تيانشان تورى
تيانشان تورى   ›   جاڭالىقتار   ›   ءۇرىمجى

شينجياڭ: ەگىن، مال شارۋاشىلىق ونىمدەرىن، ەگىن، مال شارۋاشىلىق ٴوندىرىس ماتەريالدارىن تاسىمالدايتىن اۆتوكولىكتەردىڭ الدىمەن ىركىلىسسىز قاتىناۋىنا كەپىلدىك ەتتى

  تيانشان تورىنىڭ حابارى (حابارىن جازىپ سۋرەتىن تۇسىرگەن تىلشىلەر گو ليڭ، يىن تۇڭيۋان، جانات تولقىن). 8 - ايدىڭ 10 - كۇنى ساعات 17 دە، اۆتونوميالى رايوندىق ۇكىمەتتىڭ اقپارات كەڭسەسى ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەت جاعدايى جانە ساقتانۋ - تىزگىندەۋ قىزمەتى جونىندەگى 24 - رەتكى اقپار جاريالاۋ ءماجىلىسىن وتكىزدى. ماجىلىستە اۆتونوميالى رايوننىڭ ىندەت كەزىندەگى ەگىن، مال شارۋاشىلىق ءوندىرىسى، تاسىمالداۋ، ساتۋ قاتارلى جاقتاردا شىعارعان شارالارى تانىستىرىلدى.

  اۆتونوميالى رايوندىق پارتكوم اۋىل شارۋاشىلىق كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى، اۆتونوميالى رايوندىق اۋىل شارۋاشىلىق، اۋىل - قىستاق مەڭگەرمەسىنىڭ ورىنباسار باستىعى شۇي تاۋ بىلاي دەدى: ىندەت تۋىلعاننان بەرى، ءبىز باستان - اياق ەگىن، مال شارۋاشىلىق ءوندىرىسى مەن اۋىل شارۋاشىلىق ونىمدەرىنىڭ ءوندىرىسىن ورنىقتىرۋدى، قامداۋىنا كەپىلدىك ەتۋدى بارىنەن ماڭىزدى حالىق تۇرمىسى قىزمەتى رەتىندە مىقتى ۇستاپ، دەر كەزىندە جوبا جاساپ جانە ۇقتىرۋ تاراتىپ، ءوندىرىستى، قامداۋدى، حالىق تۇرمىسىن قامتاماسىزداندىرۋدى ىندەتتەن ساقتانۋ - تىزگىندەۋدەن قامال الۋ شايقاسىندا جەڭىسكە جەتۋدىڭ ماڭىزدى مازمۇنى ەتىپ، قاتىناسقا، ىركىلىسسىز بولۋعا، تاسىمالداۋعا كەپىلدىك ەتۋ، ءوندىرىس جۇمىسشىلارىنا كەپىلدىك ەتۋ، سوڭعى بۋىنداعى جەتكىزۋ تىزبەگىن كەمەلدەندىرۋ قاتارلى جاقتاردان باستاپ ناقتىلى شارالار بەلگىلەپ، تۇلعالىق جاۋاپكەرشىلىكتى اناعۇرلىم ناقتىلاندىرىپ، ەگىن، مال شارۋاشىلىق ءوندىرىسىنىڭ قالىپتى بولۋىنا جانە اۋىل شارۋاشىلىق ونىمدەرىمەن جەتكىلىكتى قامداۋعا، پارمەندى قامتاماسىز ەتۋگە، ساپاسىنىڭ حاۋىپسىز بولۋىنا شىنايى كەپىلدىك ەتتىك.

  ءبىرىنشى،قاتىناسقا، ىركىلىسسىز بولۋعا،تاسىمالعا كەپىلدىك ەتۋدى كورنەكتىلەندىردى.ك ءبىر تۇتاس جوسپارلاپ سايكەستىرۋدى كۇشەيتىپ، ”جاسىل ارنا“بويىنشا اقىسىز تەز قاتىناۋ ساياساتىن كەمەلدەندىرىپ، جول جەلىسىن عىلمي ورنالاستىرىپ، ورتا جولدا وتكەرمەلەپ تاسۋدى ويداعىداي ىستەپ، تەكسەرۋ - ولشەۋ ونىمدىلىگىن جوعارىلاتىپ، ەگىن، مال شارۋاشىلىق ونىمدەرىن، ەگىن، مال شارۋاشىلىق ءوندىرىس ماتەريالدارىن تاسىمالدايتىن اۆتوكولىكتەردىڭ الدىمەن ىركىلىسسىز قاتىناۋىنا كەپىلدىك ەتتىك. ”ادامدار جۋىسپاۋ، اۆتوكولىكتەردى قاتاڭ زارارسىزداندىرۋ، ادام مەن زاتتى بىردەي تەكسەرۋ، تۇيىق اينالىمدى باسقارۋ، قىزمەت وتەۋدى ساپالىلاندىرۋ“ پرينسيبى بويىنشا، ءتۇرلى ساقتانۋ - تىزگىندەۋ شارالارىن قاتاڭ تياناقتاندىرىپ، قىسقا مەرزىمدى زات تاسىمالىمەن شۇعىلداناتىن شوفەر، تيەۋ - ءتۇسىرۋ جۇمىسشىلارى سياقتى كاسىپتىك قىزمەتكەرلەگە قاراتا، دەنە تەمپەراتۋراسى مەن نۋكلەين قىشقىلىن تەكسەرۋى قالىپتى بولعاندا ءارى جابىق باسقارۋدى، اۋقىمدىق باقىلاۋ-ولشەۋدى جاقسى ىستەۋ العى شارتىندا، پرينسيپ جاقتان 14 كۇندىك اۋاشالاۋ شاراسىن قولدانبادىق. 24 ساعات شۇعىل جاعدايعا توتەپ بەرۋ، قامتاماسىزداندىرۋ تەلەفونىن جاريالاپ، ءتۇرلى ماسەلەلەردى دەر كەزىندە قابىلداپ، سايكەستىرە شەشىپ، ىركىلىسسىز، جوعارى ءونىمدى قاتىناۋعا كەپىلدىك ەتتىك.

  ەكىنشى، ءوندىرىس جۇمىسشىلارىنا كەپىلدىك ەتتىك. شىعاتىن جەر مەن باراتىن جەردىڭ ينفورماتسيا بايلانىسىن ۇشتاستىرۋدى كۇشەيتىپ، شارۋالاردى ”تۇيىننەن تۇيىنگە“ بويىنشا قاۋىرت مەزگىلدى وتكىزىپ تارتىپپەن اتىزعا، كاسىپورىنعا، سەلبەستىك كووپەراتيۆىنە بارىپ جۇمىس ىستەۋگە ۇيىمداستىردىق، ”تۇيىننەن تۇيىنگە“ بويىنشا ەڭبەككۇش شىعارۋ جانە ماشينا جالداۋ سياقتى قىزمەت وتەۋدى ورىستەتۋ جونىندە ىزدەنىس جاساپ، شارۋالاردى تارتىپپەن سىرتقا شىعىپ جۇمىس ىستەۋگە ۇيىمداستىردىق. جابىق كۇيدە ءوندىرىس جۇرگىزىپ، قىزمەتكەرلەردى باسقارۋدى مىقتى يگەرىپ، دەنساۋلىقتارىن باقىلاۋ- تەكسەرۋ مەن نۋكلەين قىشقىلىن تەكسەرۋدى كۇشەيتىپ، جەكەلىك قورعانۋعا ءمان بەرىپ، كوڭىل ءبولۋدى، مەيىر باعىشتاۋدى ويداعىداي ىستەپ، قىزمەت رايونىنان تۇرمىس رايونىنا دەيىن تۇيىق اينالىمدى باسقارۋدى قالىپتاستىردىق. ورتالىقتىڭ، اۆتونوميالى رايوننىڭ ىندەتتىڭ ىقپالىنا توتەپ بەرۋگە شىعارعان قازىنا، فينانس، اقىنى تومەندەتۋ، سالىقتى كەمەيتۋ، جۇمىس ورنىن ورنىقتىرۋ، جۇمىستاندىرۋ سياقتى سۇيەمەلدەۋ ساياساتىنان تولىق، ويداعىداي پايدالانىپ، كاسىپورىنداردىڭ اۋىرتپالىلىعىن شىنايى جەڭىلدەتتىك.

  ءۇشىنشى، سوڭعى بۋىنداعى جەتكىزۋ تىزبەگىن كەمەلدەندىردىك. ءوز بەتىمەن وتكەل قويىپ توسۋ، بەتالدى جولدى ءۇزۋ، بىتەۋ سىندى قاتىناستى بوگەيتىن ارەكەتتەرگە قاتاڭ تيىم سالىپ، ءىرى اۋىل شارۋاشىلىق بازارى، كوكونىس ساۋدا بازارى، باعىمشىلىق بازاسى، ءتۇيىندى ءوندىرىس رايونى (قىستاق) قاتارلى شەشۋشى وڭىرلەرگە باراتىن تاس جولداردىڭ ىركىلىسسىزدىگىنە شىنايى كەپىلدىك ەتتىك. ىندەتتەن ساقتانۋ - تىزگىندەۋ كەزىندە، ۇقساماعان قاراستى ورىندار بەكىتىپ تاراتقان قاتىستى ونىمدەر تاسىمالى رۇقسات كۋالىگىن ءوزارا مويىنداۋدى ايقىندادىق، تور جەلىسىنىڭ جالپىلاسۋى كەڭ، جەتكىزۋ قۋاتى كۇشتى، قوعامدىق جاۋاپكەرشىلىگى جاقسى ءبىر توپ ساپالى جەدەل جەتكىزۋ زات اينالىمى كاسىپورىندارىن تاڭداپ الىپ، ءوندىرىس كاسىپورىندارىنىڭ ساتۋ دۇكەنى مەن قىستاققا (الەۋمەتتىك اۋماق) باعىتتاي، جۋىسپاي، ”تۇيىننەن تۇيىنگە بويىنشا“ جەتكىزۋ قىزمەتىن ورىستەتتىك. قىستاق (الەۋمەتتىك اۋماق) كوتەرەگە الۋ، قامداۋعا كەپىلدىك ەتۋ جاۋاپكەرشىلىگىن تياناقتاندىرىپ، پارتيالى كادرلاردى، ەرىكتىلەردى قاراستى اۋماقتاعى بۇقاراعا ءوندىرىس، تۇرمىس بۇيىمدارىن جەتكىزىپ بەرۋدى،قامداۋدى ويداعىداي ىستەۋگە ۇيىمداستىردىق.

