تيانشان تورى   ›   جاڭالىقتار   ›   سپورت الەمى

رايونىمىز ينتەرنەت جەلىسىندەگى ”جالپى حالىقتىق دەنە شىنىقتىرۋ كۇنى“ قيمىلىن باستادى

ءبىر ميلليوننان استام توراپتاس ينتەرنەتتە كوردى، ءوزارا پىكىر اۋىستىردى

  8 - ايدىڭ 8 - كۇنى ءۇرىمجى قالاسى سايباق رايونى حۋانۋي وڭتۇستىك جولى ۋانكى لانچياۋ شىڭفي شاعىن اۋماعىنىڭ تۇرعىنى رىن شياۋران ۇيىندە شىنىعۋدا. سۋرەتتى جوۋ لەي تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى جيڭ بو 8 - ايدىڭ 8 - كۇنى ۇرىمجىدەن حابارلايدى. 8 - ايدىڭ 8 - كۇنى − 12 - رەتكى ”جالپى حالىقتىق دەنە شىنىقتىرۋ كۇنى“، بيىلعى نەگىزگى تاقىرىبى − ”جالپى حالىقتىڭ دەنە شىنىقتىرۋىن ىلگەرىلەتىپ، جاپپاي دوڭگەلەك داۋلەت ورناتۋعا دەم بەرۋ“. سول كۇنى تۇستەن بۇرىن، رايونىمىز ينتەرنەت جەلىسىندە ”جالپى حالىقتىق دەنە شىنىقتىرۋ كۇنى“ قيمىلىنىڭ باستالۋ سالتىن وتكىزدى، ءبىر ميلليوننان استام توراپتاس تۇرلىشە تىكە تاراتۋ تۇعىرلارى ارقىلى ينتەرنەت جەلىسىندە كوردى، ءوزارا پىكىرلەستى.

  ”جالپى حالىق دەنە شىنىقتىرىپ، اقاۋسىز دەنە بولعاندا عانا، نۇرلى بولاشاق بولادى“، ”سپورت ادامدى ءتىپتى دە سۇلۋ كورسەتەدى، دەنساۋلىعىن كۇشەيتەدى، جاساڭعىراتادى“... توراپتاستاردىڭ قالدىرعان لەبىزدەرى جالپى حالىقتىق دەنە شىنىقتىرۋ قيمىلىنا ات سالىسۋ ىزگى تىلەگىن بەينەلەدى.

  سونىمەن بىرگە، بۇكىل شينجياڭنىڭ جەر - جەرى دە ينتەرنەت جەلىسىندە ءار الۋان فورمادا قيمىلدار وتكىزىپ، ”جالپى حالىقتىق دەنە شىنىقتىرۋ“ قيمىلىنىڭ قويۋ رايىن قالىپتاستىردى. قيمىل كۇنى ورىستەتىلگەن ينتەرنەت جەلىسىندەگى تەگىس جەردە ەكپەتتەپ تىرەپ تۇرۋ جارىسىن 550 مىڭنان استام توراپتاس تاماشالادى؛ اۆتونوميالى رايوندىق دەنە تاربيە مەكەمەسى مەن ”شينجياڭ مەنىڭ ءۇيىم“ جاڭا مەدياسى سەلبەسىپ اشقان ”جالپى حالىقتىق دەنە شىنىقتىرۋ كۇنى“ جەكەلەر جارناما قيمىلىنا 8 - ايدىڭ 7 - كۇنىنە دەيىن 25 مىڭنان استام توراپتاس قاتىناستى؛ قارامايلى قالاسى وتكىزگەن ”جالپى جارىسا دوپ قاعۋ شەبەرلەرى. جالپى حالىق ىندەتكە قارسى تۇرۋ فۋتبولدى ۇتىلاپ قاعۋ جارىسىنا“، ”ينتەرنەت جەلىسىندەگى مارافون − ’يۇنما گۇل باقشاسى‘ قيمىلىنا“، اقسۋ ايماعى وتكىزگەن سىمبات گيمناستيكاسى، تايجيچۋان سياقتى ۇلاسپالى جارىس قيمىلدارىنا كوپتەگەن ادام قاتىناستى.

  اۆتونوميالى رايوندىق دەنە تاربيە مەكەمەسىنىڭ باستىعى يمىنجان زاري بىلاي دەپ تانىستىردى: جىل باسىنان بەرى، اۆتونوميالى رايوندىق دەنە تاربيە مەكەمەسى ىركەس - تىركەس 4 رەت ينتەرنەت جەلىسىندە جالپى حالىقتىق دەنە شىنىقتىرۋ قيمىلىن وتكىزدى. قيمىل مازمۇنى عىلمي دەنە شىنىقتىرۋ بىلىمدەرىن جالپىلاستىرۋ، تاڭداۋلى قوعامدىق دەنە تاربيە جەتەكشىلەرىنىڭ جەلىدە تىكە وقىتۋ جۇرگىزۋى، ۇيدە دەنە شىنىقتىرۋ ينتەرنەت سپورت جارىسى، ”ۇيدە وتىرىپ دەنە شىنىقتىرۋ حيكايام“ اتىندا ماقالا قابىلداۋ سياقتىلاردى قامتيدى، مۇنى ينتەرنەتتە 19 ميلليوننان استام ادام (رەت) تاماشالادى.

  سوڭعى جىلدارى شينجياڭنىڭ جالپى حالىقتىق دەنە شىنىقتىرۋ ءىسىنىڭ پايداسى تۋرالى حابارلار توقتاۋسىز جارىققا شىقتى، ۇيدەن شىعا جەتىپ باراتىن دەنە شىنىقتىرۋ ورىندارى، قالادان اۋىل - قىستاققا دەيىنگى دەنە شىنىقتىرۋشى جۇرت، ءتۇرلى دەنە شىنىقتىرۋ سپورتىنا بەلسەنە ات سالىسىپ جۇرگەن قوعامدىق دەنەتاربيە جەتەكشىلەرى... كوپتەگەن شارالار، سان - سيفرلار جۇرت جۇرەگىن جادىراتىپ، نەگىزدى نىعايتتى. قازىر ىرىقتىلىقپەن دەنە شىنىقتىرۋ، عىلمي دەنە شىنىقتىرۋ اناعۇرلىم كوپ ادامنىڭ سانالى تاڭداۋىنا اينالدى، جالپى حالىقتىق دەنە شىنىقتىرۋ بۇكىل قوعامنىڭ ورتاق تانىمى مەن ارەكەتىنە اينالۋدا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.