8 - ايدىڭ 7 - كۇنى قۇدىرەت قۇربان (وڭدا) مەن انكار اسقار تۇرعىنداردىڭ حابارلاسۋىنا قولايلىلىق جاساۋ ءۇشىن وزدەرىنىڭ تەلەفون نومىرلەرىن قاعاز تاقتاعا جازدى.
دۇڭ جۇن، قۇدىرەت قۇربان، انكار اسقار كوكونىس تاسۋدا.
ءۇش ادامدىق شاعىن اترەت شاعىن اۋماقتا تۇرعىندارعا ”بادۋانجين“ گيمناستيكاسىنان ۇلگى كورسەتتى.
شينجياڭ گازەتىنىڭ حابارى (سۋرەتىن ءتۇسىرىپ حابارىن جازعان جوۋ پىڭ). ”بوس ۋاقىت بولعاندا بادۋانجين گيمناستيكاسىن ويناڭىزدار، دەنە ساپاسىن جوعارىلاتادى“،- دەدى 8 - ايدىڭ 7 - كۇنى ءۇرىمجى قالاسى تيانشان رايونى شينحۋا وڭتۇستىك جولى اۋماعىن باسقارۋ كوميتەتى حىتان وڭتۇستىك جولى شىعىس الەۋمەتتىك اۋماعى لاڭرۇن تيانچىڭ شاعىن اۋماعىنىڭ ەرىكتىسى قۇدىرەت قۇربان تۇرعىندارعا.
بيىل 22 جاستاعى قۇدىرەت داشۋەنىڭ 3 - جىلدىعىنىڭ وقۋشىسى. ۇرىمجىدە جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، ءبىر شاعىن اۋماقتا تۇراتىن بولە ءىنىسى انكار اسقارمەن بىرگە تىزىمدەلىپ، ەرىكتى قىزمەت وتەۋ اترەتىنە قاتىناستى.
ەكەۋى ءبىر الەۋمەتتىك اۋماقتا ەرىكتى بولىپ ىستەيتىن دۇڭ جۇنمەن ءۇش ادامدىق شاعىن اترەت قۇرىپ، قاي جەر قاجەت ەتسە سول جەردە پايدا بولىپ، شىن پەيىلدەرىمەن تۇرعىندارعا قىزمەت وتەدى.
”تۇرعىنداردىڭ ‹راقىمەت› دەگەن ءبىر اۋىز ءسوزى، بىزگە ۇلكەن مەدەت بەرەدى“. قۇدىرەت بىلاي دەدى: جاڭا داۋىردەگى داشۋە وقۋشىسى رەتىندە، ىندەت الدىندا بورىش پەن جاۋاپكەرلىك ارقالاپ، وسى جولعى ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسنە قول جەتكىزۋگە ۇلەس قوسۋىمىز كەرەك. ”ەمدەۋ قىزمەتكەرلەرى سياقتى ءبىرىنشى شەپتە ىندەتپەن شايقاسا الماساق تا، ءوز شامامىز كەلەتىن الەۋمەتتىك اۋماق پەن تۇرعىنداردىڭ قيىنشىلىقتارىن شەشۋگە كومەكتەسەمىز. بارلىق ادام ءوز ۇلەستەرىن قوسقاندا قانا، ەرتەرەك جەڭىسكە جەتە الامىز“.