  ءتورتىنشى، ءوندىرۋ مەن ساتۋدى ۇشتاستىرۋدى كۇشەيتتىك. كاسىپورىنداردى ساتۋ تاسىلىندە جاڭالىق اشۋعا جەتەكتەپ، كاسىپورىننىڭ قازىرگى ءداستۇرلى ساتۋ توراپتارىنان ويداعىداي پايدالانۋمەن بىرگە، ”جۇزدەسپەۋ“ سىندى تۇيىننەن تۇيىنگە بويىنشا قىزمەت وتەۋدە جاڭالىق اشىپ، اۋىل شارۋاشىلىق ءوندىرىس ماتەريالدارىنا ينتەرنەت جەلىسىندە زاكاز بەرۋ ،ينتەرنەت جەلىسىنەن تىس جەتكىزۋ ، ۇيىنە دەيىن جەتكىزۋدى جەبەدىك. ءوندىرۋ ، قامداۋ ، ساتۋ بىرلەسكەن تۇلعاسىن قۇرىپ، ولشەم بويىنشا جەتكىزىپ بەرۋدى كورنەكتىلەندىرىپ ، ىندەتتىڭ تارالۋ قاتەرىن تومەندەتتىك. ەرەكشە اۋىل شارۋاشىلىق ونىمدەرىن شينجياڭ ىشىندە ساتىپ الۋ جانە شينجياڭ سىرتىندا ساتۋ سىندى ”ەكى تور“ رولىن تولىق ساۋلەلەندىرىپ، وڭتۇستىك شينجياڭنىڭ ەرەكشە ورمان جەمىستەرىن بازار ارقىلى ساتىپ الۋ قىزمەتىن بەلسەندى، ورنىقتى تۇردە ويداعىداي ىستەدىك. ”7 - ايدىڭ 30 - كۇنى ءبىز مەملەكەتتىك اۋىل شارۋاشىلىق، اۋىل - قىستاق مينيسترلىگىمەن بىرگە ينتەرنەت جەلىسىندە 2020 - جىلى شينجياڭنىڭ كەدەي وڭىرلەرىندەگى اۋىل شارۋاشىلىق ونىمدەرىن ءوندىرۋ مەن ساتۋدى ۇشتاستىرۋ (قاشقار) قيمىلىن وتكىزدىك، 775 ميلليون يۋاندىق تاپسىرىس كەلىسىمى جاسالدى“،-دەدى شۇي تاۋ.

  بەسىنشى، ەگىن، مال شارۋاشىلىق ٴوندىرىسىن ويداعىداي يگەردىك. ەگىس ۋاقىتىن اقساتپاي، اتىز باپتاۋدى مىقتى يگەرىپ، ينفورماتسيا ارقىلى جەتەكشىلىك ەتۋ مەن ءوڭىر اتتاعان ەگىن شارۋاشىلىق ماشينالارىن ويداعىداي ورنالاستىرىپ، جازعى استىقتى جيناپ قامباعا سالۋعا، كۇزدىك ەگىستىڭ ۋاعىندا جۇرىلۋىنە شىنايى كەپىلدىك ەتتىك. ماقتا تەرەتىن ماشينالار مەن تەرۋشىلەردى الدىن الا ويداعىداي ۇيىمداستىرىپ، ساتىپ الۋ، مانەرلەۋ دايىندىعىن جاقسى ىستەدىك. جەم - ءشوپ ساقتاۋ - تاسۋ، سەپتەۋ جۇيەسىن كەمەلدەندىرىپ، مال شارۋاشىلىق ءوندىرىسىن قامتاماسىزداندىردىق. جەمىس - جيدەكتەردى، كوكونىستەردى دەر كەزىندە جيناپ، سۋىق تىزبەكتى ساقتاۋ، قۇرعاتۋ - كەپتىرۋ ءۇيى سياقتى قۇرىلعىلاردان ويداعىداي پايدالانىپ، شارۋالار كاسىپتىك سەلبەستىك كووپەراتيۆى مەن شارۋالار وتباسىن جەمىس ـ جيدەكتەردى، كوكونىستەردى جايىپ كەپتىرۋ، قۇرعاتۋ، تۇزداۋ العاشقى مانەرلەۋ جۇمىستارىن ورىستەتۋگە ۇيىمداستىرىپ، جەمىس - جيدەكتەردىڭ،كوكونىستەردىڭ ساتۋ ۋاقىتىن كەشەۋىلدەتىپ، ساتىلاتىن ءونىمنىڭ ءتۇرىن مولايتىپ، جەمىس - جيدەك،كوكونىس سياقتى اۋىل شارۋاشىلىق ونىمدەرىنىڭ ساتىلۋى قيىن بولۋ ماسەلەلەرىن ءونىمدى شەشىپ، ىندەت زيانىن ازايتۋعا قۇلشىندىق.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.