تيانشان تورى   ›   جاڭالىقتار   ›   شينجياڭ حابارلارى

تاپسىرىس ارقىلى قارجى قۇراپ، كاسىپورىننىڭ شۇعىل قاجەتىن شەشتى

شينجياڭ كۇنلۇن لۇييۋان سەرىكتەستىگى قارجىعا يە بولدى

تاپسىرىس ارقىلى قارجى قۇراپ، كاسىپورىننىڭ شۇعىل قاجەتىن شەشتى

شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي

  شينجياڭ كۇنلۇن لۇييۋان اۋىل شارۋاشىلىق عىلىم - تەحنيكاسىن دامىتۋ (توبى) شەكتى جاۋاپكەرشىلىك سەرىكتەستىگىنىڭ گۇما اۋدانىنداعى قويان قوراسىندا اپپاق قوياندار ەرەكشە سۇيكىمدى كورىنەدى. 8 - ايدىڭ 5 - كۇنى قويان قوراداعى ۇزىننان - ۇزاققا سوزىلعان قويان قاپاسىنا قاراپ تۇرىپ، سەرىكتەستىكتىڭ باس ديرەكتورى فىڭ جيانشين: ”باعىمىزعا جاراي، تاپسىرىس ارقىلى قارجى قۇراۋدىڭ قولداۋىمەن شۇعىل قاجەتىمىز شەشىلىپ، جەم - شوپپەن قامداۋعا كەپىلدىك ەتىلدى“، - دەدى تەبىرەنە.

  2017 - جىلى قۇرىلعان كۇنلۇن لۇييۋان سەرىكتەستىگى قويان، قاز، ەسەك، قوي باعۋدى، سويۋدى، مانەرلەۋدى، ساتۋدى جانە زەرتتەۋ - اشۋدى ءبىر تۇلعالاندىرعان كەدەيلەردى سۇيەمەلدەۋدەگى اۆتونوميالى رايون دارەجەلى باستاماشى كاسىپورىن. بيىل جىل باسىنان بەرى، ىندەتتىڭ اسەرىندە ءبىراز ۋاقىت قارجى تاپشى بولعان ەدى.

  فىڭ جيانشين: ”تاسىمال بوگەلىپ، ونىمدەر قامبادا كوپ باسىلىپ قالىپ، جەم - ءشوپ اكەلۋ قيىنعا سوققاندىقتان، ونىڭ ۇستىنە تاسىمال اقىسى مەن ادام وزىندىك قۇنىن قوسقاندا بىزگە ءبىر ايدا 40 ميلليون يۋان مولشەرىندە قارجى قاجەت بولدى، ال بىزگە قايتاتىن قارجى بۇدان الدەقايدا تومەن ەدى. ىندەتتىڭ اسەرىندە، كەيىنگى ىشكەرىلەي مانەرلەۋ بۋىندارى دەر كەزىندە ىلەسە الماي قالدى، بۇل ءبىزدىڭ ساتۋىمىزعا، ءتىپتى، قيىندىقتار اكەلدى“، - دەدى.

  دەرەۋ قارجى قۇراپ، جەم - ءشوپ اكەلۋ كاسىپورىننىڭ الدىنداعى شۇعىل مىندەت بولدى. الايدا، كۇنلۇن لۇييۋان سەرىكتەستىگى كاسىپ تىزبەگى ۇزىن، قوساتىن قارجىسى قوماقتى بولعاندىقتان، قارجى قۇراۋدا كەپىلگە قوياتىن زات جەتىسپەۋ ماسەلەسىنە ءدوپ كەلگەن ەدى. جۇڭگو اۋىل شارۋاشىلىعىن وركەندەتۋ بانكەسىنىڭ حوتان بولىمشە بانكەسى سەرىكتەستىكتىڭ جاعدايىنان حابار تاپقان سوڭ، وي جەلىسىن جاڭالاپ، تاپسىرىستىق قارجى قۇراۋ ۇلگىسىن قولدانىپ، كاسىپورىنعا 160 ميلليون يۋان قارىز اقشا بەردى. فىڭ جيانشين: ”باعىمىزعا جاراي، بىزگە ۇزاق ۋاقىتتان بەرى قاريدارلاردان جينالعان قىرۋار تاپسىرىستار بار بولاتىن، وسى تاپسىرىستاردى اۋىل شارۋاشىلىعىن وركەندەتۋ بانكەسىنە كەپىلگە قويىپ، قارجىعا يە بولىپ، شۇعىل قاجەتىمىزدى شەشتىك“، - دەدى.

  اۋىل شارۋاشىلىعىن وركەندەتۋ بانكەسىنىڭ قارىز اقشا بەرىپ قولداۋىمەن كۇنلۇن لۇييۋان سەرىكتەستىگى كاسىپ سالاسىنىڭ تەز دامۋى مەن جايعاسۋىن جۇزەگە اسىردى. فىڭ جيانشين بىلاي دەپ تانىستىردى: وسى قارجىدان پايدالانىپ، كاسىپورىن جەم - ءشوپ، ەسەك ءسۇتىن تەكسەرۋ جابدىعىن، توڭازىتىپ تاسىمالداۋ اۆتوموبيلىن جانە قازدىڭ ۆاكسيناسىن، قوياننىڭ ۆاكسيناسىن تاراتۋ، تاسىمالداۋ اۆتوموبيلىن ساتىپ الىپ، ىندەتتەن ساقتانۋ سايكەستى قۇرىلعىلارى، سونداي - اق ساقتانۋ جۇيەسى قۇرىلىسىن جۇرگىزىپ، كاسىپ سالاسىن زەرتتەۋ نىسانىن باستادى، جۇمىسشىلاردىڭ ەڭبەكاقىسىن تاراتتى.

