تيانشان تورىنىڭ حابارى (حابارىن جازىپ سۋرەتىن تۇسىرگەن ءتىلشى جاۋ مەي). 8 - ايدىڭ 7 - كۇنى تۇستەن بۇرىن ساعات 10، ورنالاستىرۋعا قولباسشىلىق ەتۋ ورتالىعىنان كەلگەن تەلەفوندى قابىلداعان ايگۇل يمىت جايشىلىقتاعىداي قورعانۋ كيىمىن دەرەۋ كيىپ، ليفتپەن عيماراتتان تۇسكەنگە دەيىن 5 مينۋتقا جەتپەيتىن عانا ۋاقىت جۇمساپ، نەگاتيۆتى قۇتقارۋ كولىگىنە وتىرىپ، تەلەفون ارقىلى ناۋقاستى وتكەرمەلەپ تاسۋ ورنىن انىقتاپ العان سوڭ، شوفەر سەرىگى شياۋ مۋمەن بىرگە كەلەسى ناۋقاستى وتكەرمەلەپ تاسۋ قىزمەتىن باستاپ كەتتى.
ۆيروسقا ەڭ جاقىن قىزمەت قوسىنى
38 جاستاعى ايگۇل يمىت ٴۇرىمجى قالالىق شۇعىل قۇتقارۋ ورتالىعىنىڭ سەستراسى. 7 - ايدىڭ 16 - كۇنى ءۇرىمجىنىڭ ىندەتكە قارسى شايقاسى باستالعاندا، سىرت جەردە دەمالىپ جاتقان ول دەرەۋ ۇرىمجىگە قايتىپ، اكە - شەشەسى مەن قىزىن ورنالاستىرىپ قويىپ، تۇندەلەتە شۇعىل قۇتقارۋ پۋنكتىنە بارىپ بۇيرىق كۇتەدى.
ايگۇل نەگاتيۆتى قۇتقارۋ كولىگىنە شىعىپ، مىندەت اتقارۋعا دايىندالدى.
7 - ايدىڭ 27 - كۇنى شۇعىل قۇتقارۋ ورتالىعىندا ىندەت جاعدايىنىڭ قاجەتىنە بايلانىستى، نەگاتيۆتى قۇتقارۋ كولىگىمەن وتكەرمەلەپ تاسىمالداۋ گرۋپپاسىنىڭ جەدەل قۇرىلاتىندىعىنان حاباردار بولعان ايگۇل دەرەۋ تىزىمدەلەدى. ”مەن شۇعىل قۇتقارۋ قىزمەتكەرىمىن، شۇعىل قۇتقارۋ سەسترالىق قىزمەت ورنىندا كوپ جىل ىستەدىم، ءتۇرلى شۇعىل مىندەتتەردى اتقارۋ تاجىريبەم بار، ونىڭ ۇستىنە پارتيا مۇشەسىمىن، شەشۋشى كەزەڭدە، ارينە اتويلاپ العا شىعۋىم كەرەك“. وسىلايشا سەسترالار باستىعىنىڭ باستاۋىندا، ول جانە جەتى كاسىپتەسى نەگاتيۆتى قۇتقارۋ كولىگىمەن وتكەرمەلەپ تاسىمالداۋ گرۋپپاسىنىڭ العاشقى توپتاعى مۇشەلەرىنە اينالادى.
نەگاتيۆتى قۇتقارۋ كولىگىمەن وتكەرمەلەپ تاسىمالداۋ گرۋپپاسى دياگنوزى تۇراقتاندىرىلعانداردى، كۇماندى ناۋقاستاردى،شۇعىل جاناسقان ناۋقاستاردى ارناۋلى وتكەرمەلەپ تاسىمالدايتىن قىزمەت قوسىنى، سونداي - اق جاڭا تيپتى ايدارشا ۆيرۋسىنا ەڭ جاقىن ەمدەۋ قوسىنى. ايگۇلدىڭ قىزمەت تاجىريبەسى مول بولعانىمەن، مۇنداي قىزمەتكە ءبىرىنشى رەت قاتىناسىپ وتىر.
”نەگاتيۆتى قۇتقارۋ كولىگى ادەتتەگى قۇتقارۋ كولىگىمىزگە ۇقسامايدى“. ول بىلاي دەدى: بۇل كولىكتىڭ ادەتتەگى قۇتقارۋ كولىگىمەن ەڭ ۇلكەن ايىرماشىلىعى: كولىك ىشىندە نەگاتيۆتى قىسىم قوندىرعىسى بار، كولىك ىشىندەگى اۋانىڭ سىرتقا شىعىپ كەتۋىنىڭ الدىن الادى، كولىك ىشىندەگى اۋا زالالسىزداندىرىلعاننان كەيىن عانا سىرتقا شىعارىلادى، بۇل قوندىرعى تاسىمال بارىسىندا ۆيرۋستىڭ سىرتقا جايىلۋىنان ءونىمدى ساقتايدى.
ٴار جولى وتكەرمەلەپ تاسىمالداۋ مىندەتىن تاپسىرىپ العاندا، ايگۇل قورعانۋ كيىمىن دەرەۋ كيىپ، شوفەر سەرىگىنە قول تەلەفونمەن مىندەتتى جەتكىزگەننەن كەيىن، جۇگىرە باسىپ، نەگاتيۆتى قۇتقارۋ كولىگى توقتاتىلعان جەرگە بارادى، ”ادەتتە 5 مينۋت ىشىندە كولىكتى قوزعالتىپ، ناۋقاس تۇرعان جەرگە قاراي اتتانامىز“. ول بىلاي دەدى: وتكەرمەلەپ تاسىمالداۋ ۋاقىتىن قىسقارتۋ ٴۇشىن، ءبىز ادەتتە ناۋقاستى الدىمەن بەلگىلەنگەن شيپاحاناعا جەتكىزەمىز، ”ادەتتە ءبىر جارىم ساعات ۋاقىت اينالاسىندا وتكەرمەلەپ تاسىمالداپ بولامىز“.
ەڭ قاربالاس كەزدە، ءۇرتىس 20 نەشە ساعات جۇمىس ىستەدى
ٴتىلشى: ”جاقىن ارالىقتا ناۋقاسقا جۋىسۋدان الاڭدايسىز با، جٶق پا؟“،-دەپ سۇراعانىندا، ايگۇل تەلەفوننىڭ انا باسىندا كۇلىپ تۇرىپ: ”قىزمەت جاۋاپكەرشىلىگىنىڭ سەبەبىنەن بولسا كەرەك، مەن ەشقاشان الاڭداۋدى ويلاپ كورمەپپىن“،-دەدى. كەرىسىنشە، ناۋقاستى وتكەرمەلەپ تاسىمالداۋ بارىسىندا، ول ۇنەمى ناۋقاستارمەن ىرىقتى تۇردە سويلەسىپ، ولاردى كولىككە سۇيەپ شىعاراتىن كەزدە نەگىزگى احۋالىن سۇرايدى نەمەسە جۇباتاتىن سوزدەردى ايتادى، كوزدەگەن جەرگە اپارعان سوڭ ”الاڭداماڭىزدار، تەز ارادا ساۋىعىپ، ۇيلەرىڭىزگە قايتاسىزدار“،-دەپ قاداعالاۋدى دا ەسىنەن شىعارمايدى.
تالاپ بويىنشا، ٴار جولى ٴبىر ناۋقاستى وتكەرمەلەپ تاسىمالداپ بولعاننان كەيىن، ايگۇل قورعانۋ كيىمىن الماستىرىپ، كولىكتى جانە ءوزىن قاتاڭ تۇردە زارارسىزداندىرىپ بولعاننان كەيىن كەلەسى كەزەكتى وتكەرمەلەپ تاسىمالداۋ مىندەتىنە دايىندالۋ كەرەك. ول بىلاي دەدى: ”كۇن بويى قورعانۋ كيىمىن كيىپ، ماسكى مەن قولقاپتى تاستاماي تاعاتىن بولعاندىقتان، ءبىزدىڭ نەگاتيۆتى قۇتقارۋ كولىگىمەن وتكەرمەلەپ تاسىمالداۋ گرۋپپاسىنىڭ ءاربىر مۇشەسىنىڭ بەتتەرىندە، قۇلاقتارىنىڭ ارتىندا دا ىزدەر قالادى، كەيبىرەۋلەرىنىڭ الاقانىنا ءتىپتى سۋلى تەمىرەتكى پايدا بولدى“.
وتكەرمەلەپ تاسىمالداۋ قىزمەتى شۇعىل جانە كەز كەلگەن ۋاقىتتا جۇرىلەتىندىكتەن، ايگۇل مەن قىزمەتتەستەرى ۇنەمى تاڭ سارىدە مىندەت اتقارادى. ”قىزمەت ەڭ قاربالاس كەزدە، 20 نەشە ساعات بويى جالعاستى قىزمەت ىستەيمىز“. ول بىلاي دەيدى: وتكەرمەلەپ تاسىمالداۋ مىندەتى جوق كەزدە دە، مەن جانە قىزمەتتەستەرىم قىزمەت ورنىنان تاپجىلمايمىز، سول ورنىندا نەمەسە بەلگىلەنگەن جەردە بۇيرىق كۇتەمىز.
ايگۇل نەگاتيۆتى قۇتقارۋ كولىگىنە شىعىپ، مىندەت اتقارۋعا دايىندالدى.
ايگۇل جونىنەن العاندا، قىزمەتتەن سىرت ەڭ كوڭىلدى ٴساتى وتباسىنداعىلارمەن تەلەفوندا سويلەسۋ نەمەسە كەسكىندە جۇزدەسۋ، ”اكە - شەشەم ٴار كۇنى تەلەفوندا ماعان جاقسى تاماقتانۋدى ەسكەرتەدى ءارى مەنى ماڭگى قولدايتىندىقتارىن ايتادى“. ول 13 جاستاعى قىزىنىڭ ىندەت مەزگىلىندە تەز ەسكىرگەندىگىن ايتىپ: ”ول ىرىقتى تۇردە تاپسىرمانى جاقسى ورىنداعانىن، مەنىڭ الاڭسىز بولۋىمدى، تاعى اتاسى - اپاسىنا جاقسى قارايتىندىعىن، مەنىڭ الاڭسىز قىزمەت ىستەۋىمدى ايتتى“،-دەدى. وتباسىنداعىلاردىڭ شابىتتاندىرۋى ايگۇلدىڭ قىزمەتتە اناعۇرلىم زور قوزعاۋشى كۇشكە يە بولۋىنا مۇمكىندىك جاسادى. ول سەنىمدى تۇردە: ” ٴبىز، ٴسوز جوق، وسى شايقاستا جەڭىسكە جەتىپ، ەرتەرەك ۇيگە قايتىپ وتباسىنداعىلارمەن قاۋىشامىز“،-دەدى.
