شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، يۇي شي، ۋي حۇڭپيڭ، جاۋ يۋە
ىندەت كەزىندە قالىڭ الەۋمەتتىك اۋماق قىزمەتكەرلەرى، ەرىكتىلەر سالت باستى قارتتار، جۇكتى، بوسانعان ايەلدەر، مۇگەدەكتەر سياقتى ەرەكشە قاۋىمعا بىرگە - ءبىر دالمە - ءدال قىزمەت وتەپ، ولاردىڭ شۇعىل، قيىن، قام جەگەن ماسەلەلەرىن شەشتى.
”مىنا ىستىقتا سەندەر تاعى مەن سياقتى اجەيلەرىڭ ءۇشىن بايەك بولىپ جاتىرسىڭدار!“، - دەدى 8 - ايدىڭ 7 - كۇنى الەۋمەتتىك اۋماق قىزمەتكەرى لي شياڭيۇي جەتكىزگەن جاس جەمىس - جيدەك پەن كوكونىستەردى العان ءۇرىمجى قالاسى سايباق رايونى وڭتۇستىك دوستىق جولى اۋماعىن باسقارۋ كوميتەتى ميڭيۋان ءتۇستى مەتال الەۋمەتتىك اۋماعىنىڭ تۇرعىنى سۇي رۋشيۋ تەبىرەنە.
96 جاستاعى سۇي رۋشيۋ ۇيىندە جالعىز تۇراتىن قارت. ۋيچات ىستەتۋدى بىلمەيدى، كوكونىس، سۋ، توك ساتىپ الۋ سياقتى ءبىر قىدىرۋ ماسەلەلەر اياق - قولى قولايسىز سۇي رۋشيۋدى ۋايىمداتىپ كەلگەن بولاتىن. الايدا الەۋمەتتىك اۋماق قىزمەتكەرلەرىنىڭ ءار كۇنى تۇرمىستاعى قيىنشىلىقتارىن ۇعىسىپ تۇرۋى ونىڭ كوڭىلىن الاڭسىز ەتتى.
سۇي رۋشيۋدا قارتتاردا بولاتىن ءىش قاتۋ بار ەكەندىگىنەن حابار تاپقان وتباسىن كوتەرمەگە العان كادرلار مەن ەرىكتىلەر وعان ۇنەمى ءىشىنارا دارەت جۇرگىزەتىن جەمىس - جيدەك، كوكونىس ساتىپ الىپ بەرەدى. قارتتىڭ ۇيدە جالعىز قالعانداعى قوبالجىعان كوڭىل كۇيىن ساباسىنا ءتۇسىرۋ ءۇشىن وتباسىن كوتەرمەگە العان كادرلار مەن ەرىكتىلەر ءار كۇنى وعان تەلەفون شالىپ تۇردى.
”الەۋمەتتىك اۋماق قىزمەتكەرلەرى مەن ەرىكتىلەردىڭ جان اشىرلىقپەن قىزمەت وتەۋى ماعان پارتيا مەن ۇكىمەتتىڭ قامقورلىعىن تەرەڭ سەزىندىردى. ىندەتتىڭ ەرتەرەك اياقتاۋىن ءۇمىت ەتەمىن، ولار شىنىمەن جاپا شەكتى“، - دەدى سۇي رۋشيۋ اسەرلەنە.
”بالا كوتەرگەنىمە 12 اپتاعا تاياپ قالدى، الەۋمەتتىك اۋماق قىزمەتكەرلەرى ماعان كومەكتەسىپ شيپاحانامەن بايلانىس جاسادى جانە الداعى ىستەرىمدى ورنالاستىردى، مەن كەلەر اپتادا جۇكتىلىك تەكسەرۋىنە بارا الاتىن بولدىم“. 8 - ايدىڭ 7 - كۇنى ءۇرىمجى قالاسى شۇيموگوۋ رايونى نانحۋ وڭتۇستىك جولى اۋماعىن باسقارۋ كوميتەتى نانحۋ وڭتۇستىك جولى باتىس الەۋمەتتىك اۋماعىنىڭ تۇرعىنى جىڭ في بىلاي دەدى: باسقا دا تۇرعىنداردىڭ كۇندەلىكتى تۇرمىس ماسەلەسىن شەشۋ قاربالاستىعىنان سىرت، مەن سەكىلدى جۇكتى ايەلدەرگە الەۋمەتتىك اۋماق قىزمەتكەرلەرى ەرەكشە قامقورلىق جاسايدى.
جىڭ فيدىڭ كۇيەۋى سىرتتا، ۇيدە ۇلكەندى - كىشىلى قيىن ىستەرگە جولىققاندا الەۋمەتتىك اۋماق قىزمەتكەرلەرى ۇنەمى تاباندا ونىڭ جانىنان تابىلادى. 8 - ايدىڭ 5 - كۇنى جىڭ فيدىڭ ۇيىنىڭ لاس سۋ قۇبىرى توسىلىپ قالادى، الەۋمەتتىك اۋماق قىزمەتكەرلەرى مەن وسى الەۋمەتتىك اۋماقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى دەرەۋ كاسىپتىك تازالاۋشىلاردى شاقىرىپ اكەلىپ، ماسەلەنى تەز ارادا شەشتى.
”جاقسى تاماقتانا الماۋىمنان الاڭداپ، ءار جولى ۋيچات توبىندا جەمىس - جيدەك، كوكونىس ساتىپ الۋعا تاپسىرىس بەرگەنىمدە الەۋمەتتىك اۋماق قىزمەتكەرلەرى ۇنەمى مەنەن نەنى ۇناتىپ جەيسىڭ دەپ ارنايى سۇرايدى. دەمالىسىمنىڭ جاقسى بولماۋىنان الاڭداپ، لايىقتى ۋاقىت تاڭداپ ماعان تەلەفون شالىپ، دەنساۋلىق جاعدايىمدى ۇعىسادى، ولار شىنىمەن وتە ۇقىپتى“، - دەدى جىڭ في.
ىندەت تۋىلعاننان كەيىن ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) يىڭبين جولى اۋماعىن باسقارۋ كوميتەتى يىڭبين جولى باتىس الەۋمەتتىك اۋماعى لاييىن جۋاڭيۋان شاعىن اۋماعىندا تۇراتىن 84 جاستاعى تۇرعىن چىڭ يىننىڭ ۇلى سىرت جەردەن قايتىپ كەلە الماي قالدى، كەلىنى شياۋ بيڭ دە بەلگىلى سەبەپتەرمەن ۇلگىرىپ قايتا الماي قالدى. كۇتۋشى قىزمەتكەرى بولعانىمەن، ەكەۋى دە حات تانىمايدى، ۋيچات ىستەتۋدى دە بىلمەيدى. الەۋمەتتىك اۋماق ەرىكتىسى ليۋ كى جاعدايدان حاباردار بولعاننان كەيىن، ءار كۇنى تاڭەرتەڭ ۇيلەرىنە بارىپ چىڭ يىننىڭ دەنساۋلىق جاعدايىن، قارتتىڭ قاجەتتى تۇرمىستىق بۇيىمدارىن سۇرايدى، ليۋ كى ەستەلىك داپتەرىنە تاپتەشتەي جازىپ الىپ، ساتىپ اكەلىپ ۇيلەرىنىڭ ەسىك الدىنا جەتكىزىپ بەرەدى. پەرزەنتتەرىنىڭ قارتتان الاڭداۋىن ويلاسقان ليۋ كى قارتتىڭ ۇيدەگى كەسكىنىن تۇسىرىپ شياۋ بيڭگە جولداپ بەرەدى.
”ليۋ كى سياقتى وسىنداي كوپتەگەن بەلسەندىلەر بىزگە قىزمەت وتەگەندىكتەن ءبىز الاڭسىز بولدىق، مەن ولارعا راحىمەت ايتامىن“، - دەدى شياۋ بيڭ اسەرلەنە.
