تيانشان تورى   ›   جاڭالىقتار   ›   سپورت الەمى

رايونىمىزدىڭ ادام باسىنا تۋرا كەلەتىن دەنە تاربيە الاڭىنىڭ اۋدانى جىل سوڭىندا 2.1 شارشى مەترگە جەتكىزىلەدى

كوپتەگەن ساندى مالىمەتتەر الدىن الا بەلگىلەنگەن دامۋ نىساناسىنان استى

  شينجياڭ گازەتىنىڭ جالپىلىق اقپارات قۇرالدارى ءتىلشىسى دۇڭ لياڭ 8 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق دەنە تاربيە مەكەمەسىنەن ۇعىسۋىمىزشا، قازىر رايونىمىز 115 قوعامدىق فۋتبول الاڭى نىسانىنىڭ قۇرىلىسىن جەدەل جۇرگىزىپ، جىل سوڭىندا اياقتاۋدى جوسپارلاعان. سول كەزدە رايونىمىزدىڭ ادام باسىنا تۋرا كەلەتىن دەنە تاربيە الاڭىنىڭ اۋدانى 2.1 شارشى مەترگە جەتەدى ەكەن.

  ءتىلشىنىڭ ۇعىسۋىنشا، رايونىمىزدىڭ جالپى حالىقتىق دەنە شىنىقتىرۋ قىزمەتى سوڭعى 5 جىلدان بەرى جىلدام دامىپ، كوپتەگەن ساندى مالىمەتتەر دامۋ نىساناسىنا جەتكەن نەمەسە ودان اسقان.

  قازىرگە دەيىن بۇكىل رايونداعى ءار دارەجەلى دەنە تاربيە قوعامدىق ۇيىمدارى 600گە تاياعان، جەكە تۇردەگى دەنە تاربيە قوعامى مەن كاسىپتىك قوعام كورنەكتى كوبەيگەن. قوعامدىق دەنە تاربيەنىڭ جەتەكشىلەر قوسىنى ۇزدىكسىز زورايىپ، قوعامدىق دەنە تاربيە جەتەكشىلەرىنىڭ كاسىپتىك دارەجە كۋالىگىن العان ادامداردىڭ تىركەلگەن سانى 51 مىڭ 443 بولعان. جوعارىداعى ەكى ساندى مالىمەت تۇگەلدەي دامۋ نىساناسىنان اسقان. مۇنان سىرت، كاسىپتىك قوعامدىق دەنە تاربيە جەتەكشىلەرى كۋرسىنا ون مىڭنان استام ادام - رەت قاتىناسقان، 5000عا تاياۋ ادام كاسىپتىك شەبەرلىك باعالاۋىنان ءوتىپ، كاسىپتىك قوعامدىق دەنە تاربيە جەتەكشىسى تولىمدىلىعىن العان.

  رايونىمىز بۇقاراسىنىڭ دەنە تاربيەمەن اينالىسىپ، دەنە شىنىقتىرۋ تانىمى جاپپاي جوعارىلاپ، دەنە تاربيەمەن اينالىسىپ، دەنە شىنىقتىراتىندار كورنەكتى تۇردە كوبەيگەن. بيىل الدىڭعى جارتى جىلعا دەيىن رايونىمىزدا ءبىر اپتادا ءبىر رەتتەن ارتىق دەنە تاربيەمەن اينالىسىپ، دەنە شىنىقتىراتىن ادام سانى 10 ميلليونعا جەتىپ، ۇنەمى دەنە تاربيەمەن اينالىسىپ، دەنە شىنىقتىراتىن ادام سانى 8 ميلليونعا جەتتى. سونىمەن بىرگە، رايونىمىزدا اۋدان دارەجەلى جالپى حالىقتىق دەنە شىنىقتىرۋ ورتالىعىنان 86سى سالىنىپ، بۇكىل رايون جالپى سانىنىڭ %93ىن يەلەگەن، بيىل جىل سوڭىندا جاپپاي قامتۋ جۇزەگە اسىرىلماق؛ اۋىل - قالاشىق شارۋالار دەنە تاربيە، دەنە شىنىقتىرۋ ينجەنەرياسىنان 395ى سالىنادى؛ 8601 اكىمشىلىك قىستاقتىڭ ەگىنشى - مالشىلار دەنە تاربيە، دەنە شىنىقتىرۋ ينجەنەرياسى سالىنادى، قازىر قىستاققا ءبولىپ قامتۋ قىزمەتى جۇرىلۋدە، جوسپار بويىنشا كەلەر جىلى جاپپاي قامتۋ ورىندالادى ەكەن. الەۋمەتتىك اۋماق دەنە شىنىقتىرۋ ورتالىعىنان 86سى سالىندى، الەۋمەتتىك اۋماق كوپ فۋنكتسيالى سپورت الاڭىنان 66سى سالىندى؛ قارجىلاي كومەكپەن 17 الەۋمەتتىك اۋماق دەنە تاربيە كلۋبى، 15 دەنە تاربيە باقشاسى، 29 دەنە شىنىقتىرۋ جارىس جولى سالىندى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى