تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ ەرەكشە اۋىل شارۋاشىلىعى ونىمدەرى جاسىل ”كۋالىك“ الدى

كۋالىكپەن تورعا شىقتى، كودپەن جەلىگە تىركەلدى، بەلگىمەن بازارعا شىقتى

رايونىمىزدىڭ ەرەكشە اۋىل شارۋاشىلىعى ونىمدەرى جاسىل ”كۋالىك“ الدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى گى يوۋجۇن 8 - ايدىڭ 7 - كۇنى ۇرىمجىدەن حابارلايدى. ”بازاردا ادەتتەگى ۇننىڭ ءبىر كيلوگرامى 3.5 يۋان اينالاسىندا، ءبىز وندىرگەن ۇننىڭ ءبىر كيلوگرامى ەڭ جوعارى بولعاندا 32 يۋانعا دەيىن ساتىلادى، ويتكەنى ءبىزدىڭ ۇنىمىزدىڭ ورگانيكالىق ’كۋالىگى‘ بار“، - دەدى 8 - ايدىڭ 6 - كۇنى شونجى اۋدانى بانجيەگوۋ قالاشىعى ياۋجانزى قىستاعى فىڭيۇي اۋىل شارۋاشىلىق قىزمەت وتەۋ كاسىپتىك سەلبەستىك كووپەراتيۆىنىڭ جاۋاپتىسى لي چياڭ نىق سەنىممەن.

  سوڭعى جىلدارى رايونىمىز ساپا ارقىلى اۋىل شارۋاشىلىعىن كوركەيتۋ، جاسىل تاسىلمەن اۋىل شارۋاشىلىعىن كوركەيتۋ، ماركا ارقىلى اۋىل شارۋاشىلىعىن كوركەيتۋ ستراتەگياسىنا تاباندى بولىپ، اۋىل شارۋاشىلىعىنىڭ ءتۇسىمدى ارتتىرۋدى باعدار ەتۋدەن ساپاسىن ءوسىرۋدى باعدار ەتۋگە بۇرىلىس جاساۋىن جەدەل ىلگەرىلەتىپ، اۋىل شارۋاشىلىعىنىڭ جاسىل، ساپالى، ەرەكشەلىككە يە، ماركالى بولۋىن كورنەكتىلەندىرىپ، ەرەكشە اۋىل شارۋاشىلىعى ونىمدەرىنىڭ جاسىل ”كۋالىگى“ بولۋىنا مۇمكىندىك جاسادى.

  مىنە وسىنداي ”كۋالىك“ بولۋدىڭ ارقاسىندا 2019 - جىلى شونجى اۋدانى ۇنىنىڭ ساتىلىم كىرىسى ءبىر ميلليارد 250 ميلليون يۋانعا جەتىپ، شينجياڭ سىرتىنا ساتىلۋ مولشەرى جالپى ساتىلىم مولشەرىنىڭ %60ىنەن استى. بيىل سانجى حۇيزۋ اۆتونوميالى وبلىسى اۋىل شارۋاشىلىعى ونىمدەرىنىڭ تولىمدىلىق كۋالىگى ءتۇزىمىن جالپى بەتتىك اتقارىپ، اۋىل شارۋاشىلىعى ونىمدەرىنىڭ تولىمدىلىق كۋالىگىنە ءونىمنىڭ اتىن، ماركانىڭ اتىن، سالماعىن، وندىرىلگەن جەرىن، حابارلاسۋ ءتاسىلىن، ءوندىرۋشى تۇلعانى جانە تولىمدىلىق كۋالىكتىڭ بەرىلگەن ۋاقىتىن جازىپ، ”كۋالىكپەن تورعا شىعۋدى، كودپەن جەلىگە تىركەلۋدى، بەلگىمەن بازارعا شىعۋدى“ جۇزەگە اسىرىپ، اۋىل شارۋاشىلىعى ونىمدەرىن ءوندىرۋ - ساتۋدى مەملەكەتتىڭ اۋىل شارۋاشىلىعى ونىمدەرىنىڭ ساپا حاۋىپسىزدىگىن قۋزاستىرۋ جۇيەسىنىڭ باسقارۋىنا ەنگىزدى. ”سانجى وبلىسى ’جاسىل استىق قامباسىن‘ ۇزدىكسىز تۇلعالادى، قازىر بۇكىل وبلىستاعى ۇنداردىڭ %70تەن استامى جاسىل ازىق - تۇلىك ولشەمىنە جەتتى“، - دەيدى سانجى وبلىستىق پارتكوم اۋىل شارۋاشىلىعى كەڭسەسىنىڭ مەڭگەرۋشىسى، وبلىستىق اۋىل شارۋاشىلىق، اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى گو حۋاي - ان.

