋ جاۋاپكەرشىلىك ءتۇزىمىن قاتاڭ تياناقتاندىرىپ، اركىم ءوز جاۋاپكەرشىلىگىن ءبىلۋ، اركىم ءوز جاۋاپكەرشىلىگىن ارقالاۋ، اركىم ءوز جاۋاپكەرشىلىگىن ادا ەتۋ، مىندەتىن وتەمەگەندەردىڭ جاۋاپكەرشىلىگىن قۋزاستىرۋ كەرەك. قالىڭ پارتيالى كادرلار اۆانگارد بولىپ، اتويلاپ الدا ءجۇرىپ، شىن مانىندە جاۋاپكەرشىلىكتى ارقالاپ، يگەرىپ، ارەكەتتە تياناقتاندىرۋ كەرەك. نەگىزگى ساتى پارتيا ۇيىمى مەن قالىڭ پارتيا مۇشەلەرى جاۋىنگەر قورعاندىق رولىن جانە اۆانگارد ۇلگىلىك رولىن تولىق ساۋلەلەندىرىپ، بۇقارانى جاپپاي اتتانىسقا كەلتىرىپ، بۇقارانى ۇيىمداستىرىپ، بۇقارانى ۇيىستىرىپ، بۇقارالىق ساقتانۋ، بۇقارالىق تىزگىندەۋدىڭ بەرىك قورعانىس شەبىن ورناتۋ كەرەك.
