ساقتانۋ - تىزگىندەۋ ءىرى ءىس، ونى، ءسوزسىز، ەگجەي - تەگجەيلى ىستەۋ كەرەك

جاڭ بەي

　　قازىر ءۇرىمجى قالاسىندا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى تىكە بەلدەسۋ جاعدايىندا تۇر، جاعداي ءالى دە اۋىر، مىندەت ەرەكشە جاپالى. ەڭ ماشاقاتتى كەز نەعۇرلىم تاياعان سايىن سولعۇرلىم قايراتتانا ءتۇسىپ، ىندەتتەن ساقتانۋدىڭ ءتۇرلى بۋىندارىنداعى مىندەتتەردى ناقتى، ەگجەي - تەگجەيلى تياناقتاندىرىپ، ىندەتكە قارسى اتتانۋدىڭ قۋاتتى بىرىككەن كۇشىن قالىپتاستىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە بار كۇشتى سالا باتىل قول جەتكىزۋ كەرەك.

　　ساقتانۋ - تىزگىندەۋ ءىرى ءىس، ونى، ءسوزسىز، ەگجەي - تەگجەيلى ىستەۋ كەرەك. ىندەتتەن ساقتانۋ - تىزگىندەۋ قىزمەتى ءار ۇلت حالقىنىڭ ءومىرىنىڭ حاۋىپسىزدىگى مەن دەنساۋلىعىنا قاتىستى، شينجياڭنىڭ قوعام ورنىقتىلىعى مەن ەكونوميكالىق دامۋىنا قاتىستى، كەزەكتەگى كەلەلى ساياسي مىندەت جانە ەڭ ماڭىزدى قىزمەت، ءارقانداي ءبىر بۋىندا ءسال ۇقىپسىزدىق جانە ساڭلاۋ بولسا، ۇلكەن وقيعا تۋىلىپ، زاردابىن بولجاۋ قيىنعا ءتۇسۋى مۇمكىن. سوندىقتان ىندەتتەن ساقتانۋ - تىزگىندەۋدىڭ ءتۇرلى شارالارىن، ءسوز جوق، اناعۇرلىم قاتايتا ءتۇسۋ، اناعۇرلىم ەگجەي - تەگجەيلىلەندىرە ءتۇسۋ كەرەك.

　　ىندەت تۋىلعاننان بەرى، ءۇرىمجى قالاسىنداعى ءار ۇلت كادرلارى مەن بۇقاراسى اۆتونوميالى رايوندىق پارتكومنىڭ پارمەندى باسشىلىعىندا قيىندىقتى بىلەك بىرىكتىرە جەڭىپ، ەل بىرلىگىنەن بەرىك قامال تۇرعىزىپ، ساقتانۋ - تىزگىندەۋ قىزمەتى ءۇشىن زور قۇلشىنىس جاسادى. شەشۋشى شايقاستا، ءسوزسىز، جەڭىسكە جەتۋگە ۇمتىلۋ كەرەك. شەشۋشى كەزدە شارانى اناعۇرلىم ەگجەي - تەگجەيلەندىرۋ كەرەك، جاۋاپكەرشىلىكتى اناعۇرلىم ناقتىلاندىرۋ كەرەك، تەك ”ءتورت ەرتە بولۋ“ شاراسىن تياناقتاندىرۋ، نۋكلەين قىشقىلىن تەكسەرۋ، ەپيدەميولوگيالىق تەكسەرۋ ورىستەتۋ، الەۋمەتتىك اۋماقتى توركوزدەندىرە باسقارۋدى اتقارۋ، ناۋقاستاردى كۇش سالا قۇتقارۋ - ەمدەۋ سياقتى ءاربىر بۋىننىڭ، ءاربىر ناقتى جۇمىستىڭ بارلىعىن جالىقپاي، ءتىپتى دە كەمەلدەندىرىپ، ساقاداي ساي تۇراتىن، قاتاڭ ساقتاناتىن بولساق عانا، ىندەتتەن ساقتانۋ - تىزگىندەۋ قىزمەتىندە ەسكەرۋسىز ءوڭىر بولماۋىن، قالتارىس بولماۋىن، ساڭلاۋ بولماۋىن ورىنداۋعا بولادى، سوندا عانا ىندەتتەن ساقتانۋ - تىزگىندەۋ تورىن بەرىك توقىپ، وسى قامال الۋ شايقاسىنىڭ جەڭىسىنە قول جەتكىزىپ، ءار ۇلت حالقىنىڭ ءومىرىنىڭ حاۋىپسىزدىگى مەن دەنساۋلىعىن ويداعىداي قورعاۋعا بولادى.

(”لەپتى لەبىز“ ايدارىنا ماقالا جولداۋ حات ساندىعى: xjrbplb@126.com)