  اقسۋ ايماعىنىڭ اۋىل شارۋاشىلىعىن كاسىپ سالالاندىرۋ كەڭسەسى مانەرلەۋ ءبولىمىنىڭ جاۋاپتىسى لي ۋيجۇن بىلاي دەپ تانىستىردى: اقسۋ ايماعى جاسىل ەگىنشىلىكتى دامىتىپ، ساپالى جەمىس ورمانى بازاسى قۇرىلىسىن ۇزدىكسىز ىلگەرىلەتىپ ساپانى قۋزاستىرۋ ءتۇزىمىن اتقارىپ، جەمىس ورمانى كاسىبىنىڭ ساپاسىن ءوسىرۋدى، ونىمدىلىگىن ارتتىرۋدى جەبەدى. قازىر بۇكىل ايماقتا ”جۇڭگو ورمان ازىق - تۇلىكتەرى وندىرىسىنەن ۇلگى كورسەتۋ بازاسى“ 2 ميلليون مۋدان استامعا، ساپالى جەمىس ورمانى بازاسى ءبىر ميلليون مۋدان استامعا جەتتى. سونىمەن بىرگە، ”اقسۋدىڭ جاقسى جەمىس قاينارى“ وڭىرلىك ۇلكەن ماركا 2 ولشەمدى كودپەن تەگىن قۋزاستىرۋ، ساپا قۋزاستىرۋ جۇيەسىن جالپى بەتتىك جالپىلاستىرىپ، بازادان مانەرلەۋ، اينالىم بۋىندارىنا، ونان ساتىلىمعا دەيىنگى ساندى مالىمەتتەردىڭ بارلىعىن قۋزاستىرۋعا مۇمكىندىك جاسالدى. تۇتىنۋشىلار ءونىم قوراپتالعان جاشىكتەگى 2 ولشەمدى كود “كۋالىگىن“ جايمالاسا بولعانى، بۇل جەمىس ءونىمىنىڭ ”شىققان تەگىن“ بەس ساۋساعىنداي ءبىلىپ، الاڭسىز تۇتىنا الادى.

  ”ءبىزدىڭ شىلاندارعا ەگىلۋدەن جينالۋعا دەيىنگى ءار بۋىننىڭ بارلىعىندا جاسىل ءتارتىپ بويىنشا ءبىر تۇتاس باسقارۋ جۇرگىزىلەدى“. اقسۋ قالاسى گىبي شىلان شارۋاشىلىعى شارۋالار كاسىپتىك سەلبەستىك كووپەراتيۆىنىڭ القا باستىعى ساۋ ميڭفۋدىڭ تانىستىرۋىنشا، بىلتىر سەلبەستىك كووپەراتيۆ ەككەن ەرەكشە دارەجەلى شىلاننىڭ ءار كيلوگرامى 35 يۋانعا دەيىن ساتىلىپ، 1 - دارەجەلى شىلاننىڭ ءار كيلوگرامىنىڭ ءوزى 30 يۋانعا جەتكەن.

  2019 - جىلعا دەيىن بۇكىل رايوندا اۋىل شارۋاشىلىعىنىڭ جەرگىلىكتى ولشەمدەرى 574كە، ”زالالسىز اۋىل شارۋاشىلىعى ءونىمى، جاسىل ازىق - تۇلىك، ورگانيكالىق اۋىل شارۋاشىلىعى ءونىمى جانە اۋىل شارۋاشىلىعى ءونىمىنىڭ جاعراپيالىق بەلگىسى“ بار اۋىل شارۋاشىلىعى ونىمدەرى 2065كە، شينجياڭ اۋىل شارۋاشىلىعىنىڭ ايگىلى ماركالارى 159عا جەتتى. جاسىل ەگىنشىلىك، ءونىمنىڭ تەگىن قۋزاستىرۋ، ماركا تۇلعالاۋ شينجياڭ اۋىل شارۋاشىلىعى ونىمدەرىنىڭ ”ەرەكشەلىگىن“ ەكونوميكانىڭ ”جارقىن بەينەسىنە“ اينالدىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى