تيانشان تورى   ›   جاڭالىقتار   ›   ءۇرىمجى

شيپاحانادان شىققان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 200دەن استى

ءۇرىمجى قالاسىندا دياگنوزى تۇراقتاندىرىلعان تاعى 30 ناۋقاس ساۋىعىپ شيپاحانادان شىقتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 8 - ايدىڭ 8 - كۇنى ۇرىمجىدەن حابارلايدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى ەمدەۋ - قۇتقارۋ ماماندارىنىڭ بىرلەسىپ دياگنوز قويۋىنان، ساراپتاۋىنان كەيىن، 8 - ايدىڭ 8 - كۇنى ءۇرىمجى قالاسىندا دياگنوزى تۇراقتاندىرىلعان تاعى 30 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى، اۋرۋ بەلگىسى جوق 4 جۇعىمدالۋشى مەديتسينالىق باقىلاۋدان بوساتىلدى. 7 - ايدىڭ 28 - كۇنى وسى رەتكى ىندەتتىڭ العاشقى توپتاعى ناۋقاستارى ساۋىعىپ شيپاحانادان شىققاننان 8 - ايدىڭ 8 - كۇنىنە دەيىن دياگنوزى تۇراقتاندىرىلعان 138 ناۋقاس ساۋىعىپ، شيپاحانادان شىعىپ، 71 اۋرۋ بەلگىسى جوق جۇعىمدالۋشى مەديتسينالىق باقىلاۋدان بوساتىلىپ، جالپى سانى 209 بولدى.

  اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ، ەمدەۋگە بەلگىلەگەن شيپاحانانىڭ ورىنباسار باستىعى لۋ چىن بىلاي دەدى: وسى رەتكى ىندەت تۋىلعاننان 8 - ايدىڭ 8 - كۇنىنە دەيىن ساۋىعىپ شيپاحانادان شىققان دياگنوزى تۇراقتاندىرىلعان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 200دەن استى، بۇل مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنىڭ جەتەكشىلىگى مەن بارلىق ەمدەۋ - كۇتىمدەۋ قىزمەتكەرلەرىنىڭ بار كۇشپەن قۇتقارىپ - ەمدەۋىندە، ءبىزدىڭ قازىرگى ەمدەۋ جولىمىز بەن جوبامىزدىڭ پسىپ جەتىلگەنىن، ارالاسۋ شارالارىنىڭ دا ءونىمدى بولعانىن تولىق تۇسىندىرەدى. ساۋىعىپ شيپاحانادان شىققان ادام سانى كۇن سايىن كوبەيىپ، بارلىق ەمدەۋ - كۇتىمدەۋ قىزمەتكەرلەرى مەن قالا تۇرعىندارىنىڭ ىندەتپەن شايقاسۋ سەنىمىن نىعايتتى، ءبىز ۇزدىكسىز قۇلشىنىپ، دياگنوز قويۋ - ەمدەۋ جوباسىن ۇزدىكسىز ساپالىلاندىرىپ، كوڭىل قويا ەمدەپ، ءاربىر ناۋقاستى بار زەيىنمەن كۇتىمدەپ، ەمدەپ ساۋىقتىرۋ مولشەرىن، شيپاحانادان شىعۋ مولشەرىن ۇزدىكسىز جوعارىلاتۋدى جالعاستىرىپ، وسى رەتكى ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىلدىقپەن قول جەتكىزەمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى