شي جينپيڭ ”14 - بەسجىلدىق“ جوبانى جاساۋ قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى
جوعارى دەڭگەيلى جوبالاۋدى كۇشەيتۋ مەن حالىقتىڭ قامىن ويلاۋعا تاباندى بولۋدى بىرلىككە كەلتىرىپ، ءبىر نيەتپەن سەلبەسىپ ”14 - بەسجىلدىق“ جوبانى ويداعىداي جاساۋ كەرەك
شينحۋا اگەنتتىگىنىڭ 8 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ”14 - بەسجىلدىق“ جوبانى جاساۋ قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى: حالىق شارۋاشىلىعى مەن قوعامدىق دامۋدىڭ 5 جىلدىق جوباسىن جاساۋ جانە اتقارۋ − پارتيامىزدىڭ ەل باسقارۋداعى ماڭىزدى ءتاسىلى. 5 جىلدىق جوبانى جاساۋ ەكونوميكالىق جانە قوعامدىق دامۋدىڭ بارلىق جاعىنا سايادى، حالىق بۇقاراسىنىڭ ءوندىرىس - تۇرمىسىمەن تىعىز قاتىستى، اشىق اقىل - كەڭەس الىپ، كوپ پاراساتىن ساۋلەلەندىرىپ، جوعارى دەڭگەيلى جوبالاۋدى كۇشەيتۋ مەن حالىقتىڭ قامىن ويلاۋعا تاباندى بولۋدى بىرلىككە كەلتىرىپ، قالىڭ حالىق بۇقاراسى مەن قوعامنىڭ ءار سالاسىن ”14 - بەسجىلدىق“ جوباعا ءار ءتۇرلى تاسىلدەرمەن ۇسىنىس قويۋعا، اقىل - كەڭەس بەرۋگە شابىتتاندىرىپ، قوعامنىڭ تىلەگىن، بۇقارانىڭ اقىل - پاراساتىن، مامانداردىڭ پىكىرلەرىن، نەگىزگى ساتىنىڭ تاجىريبەلەرىن ”14 - بەسجىلدىق“ جوبانى جاساۋ بارىسىندا شىن مانىندە قابىلداپ، ءبىر نيەتپەن سەلبەسىپ ”14 - بەسجىلدىق“ جوبانى ويداعىداي جاساۋ كەرەك.
ەلىمىز 2021 - جىلدان باستاپ ”14 - بەسجىلدىق“ جوبانى اتقارادى، قازىر پارتيا ورتالىق كوميتەتى ”14 - بەسجىلدىق“ مەزگىلىندەگى ەكونوميكالىق، قوعامدىق دامۋ جوبا ۇسىنىسىن جاساۋعا ۇيىمداستىرۋدا. شي جينپيڭنىڭ ماڭىزدى نۇسقاۋىنىڭ رۋحىنا جانە جوبا ۇسىنىسىن جاساۋ قىزمەتىنىڭ ورنالاستىرۋىنا ساي، قاتىستى جاقتار تاياۋدا كوپ ءتۇرلى فورمامەن كادر - بۇقارا، مامان - وقىمىستىلار قاتارلىلاردان ”14 - بەسجىلدىق“ جوبا جونىندە پىكىر جانە ۇسىنىس الادى.
