شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا
”بۇگىن تۇرعىندار قاجەت ەتكەن كوكونىستەر شەتىنەن جەتكىزىلدى“، - دەدى 8 - ايدىڭ 7 - كۇنى تۇستە، ءۇرىمجى قالاسى تيانشان رايونى داشيمىن شياۋشيمىن اۋماقتارىن باسقارۋ كوميتەتىنىڭ گۋاڭميڭ جولى وڭتۇستىك الەۋمەتتىك اۋماعىندا، ەرىكتى ياڭ جۇن تەرىن ءسۇرتىپ تۇرىپ.
ياڭ جۇن اۆتونوميالى رايوندىق ساياسي كەڭەس ورگانى 13 - پارتيا ياچەيكاسىنىڭ پارتيا مۇشەسى، ىندەت تۋىلعاننان كەيىن، ول ەڭ الدىمەن تىزىمدەلىپ، الەۋمەتتىك اۋماقتىڭ ەرىكتىسى بولدى. ”وسىنداي شەشۋشى ساتتە، ءدال پارتيا مۇشەلەرى اۆانگارد، ۇلگىلىك رولدارىن ساۋلەلەندىرەتىن كەزدە، ءبىز، ءسوز جوق، الدىعا شىعىپ، تىرەك بولۋىمىز كەرەك“، - دەدى ياڭ جۇن.
”قاي جەردە قاتەرلى دە اۋىر جۇمىس بولسا، سول جەردە پارتيا ۇيىمىنىڭ قۋاتتى دا پارمەندى قىزمەتى بولادى، سول جەردە پارتيا مۇشەلەرىنىڭ اۆانگارد بولىپ، ۇلگى كورسەتۋى بولادى“. وسى پارتيا ياچەيكاسىنىڭ شۋجيى لي شياۋرۇڭنىڭ تانىستىرۋىنشا، ياچەيكا ەڭ الدىمەن 8 پارتيا شاعىن گرۋپپاسى ارقىلى ۇندەۋ جاريالاپ، پارتيا مۇشەلەرىن ىرىقتىلىقپەن الەۋمەتتىك اۋماقتىڭ ەرىكتى قىزمەت وتەۋىنە ات سالىسۋعا ۇيىمداستىردى. قازىر ياچەيكاداعى 16 پارتيا مۇشەسى ەرىكتى بولىپ، ءارقايسىسى وزدەرى تۇرعان الەۋمەتتىك اۋماقتارىندا قاربالاس جۇمىس ىستەۋدە.
ياڭ جۇن تۇرعان عيمارات كونە عيمارات، ليفت جوق، ول ءار كۇنى قايتا - قايتا ءتۇسىپ - شىعىپ، تۇرعىندارعا كوكونىس جەتكىزەدى، دەنە تەمپەراتۋراسىن ولشەيدى، قوقىر - قوقسىعىن توگەدى، بيىكتەۋ قاباتتا وتىرعان تۇرعىندارعا ۇن، كۇرىش، ماي سياقتى اۋىرلاۋ زاتتاردى جەتكىزىپ بەرگەندە، شارشاپ ەنتىگىپ كەتەدى. ”شارشاعانىمىزبەن، تۇرعىنداردىڭ بارلىعى وتە جاقسى سايكەسەدى، ءبىر جولى وتباسىنا كىرگەنىمدە، ءبىر تۇرعىن ەندى عانا پىسىرعان شيىرشىقتاما بۋناندى قولىما ۇستاتا قويدى، بۇعان قاتتى اسەرلەندىم“، - دەدى ياڭ جۇن.
پارتيا مۇشەسى مياۋ ۋيتيڭنىڭ ءۇيى سايباق رايونى شيشان اۋماعىن باسقارۋ كوميتەتىنىڭ چيماشان جولى باتىس الەۋمەتتىك اۋماعىندا تۇرادى. ول تۋرالى ءسوز بولعاندا، الەۋمەتتىك اۋماق كادرى جي جاۋفاڭ ايرىقشا القادى، ”اكەلى - بالالى ەكەۋى ءبىزدىڭ ەرىكتىلەر قوسىنىمىزداعى اكەلى - بالالى ەرىكتىلەر، قىزمەت وتەۋلەرى ەرەكشە جاقسى، مەيلى ەرتە، الدە جاي بولسىن، شاقىرعان زامان جەتىپ كەلەدى“، - دەدى جي جاۋفاڭ. ىندەت تۋىلعاننان كەيىن، مياۋ ۋيتيڭ داشۋە وقىپ جاتقان ۇلى مياۋ جينحۇيمەن بىرگە تىزىمدەلىپ ەرىكتى بولدى، ءوز ۇيلەرىنىڭ كولىكتەرىمەن الەۋمەتتىك اۋماققا كومەكتەسىپ تەكسەرۋ - ولشەۋ مالىمەتىن جەتكىزۋ، اپارىپ - اكەلۋ سياقتى قىزمەت وتەۋلەر ورىستەتتى.
”ءبىر پارتيا ياچەيكاسى − ءبىر قورعان، ءبىر پارتيا مۇشەسى − ءبىر تۋ. ءبىز اناعۇرلىم كوپ پارتيا مۇشەسىن ىندەتتەن ساقتانۋ - تىزگىندەۋدىڭ ءبىرىنشى شەبىنە ات سالىسۋعا، بۇقارا ەڭ قاجەت ەتكەن جەرگە بارۋعا جۇمىلدىرىپ، وسى رەتكى ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە ءوزىمىزدىڭ كۇش - قۋاتىمىزدى ارنايمىز“، - دەدى لي شياۋرۇڭ.