  قازىر اتالعان سەرىكتەستىكتىڭ باعىمىنداعى قويان سانى 2 ميلليونعا، قازدىڭ سانى 2 ميلليون 400 مىڭعا، ەسەكتىڭ سانى 6000عا، قويدىڭ سانى 20 مىڭعا جەتىپ وتىر. ”كەلەسى قادامدا كاسىپورىن باعىمشىلىق كولەمىن ونان ارى كەڭەيتىپ، ۇساق - تۇيەك ازىق - تۇلىكتەردى ىشكەرىلەي وڭدەۋ كاسىپ تىزبەگىن كەمەلدەندىرىپ، سەرىكتەستىكتى 1 -، 2 -، 3 - كاسىپ سالالارىن توعىسپالى دامىتاتىن كاسىپورىن ەتىپ ەرتەرەك قۇرىپ شىعۋعا ۇمتىلادى“، - دەيدى فىڭ جيانشين.

  【ساياسات】 بيىل جىل باسىنان بەرى، ىندەتتەن ساقتانۋ - تىزگىندەۋدىڭ قاتاڭ جاعدايىنا مەڭزەس، حالىق بانكەسىنىڭ ءۇرىمجى ورتالىق تارماق بانكەسى ىندەتكە قارسى اتتانىپ قامداۋدى قامتاماسىز ەتۋ بويىنشا قايتالاي قارىز اقشا بەرۋ، قايتالاي ديسكونتتاۋ، امانات اقشا ارناۋلى ساقتىق قورى، جالپىعا ءتيىمدى شاعىن، ۇساق كاسىپورىنداردى سەنىمدى قارىز اقشامەن قولداۋ جوسپارى سياقتى كوپ ءتۇرلى اقشا ساياساتى قۇرالدارىنان جان - جاقتى پايدالانىپ، كەرى پەريودتىق رەتتەۋ تەبىنىن ارتتىرىپ، بانكە كاسىبىن قارىز اقشا بەرۋ تەبىنىن ۇزدىكسىز ارتتىرۋعا جەتەكتەپ، ىندەتتەن ساقتانۋ - تىزگىندەۋدى جانە جۇمىستى، ءوندىرىستى قالپىنا كەلتىرۋدى جەتكىلىكتى قارجىمەن قامتاماسىز ەتتى.

  【تياناقتاندىرۋ】 6 - ايدىڭ اياعىندا بۇكىل رايون بويىنشا ءتۇرلى قارىز اقشا قالدىعى 2 تريلليون 190 ميلليارد يۋان بولىپ، سايكەس مەزگىلدەگىدەن %11.8 ارتتى. اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى اۋىل شارۋاشىلىعىن قولداۋداعى نەگىزگى كۇشتىك رولىن تولىق ساۋلەلەندىرىپ، الدىڭعى 6 ايدا جيىنى 49 ميلليارد 623 ميلليون يۋان ءتۇرلى قارىز اقشا بەرىپ، سايكەس مەزگىلدەگىدەن %123.5 ارتتىردى، بەرگەن قارىز اقشا سوماسى تۇتاس جۇيەدە الدىڭعى قاتاردى يەلەپ، ىندەتتەن ساقتانۋ - تىزگىندەۋگە، ناقتى ەكونوميكانىڭ دامۋىنا جانە كەدەيلىكتەن ارىلتۋدان قامال الۋعا دالمە - ءدال فينانستىق قىزمەت وتەدى.

  تاپسىرىستىق قارجى قۇراۋ − اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى 2018 - جىلى 5 - ايدا شىعارعان قارجى قۇراۋدىڭ ءبىر ءتۇرلى جاڭا ۇلگىسى، 6 - ايدىڭ اياعىنا دەيىن جيىنى 738 ميلليون يۋان قارىز اقشا بەرىلدى. اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنىڭ باستىعى دۋ يانكۇن بىلاي دەدى: ”بۇرىن كەپىل قويىپ قارىز اقشا بەرۋدە جەتكىلىكتى كەپىلدىك زات بولۋى قاجەت بولاتىن. ال، كوپتەگەن كاسىپورىنداردا، اسىرەسە، ورتا، شاعىن، ۇساق كاسىپورىنداردا كەپىلدىك زات جەتكىلىكتى ەمەس، ءتىپتى، كەپىلدىك زات تا جوق. تاپسىرىستىق قارجى قۇراۋدا كاسىپورىننىڭ تاپسىرىس تالونى بولسا بولدى، قارجى قۇراي الادى، قارىز اقشا دا تەز بەرىلەدى، راسىمدەۋ جۇمىستارى دا قاراپايىم، بۇل كاسىپورىنداردىڭ ءوندىرىس، شارۋاشىلىق ەرەكشەلىگى مەن ءىس جۇزىندىك قاجەتىنە ەرەكشە ۇيلەسەتىن قارجى قۇراۋ ءتاسىلى ەسەپتەلەدى“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى