شينحۋا اگەنتتىگىنىڭ 8 - ايدىڭ 8 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 8 - ايدىڭ 8 - كۇنى ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى رۋان فۋجۇڭعا كوڭىل ايتۋ تەلەگرامماسىن جولداپ، ۆيەتنام كوممۋنيستىك پارتياسى ورتالىق كوميتەتىنىڭ بۇرىنعى باس شۋجيى لي كىپياۋدىڭ قايتىس بولعانىنا قايعىلى ازا ءبىلدىردى. تولىعى تومەندەگىدەي:
ۆيەتنام كوممۋنيستىك پارتياسى ورتالىق كوميتەتىنىڭ بۇرىنعى باس شۋجيى لي كىپياۋ جولداستىڭ باقىتقا قارسى قايتىس بولعانىنان توسىن حاباردار بولدىم، مەن جۇڭگو كوممۋنيستىك پارتياسى، جۇڭگو ۇكىمەتى، جۇڭگو حالقى اتىنان جانە ءوز اتىمنان سىزگە ءارى ءسىز ارقىلى ۆيەتنام كوممۋنيستىك پارتياسىنا، ۆيەتنام ۇكىمەتىنە، ۆيەتنام حالقىنا لي كىپياۋ جولداستىڭ قازاسىنا قايعىلى ازا تۇتاتىندىعىمدى بىلدىرەمىن، لي كىپياۋ جولداستىڭ ۇيىندەگىلەردەن شىن ىقىلاسپەن حال سۇرايمىن.
لي كىپياۋ جولداس ۆيەتنام پارتياسى مەن مەملەكەتىنىڭ اعا بۋىن كورنەكتى باسشىسى، ۆيەتنام حالقىن باستاپ، ۆيەتنامنىڭ سوتسياليستىك قۇرىلىسى مەن جاڭارتۋ ىستەرىندە وراسان زور جەتىستىكتەرگە جەتتى. لي كىپياۋ جولداس جۇڭگو پارتياسى مەن حالقىنىڭ دا ەتەنە جولداسى جانە دوسى، ”ۇزاق ۋاقىت ورنىقتى بولعان، بولاشاققا بەتالعان، دوس كورشى، جاپپاي سەلبەستىك ورناتقان“ جۇڭگو - ۆيەتنام قارىم - قاتىناسىنىڭ دامۋىنا كورنەكتى ۇلەس قوستى.
جۇڭگو جاق جۇڭگو مەن ۆيەتنامنىڭ ءداستۇرلى دوستىعىن بەكەمدەۋگە جانە ساۋلەلەندىرۋگە ايرىقشا ءمان بەرەدى، ۆيەتنام جاقپەن بىرگە، ساياسي ءوزارا سەنىمدىلىكتى ارتتىرىپ، ىنتىماق پەن سەلبەستىكتى كۇشەيتىپ، جۇڭگو - ۆيەتنام ەكى پارتياسىنىڭ، ەكى ەلدىڭ قارىم - قاتىناسى مەن ءارقايسى جاقتىڭ سوتسياليستىك ىستەرىنىڭ تىڭ دا اناعۇرلىم زور دامۋشىلىقتارعا ۇزدىكسىز قول جەتكىزۋىن ىلگەرىلەتۋدى قالايدى. مەن باس شۋجي جولداستى جەتەكشى ەتكەن ۆيەتنام كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا ۆيەتنامنىڭ سوتسياليستىك قۇرىلىس ىستەرىندە تىڭ تابىستارعا قول جەتكىزەتىندىگىنە سەنەمىن.
