تيانشان تورى
تيانشان تورى   ›   جاڭالىقتار   ›   شينجياڭ حابارلارى

سيفرلى ەكونوميكا شينجياڭ ونەركاسىبىنىڭ جوعارى ساپالى دامۋىنا جەتەكشى بولدى

شينجياڭ گازەتىنىڭ جالپىلىق اقپارات قۇرالدارى تىلشىلەرى ليۋ شياڭ، شى شين، جىن شىشين، جاڭ اۋ، لۇي يحان

  7 - ايدىڭ 16 - كۇنى ءۇرىمجى قالاسىنىڭ بۇلتتىق ەسەپتەۋ ورتالىعىندا تەحنيكتەر اپپارات ءۇيىنىڭ قاتتى بولشەك قۇرىلعىلارىن، جابدىقتارىن ارالاپ تەكسەرۋدە. سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى جىن شىشين تۇسىرگەن

  قولايلى دۇكەندە بەت - الپەتىن كەسكىندەۋ ارقىلى اقشا تولەۋگە بولادى؛ زاۆود سەحتارىندا زەردەلىلەنگەن جاساۋ جابدىقتارى ءتۇرلى ءوندىرىس تارتىپتەرىن جۇيەلى جۇرگىزۋدە... بۇلاردىڭ استارىندا سيفرلى ەكونوميكانىڭ دامۋىنىڭ ايقىن ءىزى جاتىر.

  بۇگىنگى تاڭدا سيفرلى ەكونوميكا شينجياڭ ەكونوميكاسىنىڭ قان - تامىرىنا تەرەڭ ءسىڭىپ كەتكەن. سيفرلى عىلمي زەرتتەۋ جەتىستىكتەرىن وندىرگىش كۇشكە اينالدىرۋ شينجياڭنىڭ بايتاق دالاسىندا جالىندى ومىرشەڭدىكپەن جارىققا شىعۋدا.

سيفر قۋات ۇستەپ، ”عاجايىپ عىلىم - تەحنيكانىڭ“ شامىن جاقتى

  ادام ءنوپىرىنىڭ اراسىنان سىزگە ءبىر - اق رەت ”كوز سالسا“ بولعانى، دەنە تەمپەراتۋراڭىز ەستەلىككە الىنا قالادى. شينجياڭ ايحۋايىڭتۇڭ ينفورماتسيا تەحنيكاسى شەكتى سەرىكتەستىگى زەرتتەپ اشقان AI دەنە تەمپەراتۋراسىن ولشەۋ اسپابىنىڭ الدىندا تۇرساڭىز، دەنە تەمپەراتۋراڭىزدىڭ سان - سيفرى لەزدە جەكە كەسكىنىڭىزدەگى ماڭدايىڭىزدان كورىنە قالادى.

  ”بۇل سەرىكتەستىگىمىز ىندەت كەزىندە شىعارعان زەردەلى دەنە تەمپەراتۋراسىن ەكشەپ تەكسەرۋ جۇيەسى، ول بەت - الپەتتى تانۋ + دەنە تەمپەراتۋراسىن زەردەلى ەكشەپ تەكسەرۋ + ۇلكەن ساندى مالىمەت ساناعى نەگىزىندەگى جاناسپاۋ تۇرىندە جالپى تۇلعالىق شەشىم جوباسى بولىپ تابىلادى، اسا الىس قاشىقتان كوپ ادامنىڭ دەنە تەمپەراتۋراسىنا دالمە - ءدال ولشەۋ جۇرگىزە الادى، ادام اعىنى كوپ ورىندارعا قولدانۋعا لايىق، ول دەنە تەمپەراتۋراسىن جەدەل ولشەپ، الدىن الا ساقتاندىرا الادى ءارى قالىپسىزدىق بايقالعان ساندى مالىمەتتەردى جۇكتەپ، ساناققا الادى“، - دەيدى سەرىكتەستىكتىڭ ورىنباسار باس ديرەكتورى جىڭ لين.

  دەنە تەمپەراتۋراسىن زەردەلى ەكشەپ تەكسەرۋ جۇيەسى جارىق كورگەننەن بەرى، دەرەۋ بازاردىڭ قارسى الۋىنا يە بولدى. 8 - ايدىڭ 5 - كۇنى شينجياڭ ايحۋايىڭتۇڭ ينفورماتسيا تەحنيكاسى شەكتى سەرىكتەستىگى 1000 دانا تاپسىرىس قابىلدادى.

