شينجياڭ گازەتىنىڭ جالپىلىق اقپارات قۇرالدارى ءتىلشىسى لي شيڭ 8 - ايدىڭ 6 - كۇنى ۇرىمجىدەن حابارلايدى. الدىڭعى جارتى جىلدا رايونىمىزداعى 14 قالانىڭ ساپالى اۋا رايى كۇن سانى بىلتىرعى سايكەس مەزگىلدەگىمەن سالىستىرعاندا تۇگەلدەي ارتىپ، اۋا ساپاسى اناعۇرلىم جاقسارعان.
بيىل رايونىمىزدىڭ ”كوك اسپاندى قورعاۋ شايقاسىن“ جۇرگىزگەندىگىنىڭ ءۇشىنشى جىلى، قالانىڭ ساپالى اۋا رايى كۇن سانى سالىستىرماسىنىڭ ارتۋى، 5.PM2 قويۋلىعى سالىستىرماسىنىڭ تومەندەۋى جانە اۋىر لاستانعان كۇن سانى سالىستىرماسىنىڭ تومەندەۋى − كوك اسپاندى قورعاۋ شايقاسىنىڭ جەڭىسىنە قول جەتكىزۋدىڭ بۇلتارماس مىندەتى. اۆتونوميالى رايوندىق ەكولوگيالىق ورتا مەڭگەرمەسىنىڭ جاريالاعان ساندى مالىمەتىندە كورسەتىلۋىنشە، الدىڭعى جارتى جىلدا 14 قالانىڭ، ”ءۇرىمجى - سانجى - شىحىزى“ وڭىرىندەگى قالالاردىڭ ورتاشا ساپالى اۋا رايى كۇن سانىنىڭ سالىستىرماسى سايكەس مەزگىلدەگىدەن جەكە - جەكە 2.7 پايىز جانە 4.1 پايىز ارتقان؛ ”ءۇرىمجى - سانجى - شىحىزى“، ”كۇيتۇن - مايتاۋ - شيحۋ“ ءتۇيىندى وڭىرلەرىندەگى قالالاردىڭ 5.PM2 قويۋلىعى سايكەس مەزگىلدەگىدەن جەكە - جەكە %11.9 جانە %8.9 تومەندەگەن.
اۆتونوميالى رايوندىق ەكولوگيالىق ورتا مەڭگەرمەسى اتموسفەرا ورتاسى باسقارماسىنىڭ ورىنباسار باستىعى شيۇڭ جيانشين بىلاي دەپ تانىستىردى: ساپالى اۋا رايى كۇن سانىنىڭ ارتۋىمەن بىرگە، بيىل رايونىمىزدا قۇمدى بوراندى اۋا رايىنىڭ تۋىلۋ سانى، كۇشتىلىگى جانە قالاعا اسەر ەتۋى ارتىپ، ءتۇيىندى وڭىرلەردەگى قالالاردىڭ اۋا ورتاسى، ساپاسىنا بەلگىلى ىقپال جەتكىزگەن.
بيىل 5 - ايدان باستاپ، رايونىمىز ”ءۇرىمجى - سانجى“ وڭىرىندە جىلۋمەن قامداۋ ماۋسىمى ەمەس كەزدەردە شاڭ - توزاڭدى جونگە سالۋ قىزمەتىن ورىستەتتى ءارى تۇتاس رايوننىڭ جەر - جەرىنىڭ قاتىستى قىزمەتتەردى ويداعىداي ىستەۋىنە جەتەكشىلىك ەتتى. سونىمەن بىرگە، جەر - جەردىڭ ”كوك اسپاندى قورعاۋ شايقاسىنىڭ“ 3 جىلدىق ارەكەت جوسپارىنا نەگىزدەلىپ، جاز ماۋسىمىندا VOCدى (ۇشپالى ورگانيكالى قوسپا زات) مەڭگەرۋدى ىلگەرىلەتۋىنە؛ بولات - تەمىر، وت ەلەكتر، سەمەنت سياقتى ءتۇيىندى كاسىپتەردى باسقارۋ - مەڭگەرۋدى كۇشەيتىپ، بولات - تەمىر ونەركاسىبىنىڭ اسا تومەن ىعىستىرۋ جانە VOC، قۇرىلىس ماتەريالدارى سياقتى كاسىپتەردىڭ ولشەمىن جوعارىلاتۋ، جاقسارتۋدى ۇزدىكسىز ىلگەرىلەتىپ، كۇز، قىس ماۋسىمدارىنداعى اتموسفەرانىڭ لاستانۋىن ويداعىداي جونگە سالۋعا تاماشا نەگىز قالاۋىنا جەتەكشىلىك ەتتى.