تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايون مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىمەن اڭگىمە ءماجىلىس وتكىزدى

چىن چۋانگو ءماجىلىستى باسقاردى، يۇي شۋەجۇن، لي پىڭشين قاتىناستى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 8 - ايدىڭ 6 - كۇنى ۇرىمجىدەن حابارلايدى. 8 - ايدىڭ 6 - كۇنى تۇستەن كەيىن اۆتونوميالى رايون مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىمەن اڭگىمە ءماجىلىس وتكىزىپ، ىندەتتەن ساقتانۋ - تىزگىندەۋ قىزمەتىن ونان ارى ويداعىداي ىستەۋ جونىندە پىكىر اۋىستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى، مەملەكەتتىك دەنساۋلىق ساقتاۋ جانە سالاماتتىق كوميتەتىنىڭ ورىنباسار مەڭگەرۋشىسى يۇي شۋەجۇن ماجىلىسكە قاتىناستى.

  اۆتونوميالى رايون باسشىلارىنان لي پىڭشين، شۇي حايرۇڭ، تيان ۋىن، لي يفي، ياڭ شين، جاڭ چۇنلين، مەملەكەتتىك دەنساۋلىق ساقتاۋ جانە سالاماتتىق كوميتەتى مەديتسينالىق اكىمشىلىك، مەديتسينالىق باسقارۋ مەكەمەسىنىڭ باستىعى جاڭ زۇڭجيۋ، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنىڭ باستىعى يۇي جيڭجين، ەپيدەميولوگيالىق تەكسەرۋ ماماندار گرۋپپاسىنىڭ باستىعى لەي جىڭلۇڭ جانە ماماندار گرۋپپاسىنىڭ مۇشەلەرى ماجىلىسكە قاتىناستى.

  ماجىلىستە ماماندار گرۋپپاسىنىڭ مۇشەلەرى مەديتسينالىق قۇتقارۋ - ەمدەۋ، نۋكلەين قىشقىلىن ەكشەپ تەكسەرۋ، ەپيدەميولوگيالىق تەكسەرۋ جانە تەگىن انىقتاۋ، مەديتسينالىق باقىلاۋ، الەۋمەتتىك اۋماقتاعى ساقتانۋ - تىزگىندەۋ، قورشاعان ورتانى زارارسىزداندىرۋ، كۇشتەردى ءبىر تۇتاس جوسپارلاۋ، ينفورماتسيادان ورتاق پايدالانۋ سياقتى جاقتاردان ىندەتتەن ساقتانۋ - تىزگىندەۋ قىزمەتى جونىندە جەكە - جەكە باعىتتامالى پىكىر جانە ۇسىنىستاردى ورتاعا قويدى.

  يۇي شۋەجۇن كەزەكتەگى ىندەتتەن ساقتانۋ - تىزگىندەۋ جاعدايىنا تالداۋ جاساپ، كەلەسى قادامداعى ءتۇيىندى قىزمەتتەر جونىندە ۇسىنىس قويدى. ول بىلاي دەپ اتاپ كورسەتتى: ءۇرىمجى قالاسىندا ىندەت قايتا تۋىلعاننان بەرى، اۆتونوميالى رايوندىق پارتكوم ايرىقشا ءمان بەرىپ، دەرەۋ ورنالاستىرۋ جاساپ، ىندەتتەن ساقتانۋ - تىزگىندەۋ قىزمەتىن بار كۇشپەن ورىستەتتى؛ مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى اۆتونوميالى رايونداعى جانە ءۇرىمجى قالاسىنداعى ءار ۇلت كادر - جۇرتشىلىعىمەن، بارشا ەمدەۋ - كۇتىمدەۋ قىزمەتكەرلەرىمەن ءبىر نيەت، ءبىر تىلەكتە بولا وتىرىپ، بەينەت پەن زەينەتتى بىرگە وتكەرىپ، قيىندىقتى بىلەك بىرىكتىرە جەڭدى، ساقتانۋ - تىزگىندەۋ قىزمەتىن پارمەندى، ءتارتىپتى ىلگەرىلەتتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ەرتە بايقاۋعا، ەرتە مالىمدەۋگە، ەرتە اۋاشالاۋعا، ەرتە ەمدەۋگە باستان - اياق تاباندى بولىپ، بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ رولىن تولىق ساۋلەلەندىرىپ، نۋكلەين قىشقىلىن تەكسەرۋدىڭ ساپاسى مەن ونىمدىلىگىن ۇزدىكسىز جوعارىلاتىپ، ساقتانۋ - تىزگىندەۋ قىزمەتى وتكەلىنىڭ الدىعا جىلجۋىن ىلگەرىلەتىپ، ەپيدەميولوگيالىق تەكسەرۋ، تەگىن انىقتاۋ جۇمىسىن جالپى بەتتىك ورىستەتىپ، ىندەت جاعدايىن قاداعالاۋ قىزمەتىن ەگجەي - تەگجەيلى ورىستەتىپ، ”ءتورتتى شوعىرلاندىرۋدى“ تياناقتاندىرىپ ناۋقاستاردى بار كۇشپەن قۇتقارىپ - ەمدەپ، نۋكلەين قىشقىلىن تەكسەرۋ ناتيجەسى بولىمدى بولعانداردى جالپى بارىستىق، جالپى پەريودتىق جابىق باسقارۋدى قاتاڭ اتقارىپ، ىندەتتىڭ الدىن الۋدىڭ ءار بۋىنىن ەگجەي - تەگجەيلى تياناقتاندىرىپ، ىندەتكە قارسى اتتانۋدىڭ قۋاتتى بىرىككەن كۇشىن قالىپتاستىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە بار كۇشپەن، باتىل قول جەتكىزۋ كەرەك.

  چىن چۋانگو مىنالاردى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، حالىقتى وزەك ەتكەن قىزمەت باعدارىنا قاشاندا تاباندى بولىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگىن جانە دەنساۋلىعىن بۇلجىماستان ءبىرىنشى ورىنعا قويىپ، ىندەتتەن ساقتانۋ - تىزگىندەۋ قىزمەتىن كەزەكتەگى ەڭ ماڭىزدى قىزمەت رەتىندە مىقتى ۇستاپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابى بويىنشا، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى مەن ماماندار گرۋپپاسىنىڭ عىلمي جەتەكشىلىگىندە تومەنگى شەكتە ويلاۋدان جازباي، ماسەلەنى باعدار ەتۋگە، ناتيجەنى باعدار ەتۋگە تاباندى بولىپ، جاۋاپكەرشىلىك ارقالاۋ تانىمىن كۇشەيتىپ، ”ءتورت ەرتە بولۋ“ شارالارىن تياناقتاندىرىپ، ”ءتورت جاقتىڭ“ جاۋاپكەرشىلىگىن ناقتىلاندىرىپ، بەلسەندىلىكپەن، ىرىقتىلىقپەن ىسكەرلىك كورسەتىپ، ءتۇرلى ساقتانۋ - تىزگىندەۋ شارالارىن قاز - قالپىندا بۇلجىتپاي ەگجەي - تەگجەيلى، تىڭعىلىقتى تياناقتاندىرۋ كەرەك. ءۇرىمجى قالاسىن ءتۇيىن ەتكەن، بۇكىل رايون سايكەسە، بىرلەسە قيمىلدايتىن ىندەتتەن ساقتانۋ - تىزگىندەۋ جۇيەسىن ونان ارى اقاۋسىزداندىرىپ، كەمەلدەندىرىپ، ىندەتتىڭ الدىن الۋ قاجەتىن ارقاۋ ەتە وتىرىپ نۋكلەين قىشقىلىن تەكسەرۋ قىزمەتىن ورىستەتىپ، شوعىرلى مەديتسينالىق باقىلاۋ تۇيىندەرىندەگى ساقتانۋ - تىزگىندەۋ شارالارىن تياناقتاندىرۋدى جانە ساقتانۋ - قورعانۋعا جەتەكشىلىك ەتۋدى كۇشەيتىپ، الەۋمەتتىك اۋماقتاردى باسقارۋدى قاتايتىپ، ءبىرىڭعاي، جۇيەلى قۇتقارۋ - ەمدەۋدى عىلمي ورىستەتىپ، شيپاحانالاردا جۇعىمدالۋدان قاتاڭ ساقتانىپ، زاتتىق ماتەريالدارمەن قامداۋدى بار كۇشپەن قامتاماسىز ەتىپ، ءبىر تۇتاس قولباسشىلىق ەتۋدى، ءبىر تۇتاس ورنالاستىرۋدى كۇشەيتىپ، بىرلەسىپ ساقتانۋ، بىرلەسىپ تىزگىندەۋ شارالارىن جالپى بەتتىك تياناقتاندىرىپ، ساقتانۋ - تىزگىندەۋ جاۋاپكەرشىلىگىن قاتايتىپ، ناقتىلاندىرىپ، ىندەتتەن ساقتانۋ - تىزگىندەۋدەن قامال الۋ شايقاسىن باتىل، ويداعىداي جۇرگىزىپ، جەڭىسكە جەتۋ كەرەك.

  اۆتونوميالى رايون باسشىلارىنان ۋاڭ ميڭشان، ليۋ جيانشين، ۋان حايچۋان، ياڭ يۇڭ قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.