سەسترا حاۋ يانيان ناۋقاسقا كورپە جابۋدا.
شيپاگەر ابدۇل سالام كومپيۋتەردە ناۋقاس تاريحىن جازۋدا.
سەسترا الىمگۇل ءمۇتاللىپ كەزەكشلىك ارەدىگىندە انتەك دەمالۋدا.
”31 - توسەككە ەلەكتروكارديوگراممالىق باقىلاۋ جاسالسىن“.
8 - ايدىڭ 7 - كۇنى تاڭعى ساعات 2دە، سويلەسكى ارقىلى ناديرا ابدۇسالام سىبىرلاي شيپاگەرلىك تاپسىرما بەردى.
اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ بويىنشا قۇتقارۋ - ەمدەۋگە بەلگىلەنگەن شيپاحاناداعى 5 - عيمارات ءۇشىنشى ناۋقاستار اۋماعىنىڭ ورىنباسار مەڭگەرۋشىسى رەتىندە، وسى ساتكە دەيىن ول 4 ساعات كەزەكشىلىكتە تۇردى. 400 مەترلىك U ءپىشىندى ناۋقاستار اۋماعىن ول ارلى - بەرلى 30 نەشە رەت اينالىپ شىقتى.
8 - ايدىڭ 6 - كۇنى كەشتە، ناۋقاستار اۋماعىنا دياگنوزى تۇراقتاندىرىلعان تاعى 2 ناۋقاس ەمدەۋگە قابىلداندى، اۋرۋ تاريحىن راستاۋ، دەنساۋلىق جاعدايىن تەكسەرۋ، ءتۇرلى تەكسەرۋلەر جۇرگىزۋ، قانداعى وتتەگىنىڭ قانىقتىعىن باقىلاپ - ولشەۋ... ناديرانى قاربالاستىققا سالاتىن ىستەر وتە كوپ، ول مۇمكىندىگىنشە اياعىن جەڭىل، جەدەل باسىپ، تەرەڭ ۇيقىعا كەتكەن ناۋقاستاردى مازالاماۋعا تىرىسۋدا. دياگنوز قويۋ - ەمدەۋ جۇمىستارىن ورىنداعان سوڭ، زالداعى دەنە تەكسەرۋ اسپابىنىڭ الدىندا، ناديرا ەكرانعا مۇرنى ءتيىپ كەتەردەي قادالعاندا عانا بۋعا تولعان كوز قورعاعىش كوزىلدىرىكپەن انىعىراق كورىپ، ناۋقاستىڭ ينفورماتسياسىن دەر كەزىندە ەنگىزە الدى.
ساعات ءتىلى تاڭعى ساعات 3تەن 45 مينۋتتى كورسەتتى. سەسترا حاۋ يانيان ءبىر ناۋقاستار بولمەسىنىڭ ەسىگىن باياۋ يتەرىپ اشتى. زالداعى شامنىڭ ساۋلەسىندە، ول ءبىر قارتتىڭ توسەگىنىڭ جانىنداعى باقىلاۋ اسپابىنىڭ ساۋساق ۇشىنا كيگىزەتىن قىسقىشى ءتۇسىپ قالعانىن بايقاپ، ونى ەپپەن قارتتىڭ سۇق ساۋساعىنا كيگىزىپ، وتتەگى قىسىمىنىڭ قالىپتى - قالىپسىزدىعىن قاراپ كوردى دە، كەتەرىندە ول قارتتىڭ كورپەسىن قىمتاپ قويدى.
”ناۋقاستار اۋماعىنداعى بارلىعى جەڭىل تيپتى نەمەسە جاي تيپتى ناۋقاستار بولسا دا، ءبىز استە سالعىرتسۋىمىزعا بولمايدى، ءاربىر ساعات سايىن قانداعى وتتەگىنىڭ قانىقتىعىن باقىلاپ - ولشەپ تۇرامىز“، - دەيدى حاۋ يانيان، قانداعى وتتەگىنىڭ قانىقتىعى جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى ەمدەۋدەگى ءبىر ەرەكشە ماڭىزدى كورسەتكىش، ”ءار رەتتى قاعىس قالدىرۋعا بولمايدى“.
ناۋقاستار بولمەلەرىن ارالاپ تەكسەرىپ شىققان كەزدە، تاڭ قىلاڭ بەرە باستادى. ول زالداعى ارقالىعى جوق ورىندىققا وتىرىپ بىرنەشە مينۋت دەمالىپ الىپ، تاعى ءبىر كەزەك ارالاپ تەكسەرۋىن باستاپ كەتتى.
بۇل كەزدە شيپاگەرلەر كەڭسەسىندە كەزەكشى بولىپ وتىرعان 3 شيپاگەردىڭ ۇشەۋى دە كومپيۋتەردىڭ الدىندا وتىرىپ اۋرۋ تاريحىن جازىپ جاتتى، ”اۋرۋ تاريحىن ەرتەرەك جازىپ بىتىرسەك، بۇگىن شيپاحانادان شىعاتىن ناۋقاستار قالىپتى تۇرمىسقا ەرتەرەك قايتا الادى“، - دەيدى شيپاگەر ليۋ شانشان.
