شينجياڭ گازەتىنىڭ جالپىلىق اقپارات قۇرالدارى ءتىلشىسى فۋ شياڭلۇڭ
ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) گاڭچىڭ اۋماعىن باسقارۋ كوميتەتى شينلي الەۋمەتتىك اۋماعىندا تۇراتىن 20 جاستاعى لي يفىڭ چاڭچۇن قازىنا - ەكونوميكا شۋەيۋانىنان اۋىلىنا قايتقان جوعارى مەكتەپ وقۋشىسى. 7 - ايدىڭ ورتا شەنىندە ول الەۋمەتتىك اۋماققا تىزىمدەلىپ ەرىكتى بولدى.
ىندەتتەن ساقتانۋ - تىزگىندەۋدىڭ ءبىرىنشى شەبىندە ”2000 - جىلداردان كەيىن تۋعان“ ول جالعىز ەمەس، ونىمەن بىرگە كۇرەس جاساپ جاتقانداردان ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرىنەن، الەۋمەتتىك اۋماق قىزمەتكەرلەرىنەن جانە باسقا دا ەرىكتىلەردەن تىس، تاعى ونىڭ اكەسى، شەشەسى جانە ەگىزدىڭ سىڭارى بار.
بيىل جىل باسىندا ىندەت تۋىلعان كەزدە شەشەم ەندى عانا وپەراتسيادان شىققان بولاتىن، مەن ۇيدە بولىپ ول كىسىگە قارادىم“، - دەيدى لي يفىڭ، ”ول كەزدە دە شاعىن اۋماق جابىق باسقارىلعان بولاتىن، كوپتەگەن ەرىكتىلەر ۇيىمىزگە تۇرمىستىق بۇيىمداردى اكەلىپ بەردى، ءبىز بۇعان توتەنشە اسەرلەندىك. مەن وسى رەت ءىس جۇزىندىك ارەكەتىم ارقىلى ولاردىڭ جاقسىلىعىن وتەۋىم كەرەك دەپ ويلادىم“.
تىزىمدەلىپ ەرىكتى بولعان كۇننەن باستاپ تۇرعىندارعا كەرەك - جاراق جەتكىزىپ بەرۋ، بەلگىلەنگەن ۋاقىتتا قوقىر - قوقسىقتارىن توگۋ سياقتى قىزمەتتەر لي يفىڭنىڭ كۇندەلىكتى جۇمىسىنا اينالدى. ”قول تەلەفونىمداعى قادام ەسەپتەۋىش ءار كۇنى دەرلىك 10 مىڭنان استام قادامدى كورسەتىپ تۇرادى“، - دەيدى لي يفىڭ.
سونىمەن بىرگە، لي يفىڭنىڭ اكەسى مەن ءىنىسى دە ساقشى ىستەرى پۋنكتىندە تاپجىلماي جۇمىستارىن جالعاستىرۋدا، ول ەكەۋى دە كومەكشى ساقشى بولىپ ىستەيدى.
لي يفىڭنىڭ شەشەسى لي سۋفاڭ شينلي الەۋمەتتىك اۋماعىنا جاقىن كورشىلەس كىپيڭ بەيلۋ الەۋمەتتىك اۋماعىندا تاپجىلماي جۇمىس ىستەۋدە، ول الەۋمەتتىك اۋماقتىڭ اماندىق قورعاۋشىسى، قىزىنىڭ ەرىكتى بولعانىن لي سۋفاڭ ەرەكشە قولدادى. ”ءۇرىمجى ءبىزدىڭ ءۇيىمىز، ونى ويداعىداي قورعاۋ ءبىزدىڭ بورىشىمىز!“، - دەيدى لي سۋفاڭ.
”وتباسىلىق ۋيچات توبىمىز بار، وسى كەزدەردە اكەم مەن ءىنىم اۋىسىپ دەمالعان ۋاقىتتا ءبىر ۇيدەگىلەر بەينەبايلانىس ارقىلى باس قوسامىز، بۇل ءبىزدىڭ ەڭ قۋانىشتى كەزىمىز“. ”شىندىعىندا، ءار رەت بەينەبايلانىستا ساقتانۋ - قورعانۋعا كوڭىل ءبولۋ، قىزمەتتى جاقسى ىستەۋ سياقتى سوزدەردى عانا ءوزارا قاداعالايمىز. ءبىراق ءۇي ىشىمىزبەن تۇگەل ىندەتكە قارسى اتتانۋدىڭ ءبىرىنشى شەبىندە جۇرگەنىمىزدى ويلاعاندا، ەرەكشە سەنىم تاۋىپ، كۇش - قۋات الامىز“، - دەيدى لي يفىڭ.
