تيانشان تورى   ›   جاڭالىقتار   ›   سپورت الەمى

”دەنە قۋاتتى كۇشەيتۋدەن“ ”سالاماتتى تۇرمىسقا“ دەيىن

− رايونىمىزدا جالپى حالىقتىق دەنە شىنىقتىرۋ ۇلگىسىنىڭ دارەجەسى جوعارىلادى

شينجياڭ گازەتىنىڭ جالپىلىق اقپارات قۇرالدارى ءتىلشىسى جيڭ بو

  ”جولسەرىكتەر“، ”جۇگىرۋ ۇجىمى“، ”دوپدوستار“، ”الاڭ ءبيىن بيلەيتىن اپايلار“... جالپى حالىقتىق دەنە شىنىقتىرۋ قيمىلدارى قارىشتاپ دامىپ، ارمانى مەن اۋەسى جاراسقان كوپتەگەن سپورت شوعىرلارى جارىققا شىعىپ، دەنە تاربيە قيمىلىنا كوڭىلدى تۇرمىس كەشىرۋ، سۇيىسپەنشىلىك توعىستىرۋ، قارىم - قاتىناستى نىعايتۋ سىندى تىڭ مازمۇندار قوسىلدى، ال، ادامداردىڭ دەنە شىنىقتىرۋ ۇستانىمى دا دەنەنى قۋاتتاندىرۋدان سپورت اكەلگەن سالاماتتى تۇرمىسقا ءوتتى، ”دوڭگەلەك داۋلەتتى بولام دەسەڭ، الدىمەن سالاماتتى بول“ دەگەن كوزقاراس جۇرت جۇرەگىنە تەرەڭ ۇيالادى.

  1951 - جىلى العاشقى راديو گيمناستيكاسى جاسالعاننان 2009 - جىلدان باستاپ ءار جىلى 8 - ايدىڭ 8 - كۇنىنىڭ ”جالپى حالىقتىق دەنە شىنىقتىرۋ كۇنى“ بولعانىنا دەيىنگى ارالىقتا، دەنە تاربيە كوبىنەسە دەنەنى قۋاتتاندىرۋ، دەنە ساپاسىن جوعارىلاتۋ سىندى رول اتقاردى؛ 2014 - جىلى جالپى حالىقتىق دەنە شىنىقتىرۋدىڭ مەملەكەتتىك ستراتەگياعا كوتەرىلۋىنەن 2019 - جىلى «دەنە تاربيەدە قۋاتتى ەل قۇرىلىسى باعدارلاماسىنىڭ» شىعارىلۋىنا دەيىنگى ارالىقتا حالىقتىڭ ارمان - تىلەگىنە ۇكىمەت ءۇن قاتتى، حالىقتىڭ تالاپ - تىلەگىنە قاراي ۇكىمەت ءىس تىندىردى، مۇنىڭ ءوزى سالاماتتى تۇرمىس ۇستانىمىندا بۇرىلىس تۋىلۋدىڭ ناعىز بەينەسى بولدى.

جاڭا تالپىنىس −

سپورتتان ءلاززات الۋ تۇرمىستىڭ ءبىر بولىگىنە اينالدى

  دەنە تاربيەلىك شىنىعۋدىڭ تۇرمىستىڭ ءبىر بولىگىنە اينالۋى بۇقارانىڭ تۇرمىس ساپاسىنداعى وزگەرىستىڭ ءبىر ءتۇرلى بەينەسى بولىپ قانا قالماستان، ادامداردىڭ دوڭگەلەك داۋلەتتى تۇرمىسقا، سالاماتتى تۇرمىسقا دەگەن جاڭا تالپىنىسىن دا ايگىلەدى.

  دوپتىڭ ەدەنگە سوعىلعانداعى ءدۇرسىلى، سپورت شاقايىنىڭ ۇيكەلىسىنەن شىققان ىرعاق، جاتتىقتىرۋشىنىڭ اۋزىنان شىققان ىسقىرىق ءۇنى، قيان - كەسكى باسەكەدەن شىققان سۇرەن داۋىسى... 7 - ايدىڭ 8 - كۇنى شينجياڭ حالىقارالىق كورمە ورتالىعىنداعى ءۇرىمجى شىڭدانيا دەنە تاربيە سارايىندا جالپى حالىقتىق دەنە شىنىقتىرۋ فاكتورىنا تولى ”وركەستر“ وينالۋدا.

  ”بيىل ىندەتتى باستان كەشىرگەننەن كەيىن كوپشىلىك سالاماتتىقتىڭ ماڭىزدىلىعىن اناعۇرلىم جەتە تانىدى. قازىر ءوزىمىزدىڭ، الدە ۇيدەگىلەردىڭ نەمەسە دوستارىمىزدىڭ بولسىن، سالاماتتىق تانىمىمىز بارعان سايىن كۇشەيدى“، - دەدى قاۋىرسىن دوپ اۋەسكەرى شۋ ۋيجيا تىلشىگە.

  جازدىڭ باس كەزى، كەش، جول شىراقتارى جارقىراي ءتۇستى. مارالباسى اۋدانى اناركول اۋىلى عول ءمالى قىستاعىنىڭ تۇرعىنى ابدۇلحايىت مۇسا قىستاقتىڭ دەنە تاربيە باقشاسىندا قارا تەرگە مالشىنىپ جۇگىرىپ ءجۇر. ول قارنىن سيپاپ ىڭعايسىزدانا: ”تاماقتى كوپ جەپ الىپپىن، سالماق تاستاۋىم، كوبىرەك ارەكەت جاساۋىم كەرەك بولدى“، - دەدى.

  ”قازىر شارت - جاعداي جاقساردى، كىرىس تە جوعارىلادى، ءبىز دە جوعارى ساپالى تۇرمىسقا تالپىنۋىمىز كەرەك“. ابدۇلحايىت تاماشا تۇرمىسقا تولىق ءۇمىت ارتادى.

  ءۇرىمجى قالاسىنىڭ حالىق باقشاسىندا باقشا اشىلعاننان جابىلعانعا دەيىن جۇگىرىپ، باياۋ اينالىپ ءجۇرىپ، سەكىرىپ، بيلەپ، جاتتىعۋ جاساپ دەنە شىنىقتىرعان ادامداردىڭ اياعى ۇزىلمەيدى.

  دەنە تاربيە سارايلارىندا ادامدار قارا تەرگە مالشىنىپ، سپورت سيلاعان كوڭىلدىلىكتەن ءلاززاتتانادى.

  جالپى حالىقتىق دەنە شىنىقتىرۋ بولماسا، جالپى حالىقتىڭ سالاماتتىعى دا بولماق ەمەس، جالپى حالىقتىڭ سالاماتتىعى بولماسا، جاپپاي دوڭگەلەك داۋلەتتىلىك تە بولماق ەمەس. ءداۋىردىڭ العا باسۋىنا ىلەسە، وركەنيەتتى تۇرمىس، سالاماتتى تۇرمىس ۇستانىمى جۇرت جۇرەگىنەن تەرەڭ ورىن الدى. ادامدار دەنە شىنىقتىرۋعا اناعۇرلىم ءمان بەرەتىن، سپورت قيمىلى الا كەلگەن رۋحاني ءلاززاتقا اناعۇرلىم ءمان بەرەتىن بولدى.

جاڭا مودا −

دارالىققا يە دەنە شىنىقتىرۋ ”شەبەرلىكتەرى“ ءجيى جارىققا شىقتى

  شينجياڭنىڭ جاراتىلىستىق بايلىق قاسيەتى تابيعي قالىپتاسقان، كول بويىندا قارماق سالۋ، تاۋعا شىعۋ، كەڭ دالادا ءجۇرۋ، جالاما قۇزعا ورمەلەۋ، دالادا ۆەلوسيپەدپەن ءجۇرۋ، جەكە اۆتوكولىگىمەن زىمىراۋ... ءتۇرلى دارالىققا يە قيمىلداردىڭ بارلىعىن بۇل ارادا ورىنداۋعا بولادى.

  قاتتىلىق پەن جۇمساقتىق ۇشتاسقان تايجي جۇدىرىقشىلىعى، بۇرالا باسقان الاڭ ءبيى، قاتتى - بوساڭ راديو گيمناستيكاسى، ءبىتىم قالىپتاۋ يوگاسى، تىنىستى دەنە شىنىقتىرۋ، قارتتاردان بالالارعا دەيىن بارلىق ادام وزىنە لايىقتى دەنە شىنىقتىرۋ قيمىلىن تابا الادى.

  مارافون جارىستارى قاۋىرت مولايىپ، ”قالىپتى قۇبىلىسقا“ اينالدى، دوستار شەڭبەرىىنىڭ بارلىق تۇسىندا دەنە شىنىقتىرۋ كورسەتىلدى، جالپى حالىقتىق دەنە شىنىقتىرۋ بىرتىندەپ جالپى حالىقتىق جاڭالىقتىڭ ەڭ جاندى سۋرەتىنە اينالدى.

  6 - ايدىڭ 26 - كۇنى اۆتونوميالى رايوندىق دەنە تاربيە مەكەمەسى وتكىزگەن 3 - ماۋسىمدىق ”جالپى حالىقتىق دەنە شىنىقتىرۋدى وتباسىلارىنا جەتكىزۋ بۇلتتىق اۋىس - كۇيىس قيمىلى“ موري قازاق اۆتونوميالى اۋدانى شيجىر قالاشىعىنا كەلدى، قوعامدىق دەنە تاربيە جەتەكشىلەرى جەرگىلىكتى شارۋالاردى باستاپ ۇيدە دەنە شىنىقتىرۋ تاربيەسىن ورىستەتتى، مۇنىڭ ينتەرنەتتە تىكە تاراتۋىن ينتەرنەت جەلىسىندە 600 مىڭ ادام - رەت كوردى.

  ”بىرنەشە دوستارىممەن ينتەرنەتتەن يوگا ۇيرەنىپ، بىرگە دەنە شىنىقتىرۋعا كەلىستىك“. جايشىلىقتا قىزمەتپەن قاربالاس بولاتىن ءۇرىمجى قالاسىنىڭ تۇرعىنى چىن يۇي ۇيدە جاتقان وسى مەزگىلدە سپورت جانكۇيەرىنە اينالىپ ۇلگىردى.

  ”قوناق بولمەدە ’مارافون‘، كۇنىنە 5 كيلومەترگە جۇگىرەمىن“. ءۇرىمجى قالاسىنداعى زەينەتكەر مۇعالىم يۇي چيڭ جۇگىرگەلى 4 جىل بولدى، ىندەت كەزىندە ول ءۇيىنىڭ قوناق بولمەسىندە ”مارافون“ جۇگىردى. يۇي چيڭ ءوزىنىڭ ارەكەتى ارقىلى نيەت بولسا، ءارقانداي ورتانىڭ سپورت الاڭى بولاتىندىعىن، ءارقانداي ورىننىڭ دەنە شىنىقتىرۋ ۇيىنە اينالاتىندىعىن دالەلدەدى.

  ”ءتىپتى دە كوپ ادامدى تۇرمىستا ’ارەكەتكە كەلتىرىپ‘، ’جالپى حالىقتىق دەنە شىنىقتىرۋدى جەبەپ، جاپپاي دوڭگەلەك داۋلەتتىلىككە كۇش ۇستەگەندە‘ عانا دەنە تاربيەنىڭ قۇنى شىن مانىندە تياناقتانىپ تامىر تارتادى“، - دەدى اۆتونوميالى رايوندىق دەنە تاربيە مەكەمەسى بۇقارالىق سپورت باسقارماسىنىڭ باستىعى جاي حۇڭفي.

جاڭا ۇستانىم −

سپورت ارقىلى ءوزىمدى اناعۇرلىم تانىدىم

  سالاماتتىق ۇستانىمىنداعى بىرتىندەپ تۋىلعان بۇرىلىس ءتىپتى دە كوپ ادامنىڭ سپورتپەن دەنە شىنىقتىرۋعا قاتىناسۋىن جەبەپ، سپورتتى ءبىر ءتۇرلى جاڭا تۇرمىس تاسىلىنە اينالدىرىپ، دەنە تاربيەنى ءتىپتى دە كوپ ادامنىڭ سالاماتتى تۇرمىسىمەن توعىستىرۋمەن بىرگە، جاپپاي دوڭگەلەك داۋلەتتىلىكتىڭ سالاماتتىق نەگىزىن دە بەكەمدەدى.

