تۇرمىس رايونى مەن ءوندىرىس رايونىن ءبولدى
تيانشان تورىنىڭ حابارى (حابارىن جازىپ، سۋرەتىن تۇسىرگەن تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن) 8-ايدىڭ 7-كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەت جاعدايى جانە ساقتانۋ - تىزگىندەۋ قىزمەتى جونىندەگى 21 - رەتكى اقپار جاريالاۋ ءماجىلىسىن اشتى. ءۇرىمجى قالالىق اۋىل شارۋاشىلىعى، اۋىل-قىستاق مەكەمەسىنىڭ باستىعى لي شياڭرۇن ماجىلىستە ءۇرىمجى قالاسىنىڭ اۋىل-قىستاقتارىندا ىندەتتەن ساقتانۋ تىزگىندەۋ قىزمەتىنىڭ ورىستەتىلۋ جاعدايىن تانىستىردى.
لي شياڭرۇن بىلاي دەدى: ”قالالىق ىندەتتەن ساقتانۋ-تىزگىندەۋ قولباسشىلىق شتابىنىڭ ءبىر تۇتاس ورنالاستىرۋىنا ساي، ءبىز ىندەتتەن ساقتانۋ-تىزگىندەۋ مەن اۋىل شارۋاشىلىعى وندىرىسىندە <ەكى جاعىن يگەرۋ، ەكى جاعىن دا اقساتپاۋعا> تاباندى بولىپ، تومەندەگىدەي ءبىرقانشا قىزمەتتەردى ءتۇيىندى تۇردە ىستەپ، ىندەتتەن-ساقتانۋ تىزگىندەۋ شارالارىنىڭ تياناقتانۋىنا، اۋىل شارۋاشىلىعى ءوندىرىسىنىڭ تارتىپپەن قامتاماسىز ەتىلۋىنە شينايى كەپىلدىك ەتتىك“.
ءبىرىنشى، اۋىل-قىستاقتى جابىق باسقارۋدى كۇشەيتتىك. اۋىل-قىستاقتىڭ تۇرمىس رايونى مەن اۋىل شارۋاشىلىعى ءوندىرىس رايونىن ءبولىپ باسقارۋدى جولعا قويدىق، اۋىل شارۋاشىلىعى وندىرىسىمەن اينالىسپايتىن ادامداردىڭ بارلىعىن ۇيىندە جابىق باسقاردىق، اۋىل شارۋاشىلىعى وندىرىس ادامدارى ءوندىرىس الاڭ-ورىندارىندا جابىق كۇيدە ءوندىرىس ەڭبەگىمەن شۇعىلداندى، ماسكى تاعۋ، جينالماۋ قاتارلى ىندەتتەن ساقتانۋ تالابىن قاتاڭ تياناقتاندىردىق. اۋىل-قىستاق ادامدارى تىعىز شوعىرلاناتىن الاڭ-ورىنداردى جاۋىپ، توپتىق قيمىلداردى ۋاقىتشا توقتاتتىق؛ كوكونىس دۇكەندەرى، استىق، ماي دۇكەندەرى، قوسىمشا ازىق-تۇلىك دۇكەندەرى، ءدارى دۇكەندەرىنەن باسقا بارلىق تيجارات ورىندارىن جاپتىق.
ەكىنشى، بۇقاراعا قىزمەت وتەۋ قىزمەتىن ويداعىداي ىستەدىك. قىستاق تۇرعىندارى ۇيدە جاتقان مەزگىلدە، قىستاق كادرلارى وتباسىلارىن كوتەرەگە الىپ باسقارىپ، قىزمەت وتەپ، كۇندەلىكتى اۋا الماستىرۋ، كۇندەلىكتى زارارسىزداندىرۋ سىندى ىندەتتەن ساقتانۋ شارالارىن تياناقتاندىردى؛ قىستاق تۇرعىندارىنان ءوز بەتىمەن سىرتقا شىقپاۋدى تالاپ ەتتىك، قىستاق كادرلارى مەن ەرىكتىلەر كوكونىس، قوسىمشا ازىق-تۇلىك، ءدارى-دارمەك سىندى تۇرمىستىق زاتتىق ماتەريالدار جەتكىزىپ بەرۋ جانە قوقىر-قوقسىقتاردى ءبىر جايلى ەتۋ قىزمەت وتەۋىمەن قامدادى؛ بۇقاراعا قىزمەت وتەۋ ىستىق لەنيالى تەلەفونىن اشىپ، 24 ساعات مىندەت وتەدى، كۇدىكتەن ارىلتىپ، تۇسىنىك جاسادى؛ اۋىل-قىستاقتاعى قيىنشىلىعى بار بۇقاراعا قامقورلىق جاساۋدى، كوڭىل ءبولۋدى كۇشەيتىپ، تومەن تۇرمىسى قامتاماسىزداندىرىلاتىن وتباسىلارعا، قيىنشىلىعى بار وتباسىلارعا دەركەزىندە تۇرمىستىق قاجەتتى بۇيىم تاراتتىق؛ ”ءبىر وتباسىنا ءبىر ارحيۆ“ ەسەپ داپتەرىن تۇرعىزىپ، جالپى بەتتىك نۋكلەين قىشقىلىن تەكسەرۋدى تياناقتاندىرىپ، بىردە-ءبىر ادامنىڭ قالماۋىنا شىنايى كەپىلدىك ەتتىك، قىستاق تۇرعىندار كوميتەتىندەگى وتباسىلارىن كوتەرەگە العان كادرلار ءار كۇنى 3 ۋاق وتباسىلارىنا بارىپ دەنە تەمپەراتۋراسىن ولشەدى، جۇكتى، بوسانعان ايەلدەرگە، بالالارعا، سونداي-اق سوزىلمالى ناۋقاسى بارلارعا، ەرەكشە ەمدەلۋ قاجەتى بارلارعا تاۋلىق بويى ءدارى-دارمەك ۋاكىلاتان ساتىپ الۋ، ارناۋلى اپارىپ-اكەلىپ دارىگەرگە كورسەتۋ سياقتى قىزمەت وتەۋ، قامتاماسىز ەتۋ قىزمەتتەرىن ورىستەتتى.
ءۇشىنشى، جالپى بەتتىك زارارسىزداندىرۋ قىزمەتىن ورىستەتتىك. اۋىل-قىستاق ەمدەۋ قۇرىلىمدارى، تۇرعىندار تۇراعى، قىزمەت ورنى، ورتانى قورعاۋ قۇرىلعىلارى، اۋىل شارۋاشىلىعى ساۋدا بازارى، سويىس الاڭى، باعىمشىلىق الاڭى قاتارلى ورىنداردى جالپى بەتتىك زارارسىزداندىردىق. اۋىل-قالاشىق دەنساۋلىق ساقتاۋ ورنى، قىستاق ەمحاناسى، قارتتار كۇتىمحاناسى، بالالار يگىلىك ورنى قاتارلى ءتۇيىندى وڭىرلەرگە، ءتۇيىندى ورىندارعا، ءتۇيىندى الاڭدارعا دەنە تەمپەراتۋراسىن ولشەۋ، زارارسىزداندىرۋ، قوقىر-قوقسىقتى جەكە جيناپ ءبىر جاقتى ەتۋ قاتارلى ىندەتتەن ساقتانۋ شارالارىن قاتاڭ تياناقتاندىردىق.
ءتورتىنشى، اۋىل شارۋاشىلىعى ءوندىرىسىن ءبىر تۇتاس جوسپارلاپ، مىقتى يگەردىك. اۋىل شارۋاشىلىعى وندىرىسشىلەرىن كوكونىس جيناۋ، مال، قۇس باعىمشىلىعى قاتارلى اۋىل شارۋاشىلىعى ءوندىرىسىن تارتىپپتەن ورىستەتۋگە ۇيىمداستىردىق؛ ءوندىرۋ-ساتۋدى ۇشتاستىرۋدى كۇشەيتىپ، شينليان بازارى سىندى ءىرى اۋىل شارۋاشىلىعى ونىمدەرىن تولايىم ساتۋ بازارىنداعى ساۋداگەرلەردى اتىزعا بارىپ كوكونىس ساتىپ الۋعا ۇيىمداستىرىپ، ساۋداگەرلەر مەن قىستاق تۇرعىندارىنىڭ باعاعا ۇيلەسىمدى كەلىسۋىنە جەتەكشىلىك ەتىپ، كوكونىستىڭ ساتىلماي قالۋىنان نەمەسە باعانى كەلسىن-كەلمەسىن كوتەرۋدەن ءونىمدى ساقتاندىق؛ حايۋاناتتار ىندەتىنەن ساقتانۋ-تىزگىندەۋدى كۇشەيتىپ، مال، قۇستاردى تاسۋ، باعۋ، سويۋ سىندى بۋىنداردى زارارسىزداندىرۋ،ىندەتتەن ساقتانۋ قىزمەتتەرىن ويداعىداي ىستەدىك؛ جاسىل ارنا اشىپ، اۋىل شارۋاشىلىعى ءوندىرىس ماتەريالدارى مەن اۋىل شارۋاشىلىعى ونىمدەرىنىڭ تاسىمالدانۋىن ىركىلىسسىزدەندىردىك.
بەسىنشى، ىندەتتەن ساقتانۋ عىلىم جالپىلاستىرۋ ۇگىتىن كۇشەيتتىك. اۋىل-قىستاق ۇلكەن لاباسى، ۋيشين توبى، ۇران كەرمە تۋى سىندى ءتۇرلى ۇگىت دانەكەرلەرىنەن تولىق پايدالانىپ، ىندەتتەن ساقتانۋ-تىزگىندەۋ شارالارىن جانە عىلمي ساقتانۋ بىلىمدەرىن بار كۇشپەن ۇگىتتەپ، جالپىلاستىرىپ، اۋىل-قىستاق تۇرعىندارىنىڭ ىندەتتەن ساقتانۋ-تىزگىندەۋ تانىمىن جوعارىلاتتىق؛ وتباسىلارىن كوتەرەگە العان كادرلاردى تەلەفون، ۋيشين قاتارلى تاسىلدەر ارقىلى بۇقارامەن حابارلاسىپ، تاربيەلەۋ، جەتەكتەۋ جانە پسيحولوگيالىق ءجٶن سىلتەۋ قىزمەتتەرىن بەلسەنە جاقسى ىستەۋگە ۇيىمداستىردىق.