  ”بۇدان سىرت، ءبىز تاعى AI دەنە تەمپەراتۋراسىن ولشەۋ اسپابىنىڭ ماسكى نۇسقاسىن زەرتتەپ جاساپ، دەنە تەمپەراتۋراسىن ولشەۋدىڭ دالدىگى مەن حاۋىپسىزدىگىنە شىنايى كەپىلدىك ەتىپ، ىندەتتەن ساقتانۋ - تىزگىندەۋدى ۇدايىلاندىرۋعا ۇزدىكسىز AI كۇشىن ازىرلەدىك“، - دەيدى جىڭ لين.

  AI + دەنە تەمپەراتۋراسىن ولشەۋ شينجياڭ ايحۋايىڭتۇڭ ينفورماتسيا تەحنيكاسى شەكتى سەرىكتەسىگىنىڭ ءوزىنىڭ سيفرلى ەكونوميكاسىن جەتىلدىرۋىنىڭ، ۇلعايتۋىنىڭ كىرىسۋ تۇيىندەرىنىڭ بىرەۋى عانا. AI كاسىپ سالاسىنىڭ قولدانىلۋى سىندى وزەكتى ارقاۋ ەتە وتىرىپ، قازىر اتالعان سەرىكتەستىك AI الگوريتمى، AI قاتتى بولشەكتەرى، AI جاعداياتتارى سىندى 3 دەڭگەيدەگى ونىمدەر جەلىسىن زەرتتەپ اشىپ، قالىپتاستىرىپ، ونى زەردەلى وقۋ - اعارتۋ، زەردەلى توتەنشە جاعدايدى مەڭگەرۋ، زەردەلى ساۋدا سياقتى ءار سالاعا قولداندى.

  AI قولدانىلۋىن باستاماسى ەتىپ، بارلىق سالاعا، بارلىق كاسىپورىنعا شوعىرلانىپ، ءار سالاداعى تەحنيكالىق جاڭالىقتى بىرتىندەپ ىلگەرىلەتتى، مىنە بۇل ”سيفرلاندىرۋدىڭ“ عالاماتى بولىپ تابىلادى.

  ءداۋىر تولقىنى وركەشتەنە كەلدى، جاساندى زەردە، زاتتار ينتەرنەتى، ۇلكەن ساندى مالىمەت، بۇلتتىق ەسەپتەۋ سياقتى ءبىرسىپىرا سيفرلىق عىلىم - تەحنيكالار ەكونوميكانىڭ دامۋىنا قۋاتتى قوزعاۋشى كۇش ازىرلەدى.

  ساندى مالىمەتتەردە كورسەتىلۋىنشە، شينجياڭنىڭ سيفرلى ەكونوميكا كولەمى 2013 - جىلعى 105 ميلليارد 600 ميلليون يۋاننان ءوسىپ، 2019 - جىلى 345 ميلليارد يۋانعا جەتىپ، جىلىنا ورتاشا ەسەپپەن %37.8 ارتىپ وتىرعان؛ GDPدان ۇستايتىن ۇلەسى %12.7تەن %24.7كە جەتكەن. شينجياڭ سيفرلى ەكونوميكاسىنىڭ ارتۋ جىلدامدىعى سايكەس مەزگىلدەگى GDPدىڭ ارتۋ جىلدامدىعىنان جوعارى بولىپ، ەكونوميكانىڭ جوعارى ساپالى دامۋىن جەبەيتىن ماڭىزدى كۇشكە اينالعان.

جاڭالىق اشۋ ارقىلى دەم بەردى، قارت تەرەكتەن جاس بۇتاق ءونىپ شىقتى

  ”شىرت ۇيقىدا“ جاتقان جاساۋ كاسىبىنىڭ ساندى مالىمەتتەرى ”ويانىپ“، بۇرىنعى ءداستۇرلى زاۆودتارعا، سەحتارعا ”اقىل كىردى“.

  دابىرالى، دۋماندى جۇمىس ىستەگەن كورىنىس جوق، بالعا تارسىلداپ، دانەكەرلەگىش سالدىرلاعان داۋىس ەستىلمەيدى، شينجياڭ جۇڭحى جارنا شەكتى سەرىكتەستىگى ەلەكترود جاپىراقشاسى سەرىكتەستىگىنىڭ ءوندىرىس سەحىنداعى تاپ - تۇيناقتاي تازا، رەتتى ورتا كورگەن كىسىنى تاڭعالدىرادى.

  اجەپتاۋىر كەڭ سەحتا جۇمىسشىلاردىڭ قاراسى كورىنبەيدى، تەك شەگىرتكەنىڭ قاناتىنداي جۇپ - جۇقا جاپىراقشا ورامدارى ءوندىرىس جابدىعىنان باياۋ شىعىپ جاتىر. ىلە - شالا، زەردەلى AGV قۇلتەمىر شاعىن ماشيناسى جەتىپ كەلىپ، جاپىراقشا ورامىن تىستەپ الىپ ارلى - بەرلى جۇگىرىپ، جۇمىستار مۇلتىكسىز سايكەسىمدىلىكپەن ورىندالۋدا.

  مەڭگەرۋ بولمەسىندە، باسقارۋشى قىزمەتكەر كومپيۋتەر الدىندا وتىرىپ ەكرانداعى ءوندىرىس ساندى مالىمەتتەرىنە قادالىپ، ارا - تۇرا پەرنەتاقتانى ءتۇرتىپ، مەڭگەرۋدە.

  ”شيكىزاتتى جابدىققا سالىپ، تەمپەراتۋرا، ۋاقىت سياقتى ساندى ماندەردى كىرگىزىپ قويساڭىز بولعانى، ءونىم اۆتوماتتى ءوندىرىلىپ شىعادى“. شينجياڭ جۇڭحى سەرىكتەستىگى باسقارۋ القاسىنىڭ حاتشىسى ليۋ جيانحاۋ بىلاي دەيدى: ”بۇرىن مۇنداي قولايلى ەمەس ەدى، ءوندىرىس بارىسىنداعى ءبىرسىپىرا بۋىنداردى مەڭگەرۋدىڭ بارلىعىندا جەكە تاجىريبەگە سۇيەنەتىنبىز، بىرنەشە جىلسىز جۇمىسقا ىسىلۋ مۇمكىن ەمەس بولاتىن“.

  ۇلكەن ساندى مالىمەتتىڭ قولدانىلۋى، زەردەلى زاۆودتىڭ سيفرلانعان ءوندىرىسى ءداستۇرلى، ادام، ەڭبەك شوعىرلانعان ءوندىرىس ۇلگىسىن بۇكىلدەي اۋدارىپ تاستادى، سونداي - اق ءونىمنىڭ ءوندىرىس بارىسىنداعى ساپاسى ءونىمدى مەڭگەرىلىپ، ساپا وقيعالارىنىڭ تۋىلۋى ادا - كۇدە تيىلدى. ”سيفرلاندىرۋدىڭ“ شىعىس جەلىمەن شينجياڭ جۇڭحى سەرىكتەستىگى جۇڭگونىڭ ستراتەگيالىق جاڭا ماتەريالدار كاسىپ سالاسىنداعى وزەكتى، تىرەكتى كاسىپورىنعا اينالدى.

  كەزەكتە شينجياڭنىڭ سيفرلى ەكونوميكاسى جەدەل تۇردە ءوندىرىس سالاسىنا كەڭەيىپ، ونەركاسىپ ينتەرنەتى، زەردەلى جاساۋ سياقتىلار ۋاكىل بولعان جاڭا ءوندىرىس ۇلگىلەرى، جاڭا كاسىپ كۇيلەرى كوپتەپ جارىققا شىعىپ، تەحنيكادا جاڭالىق اشۋعا جەتەكتەپ، كاسىپ سالاسىنىڭ دارەجەسىن ءوسىرۋدى ىلگەرىلەتىپ، كاسىپورىننىڭ تيبىن وزگەرتۋىنە دەم بەردى.

  جينفىڭ عىلىم - تەحنيكاسى جەل ەلەكترى بويىنشا پاراساتتى جۇمىس جۇرگىزۋ جۇيەسىن ورناتىپ، جەلىلەس ينفورماتسيالانۋ تۇعىرىن اشىپ، پايدالانىپ، جەل ەلەكتر الاڭىنداعى جۇمىس ساندى مالىمەتتەرى مەن ينفورماتسيالارىن جيناپ، جەتكىزىپ جانە تالداپ، زەردەلى تالداۋ، كىناراتتاردان الدىن الا ساقتاندىرۋ، مامانداردىڭ قولداۋى، ءبىلىمدى ورتاقتاسۋ سياقتى رولدارعا يە پاراساتتى جۇمىس جۇرگىزۋ - قورعاۋ بويىنشا قىزمەت وتەۋ تىرەگى تۇعىرىن قالىپتاستىردى؛ ەرەكشە ترانسفورماتور سوڭعى جىلداردان بەرى ساندى مالىمەت ورتالىعى، ونەركاسىپ ينتەرنەتى سياقتى جاڭا نەگىزدىك قۇرىلعى قۇرىلىسى سالاسىن ارقاۋ ەتىپ، ”پاراساتتى ەلەكتر ستانسياسى“، ”پاراساتتى كەن ورىندارى“ سياقتى سيفرلانعان، ينفورماتسيالانعان زەردەلى ۇلگى كورسەتۋ نىسانى قۇرىلىسىن ۇزدىكسىز ورىستەتتى.

  سيفرلاندىرۋ كاسىپ سالاسىنىڭ تۇقىمى شينجياڭنىڭ بايتاق دالاسىندا وركەن جايىپ، ءوسىپ - جەتىلىپ، ءداستۇرلى كاسىپ سالالارىنا تەرەڭدەي قۋات ۇستەپ، بايلىقتى جايعاستىرۋ ونىمدىلىگىن جوعارىلاتىپ، جوعارى ساپالى دامۋدىڭ ساپاسىن اناعۇرلىم بايىتا ءتۇستى.

تاعى دا بيىككە ورلەپ، سيفردىڭ ”ىشكى قۋاتىن“ نىعايتتى

  سيفرلى ەكونوميكا − جاڭا ەكونوميكالىق توڭكەرىس. سوڭعى جىلدارى شينجياڭ ينتەرنەت عىلىم - تەحنيكاسىنا قۇشاق جايىپ، ءبىر توپ سيفرلى ەكونوميكا كاسىپورىندارىن جەتىلدىرىپ، ۇلعايتىپ قالماستان، سيفرلى تەحنيكانىڭ پاراساتتى قالا، پاراساتتى ەمدەۋ، پاراساتتى قاتىناس، پاراساتتى اكىمشىلىك ىستەر سياقتى سالالاردا جالپى بەتتىك قولدانىلۋىن جەدەلدەتتى.

  دەربەس زەرتتەپ جاساعان ”شيڭيۇن“ جوعارى قابىلەتتى كومپيۋتەر جونىندە ءسوز بولا قالسا، شينجياڭ جۇڭكى شۋگۋاڭ بۇلتتىق ەسەپتەۋ شەكتى سەرىكتەستىگىنىڭ باس ديرەكتورى پەي چۇڭنىڭ ءسوز لامىنەن كوكىرەك كەرنەگەن ماقتانىش لەبى ەسەدى:”’شيڭيۇن‘ سەكۋندتىق وركەش ءمانى 3 تريلليارد رەتكە، ءار سەكۋندتا ءبىر تريلليارد 271 تريلليون رەتكە جەتكەن ناقتى ولشەنگەن Linpack قاسيەتىمەن دۇنيە ءجۇزى بويىنشا 2 - ورىندىق ناتيجەگە قول جەتكىزىپ، دۇنيە ءجۇزى بويىنشا ناقتى ولشەنگەن قابىلەتى تريلليارد رەتكە جەتكەن ءۇشىنشى اسقىن كومپيۋتەر بولىپ وتىر“.

  كەمەل قۇرال - سايمانىڭ بولسا عانا، قيىن جۇمىس ىستەي الاسىڭ. شۋگۋاڭ بۇلتتىق ەسەپتەۋ تەحنيكاسىنا، اسقىن ەسەپتەۋ تەحنيكاسىنا سۇيەنىپ، جۇڭكى شۋگاڭ ءۇرىمجىنىڭ پاراساتتى قالا جۇيەسىن قالىپتاستىرۋىنىڭ، پاراساتتى قالا شەشىم جوباسىن ازىرلەۋدىڭ ماڭىزدى قاتىسۋشىسىنا اينالدى.

  ”شۋگۋاڭ اكىمشىلىك ىستەر بۇلتتىق تۇعىرىنىڭ قولدانىلۋى ءۇرىمجى قالالىق ۇكىمەت تاراۋلارىنىڭ نەگىزدىك قۇرىلعىلارىن بىرگە قۇرۋدى، بىرگە پايدالانۋدى، ينفورماتسيا جۇيەسىنە جالپى تۇلعالىق ورنالاستىرۋ جاساۋدى جۇزەگە اسىرىپ، ’پاراساتتى ۇرىمجىگە‘ ساندى مالىمەت بايلىعىن توپتاستىرۋ، ورتاقتاسۋ نەگىزىن قالاپ، ۇكىمەتتىڭ قوعامدىق جونگە سالۋدى، الەۋمەتتىك قىزمەت وتەۋدى جوعارىلاتۋى جانە ۇلكەن ساندى مالىمەت كاسىپ سالاسىن اقاۋسىز دامىتۋى ءۇشىن پارمەندى تىرەك ازىرلەدى“، - دەيدى پەي چۇڭ.

  بيىل جۇڭكى شۋگۋاڭ قۇرعان ءۇرىمجى بۇلتتىق ەسەپتەۋ ورتالىعى نىسانىنىڭ 2 - مەرزىمى قۇرىلىس باستادى، نىسان سالىنىپ بىتكەن سوڭ، 500دەن استام ۇكىمەت ورنى، عىلمي زەرتتەۋ قۇرىلىمى، ورتا، شاعىن كاسىپورىندار ءۇشىن ساندى مالىمەتتەر ساقتاۋ، تالداۋ جاساۋ، ءبىر جاقتى ەتۋ بويىنشا قىزمەت وتەۋ قابىلەتىنە يە بولىپ، 10 ميلليارد يۋاندىق بۇلتتىق ەسەپتەۋ، ۇلكەن ساندى مالىمەت كاسىپ سالاسى تىزبەگىن قالىپتاستىرادى.

  جۇمىس ادامى جوعارى ساپالى بۇيىمدى جاساۋ ءۇشىن، الدىمەن، قارۋىن وتكىرلەۋى كەرەك. شۋگۋاڭ بۇلتتىق ەسەپتەۋ، ۇلكەن ساندى مالىمەت تۇعىرىنىڭ قۇرىلۋى، قولدانىلۋى شينجياڭنىڭ سيفردىڭ ”ىشكى قۋاتىن“ نىعايتۋىنىڭ جاندى امالياتى. جالپى جارىسا گۇل اشقان كاسىپ سالاسىن سيفرلاندىرۋ ىزدەنىسىنە سالىستىرعاندا، جاڭا تيپتى نەگىزدىك قۇرىلعىلار سيفرلى ەكونوميكانى دامىتۋدىڭ ماڭىزدى تىرەگى رەتىندە اناعۇرلىم دەن قويىپ، ۇزاق ۋاقىت قوردالانۋ جانە قارجى سالۋ دايىندىعىن ويداعىداي جاساۋى كەرەك.

  بيىل شينجياڭ جاڭا تيپتى نەگىزدىك قۇرىلعى قۇرىلىسىن ۇزدىكسىز ىلگەرىلەتىپ، 5G ينتەرنەت قۇرىلىسىن جەدەلدەتىپ، جۇمساق بولشەك جانە ينفورماتسيا تەحنيكاسى قىزمەت وتەۋ كاسىبىنىڭ تىرەكتىك قابىلەتىن ۇزدىكسىز جوعارىلاتىپ، چۇيكۋايليان، بۇلتتىق ەسەپتەۋ، ۇلكەن ساندى مالىمەت جانە جاساندى زەردە سياقتى جاڭا تەحنيكالاردى زەرتتەۋدى جانە قولدانۋدى ىلگەرىلەتىپ، ۇكىمەتتىك باسقارۋ مەن الەۋمەتتىك قىزمەت وتەۋدىڭ ينفورماتسيالانۋ دەڭگەيىن جوعارىلاتىپ، كولەمنەن جوعارى كاسىپورىندار، ورتا، شاعىن، ۇساق كاسىپورىندار، دەلدال ۇيىمدار سياقتى سيفرلى ەكونوميكاداعى بازار تۇلعالارىنىڭ ومىرشەڭدىگىن كۇشەيتىپ، ينتەرنەت ەكونوميكاسىنىڭ، تۇعىر ەكونوميكاسىنىڭ، بىرگە يگىلىكتەنەتىن ەكونوميكانىڭ دامۋىن جەبەپ، شينجياڭنىڭ ەرەكشەلىگىنە يە وسى زامانعى ونەركاسىپ جۇيەسى قۇرىلىسىن جەتىلدىرىپ، سيفرلى ەكونوميكانىڭ دامۋ دەڭگەيىن جوعارىلاتادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.