تيانشان تورىنىڭ حابارى (حابارىن جازىپ، سۋرەتىن تۇسىرگەن تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن). ىندەت ىقپالىن تومەندەتۋ ٴۇشىن، ٴۇرىمجى قالاسى جۇمىستاندىرۋدى ورنىقتىرۋ جاعىندا تۇرمىستىق قوسىمشا قاراجات تاراتۋ سياقتى قاتىستى شارالار قولداندى.
8 - ايدىڭ 8 - كۇنى تۇستەن كەيىن اۆتونوميالى رايوندىق ۇكىمەتتىڭ اقپارات كەڭسەسى اشقان اقپار جاريالاۋ ماجىلىسىندە ٴۇرىمجى قالالىق ۇكىمەتتىڭ ورىنباسار باس حاتشىسى شاڭ يۇيلان بىلاي دەپ تانىستىردى: شينجياڭنىڭ ٴىشى - سىرتىنان ۇرىمجىگە كەلىپ ىستەپ جاتقان جۇمىسكەرلەرگە تۇرمىستىق قوسىمشا قاراجات تاراتىلدى، مۇندا، شينجياڭنىڭ ٴىشى - سىرتىنداعى جوعارى جانە ورتا تەحنيكۋم مەكتەپتەرىنەن وقۋ ٴبىتىرىپ ۇرىمجىگە كەلىپ پراكتيكا ىستەپ جاتقاندارعا ٴار ادامعا ايىنا 600 يۋاندىق ولشەم بويىنشا تۇرمىستىق كومەك قاراجات، پراكتيكا ىستەپ جاتقان كاسىپورىنعا ٴار ادامعا ايىنا 600 يۋان تاماق ۇستەمە قاراجاتى بەرىلدى.