  كوپتەگەن ادام سپورتتىڭ ارقاسىندا ءتىپتى دە كوپ مۇراتى مەن جولى ۇقساس سەرىك تابۋمەن بىرگە، ءوزىن اناعۇرلىم تانىدى.

  ”’باگاڭ‘،’لۇيگۋ‘،’ياشان‘، جۇرتقا ابدەن تانىس ءۇرىمجىنىڭ بۇل جەر اتتارىنىڭ بارلىعى جۇگىرۋ ۇجىمدارىنىڭ اتى“، - دەدى ياشان جۇگىرىس ۇجىمىنىڭ باستىعى لياڭ بو، جۋىرداعى 3 تە 5 جىلدا ءۇرىمجى قالاسىنىڭ كوپتەگەن رايوندارىندا جاياۋلار جولى مەن سپورت الاڭدارى سالىنىپ، نەگىزىنەن بارلىق الەۋمەتتىك اۋماقتاردا، شاعىن اۋماقتاردا تۇگەلدەي تۇرعىنداردىڭ وزدىكتەرىنەن قۇرالعان جۇگىرىس ۇجىمدارى جارىققا شىقتى.

  ”بۇرىن دەنە شىنىقتىرۋ گيمناستيكاسى قالالىقتاردىڭ سپورتى دەپ ويلايتىنمىن، باۋلۋعا قاتىناسۋ ارقىلى دەنە شىنىقتىرۋ سپورتىنىڭ ءبىر ءتۇرلى جارقىن دا كوڭىلدى دەنە شىنىقتىرۋ ءتاسىلى ەكەندىگىن بايقادىم“، - دەدى ءپايزاۋات اۋدانى جامباز اۋىلى شىبىق قىستاعىنىڭ تۇرعىنى ميھىربانگۇل ەركىن. بىلتىر اۆتونوميالى رايوندىق دەنە تاربيە مەكەمەسى ”شارۋالار جالپى حالىقتىق دەنە شىنىقتىرۋ گيمناستيكاسىن سىناق تۇيىنىندە جالپىلاستىرۋ نىسان كۋرسىن“ وتكىزىپ، تۇيىندەر ارقىلى اۋماقتى جەتەكتەدى، 30 مىڭعا جۋىق شارۋا جالپى حالىقتىق دەنە شىنىقتىرۋ قيمىلىنا ات سالىستى.

  جالپى حالىقتىق دەنە شىنىقتىرۋ سالتقا اينالدى. اۆتونوميالى رايوندىق دەنە تاربيە مەكەمەسىنىڭ ساناعىنا نەگىزدەلگەندە، رايونىمىزدا بىلتىر ءتۇرلى جالپى حالىقتىق دەنە شىنىقتىرۋ قيمىلدارى جالپى 180 مىڭ رەتكە جۋىق وتكىزىلىپ، بۇعان ات سالىسقان ادام سانى 18 ميلليون 500 مىڭنان استام ادام - رەت بولعان. شاعىن، كوپ ءتۇرلى، مازمۇنى باي، قۋانا قابىلدايتىن جالپى حالىقتىق دەنە شىنىقتىرۋ قيمىلدارىن كەڭ كولەمدە قانات جايدىرۋ ارقىلى قالىڭ بۇقارانىڭ جالپى حالىقتىق دەنە شىنىقتىرۋ جونىندەگى ۇستانىمى جاڭارىپ، تابىس سەزىمى مەن باقىت سەزىمى جوعارىلادى.

  اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ شۋجيى نيە چۇن بىلاي دەدى: دەنە تاربيە تاراۋلارى جالپى حالىقتىق دەنە شىنىقتىرۋ مەملەكەتتىك ستراتەگياسىن ىشكەرىلەي تياناقتاندىرىپ، ءار ۇلت بۇقاراسىنىڭ دەنساۋلىعىن ءبىرىنشى ورىنعا قويىپ، جالپى حالىقتىق دەنە شىنىقتىرۋدىڭ فورماسى مەن مازمۇنىندا جاڭالىق اشىپ، ءار ۇلت بۇقاراسىنىڭ سپورت ارقىلى سالاماتتىقتى جەبەۋ تانىمىن جەتىلدىرىپ، جالپى حالىقتىق دەنە شىنىقتىرۋ مەن جالپى حالىقتىق سالاماتتىقتىڭ تەرەڭدەي توعىسۋىن جەبەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى