شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8 - ايدىڭ 8 - كۇنى ۇرىمجىدەن حابارلايدى. جازداعى ىستىقتا ماسا، شىبىندار كوبەيەدى، ماسا مەن شىبىن جاڭا تيپتى ايدارشا ۆيرۋستى تاراتا، جايا الا ما، جوق پا؟ 8 - ايدىڭ 8 - كۇنى ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنىڭ ورىنباسار مەڭگەرۋشىسى ۋىن گوشين بىلاي دەدى: زەرتتەۋلەردە كورسەتىلۋىنشە، جاڭا تيپتى ايدارشا ۆيرۋس، باستىسى، پارازيت يەسىنىڭ دەنەسىندەگى ACE (انگيوتەنزيندى تۇرلەندىرەتىن فەرمەنت) قابىلداۋىشىمەن بىرلەسىپ پارازيت يەسىنىڭ كلەتكاسىن جۇعىمداندىرادى ەكەن. ال ماسا مەن شىبىننىڭ دەنەسىندە بۇل تەكتەس قابىلداۋىش جوق، سوندىقتان جاڭا تيپتى ايدارشا ۆيرۋستى تاراتۋ، جايۋدىڭ بيولوگيالىق نەگىزىن ازىرلەمەگەن.
جاڭا تيپتى ايدارشا ۆيرۋس، باستىسى، جاقىن ارالىقتاعى تىنىس جولىنداعى شاشىراندىلار ارقىلى نەمەسە جۇعىمدالۋشى لاستاعان بۇيىمدارعا قولدىڭ ءتيىپ، ونان سوڭ قولمەن اۋىزعا، مۇرىنعا، كوزگە جۋىسۋدان جۇعىمدالادى، ەرەكشە جاعدايدا اەروزولدىڭ تارالۋى تۋىلۋى دا مۇمكىن.
ۋىن گوشين مىنانى ەسكەرتتى: قازىرگى دالەل - فاكتتەر ماسا مەن شىبىننىڭ جاڭا تيپتى ايدارشا ۆيرۋستى تاراتۋ دانەكەرى بولاتىندىعىن قولداماعانىمەن، ولاردا باسقا اۋرۋلاردى تاراتۋ حاۋىپ - قاتەرى بار. جۇرتشىلىق ۇيدە جانە دالادا ماسانىڭ شاعۋىنان قورعانۋ شارالارىن جاقسى ىستەپ، ءتۇرلى دانەكەرمەن بيولوگيالىق جۇقپالى اۋرۋلاردىڭ تۋىلۋ حاۋىپ - قاتەرىن ازايتۋى كەرەك.