بيڭتۋان گازەتىنىڭ حابارى ( ٴتىلشى ما يان حابارلايدى) ٴتىلشىنىڭ ۇعىسۋىنشا، جوعارى مەكتەپ تاۋىسقان وقۋشىلاردىڭ جۇمىستانۋىنا، كاسىپ كوزىن اشۋىنا قولداۋ كورسەتۋ ٴۇشىن، بيڭتۋاننىڭ قاتىستى تاراۋلارى قىزمەت وتەۋ ارناسىن ونان ارى كەڭەيتىپ، ٴتيىمدى ساياسات شىعارىپ، قىزمەت ادىسىندە جاڭالىق اشىپ، جەلىدەگى قىزمەت وتەۋ تەبىنىن ارتتىرىپ، جۇمىسقا ورنالاسپاعان جوعارى مەكتەپ تاۋىسقان وقۋشىلاردىڭ ەرتەرەك جۇمىستانۋىنا، تەز جۇمىستانۋىنا دەم بەردى.
بيڭتۋان ادام كۇشى بايلىعى جانە قوعامدىق قامتاماسىزداندىرۋ مەكەمەسى ساياساتتىق”كەشەندى شارا“ شىعارىپ، بيڭتۋانداعى ٴار دارەجەلى ادام كۇشى بايلىعى جانە قوعامدىق قامتاماسىزداندىرۋ تاراۋلارى جوعارى مەكتەپ تاۋىسقان وقۋشىلاردى جۇمىسقا ورنالاستىرۋ قىزمەتىن سەلبەسىپ ىلگەرىلەتىپ، جوعارى مەكتەپ تاۋىسقان وقۋشىلاردىڭ شىن اتى - ٴجونى بويىنشا قىزمەت وتەۋ قىزمەتى ناقتى ەستەلىك كەستەسى مەن ”اپتالىق ورنالاستىرۋ“، ”ايلىق تالداۋ جاساۋ“ ٴتۇزىمىن ورناتىپ، بيڭتۋانعا قاراستى مەكتەپتەردەن ايىرىلىپ جۇمىسقا ورنالاسپاعان جوعارى مەكتەپ تاۋىسقان وقۋشىلاردىڭ جۇمىستانۋ، شارۋاشىلىق قۇرۋ قىزمەتىنىڭ اياق الىسىن يكەمدى يگەردى؛ تاراۋلاردىڭ بىرلەسىپ ارەكەتتەنۋىن كۇشەيتىپ، قىزمەتتىڭ بىرىككەن كۇشىن قالىپتاستىرىپ، جۇمىسقا ورنالاسپاعان جوعارى مەكتەپ تاۋىسقان وقۋشىلاردىڭ جۇمىستانۋىن ىلگەرىلەتتى.
ارنالاردى ونان ارى كەڭەيتىپ، جۇمىس ورنىمەن قامداۋدى ارتتىردى. بيڭتۋان پارتكومى ۇيىمداستىرۋ ٴبولىمى، بيڭتۋان ادام كۇشى بايلىعى جانە قوعامدىق قامتاماسىزداندىرۋ مەكەمەسى سياقتى تاراۋلار ٴتۇرلى جولدارمەن جۇمىس ورنىن جيناپ، قىزمەتكە قابىلداۋ ينفورماتسياسىن دەر كەزىندە جاريالادى. بيڭتۋان الەۋمەتتىك جۇمىسقا ورنالاستىرۋ جانە دارىندىلارعا قىزمەت وتەۋ تورابى، بيڭتۋان ەمتيحان ينفورماتسيا تورى ارقىلى 1227 ۇكىمەت قىزمەتكەرى جۇمىس ورنىنا قابىلداۋ ينفورماتسياسىن جاريالاندى؛ ٴىس ورىندارىنىڭ قىزمەتكەرلەردى اشىق قابىلداۋ قىزمەتىن دەركەزىندە باستاپ، جوعارى مەكتەپ تاۋىسقان وقۋشىلارعا 6196 ورىن ازىرلەدى ؛ كاسىپورىنداردىڭ جۇمىسشى قابىلداۋ ورنىن بەلسەنە جيناپ، 5132 جۇمىس ورنىنىڭ ينفورماتسياسىن دەر كەزىندە جاريالادى؛ ”ۇشكە كومەكتەسۋ، ٴبىردى سۇيەمەلدەۋ“ سىندى قابىلداۋ تاسىلىندە جاڭالىق جاراتىپ، قابىلداۋ سانىن ارتتىرىپ، جەلىدەگى ٴتاسىلدى قولدانۋ ارقىلى 1000 ادامدى جۇمىسقا قابىلداۋ مەجەلەندى؛ ەرەكشە قىزمەت ورنىنداعى وقىتۋشىلار، باتىس بولەك جوسپارى ەرىكتىلەرى سياقتى نەگىزگى ساتى قىزمەت وتەۋ نىساندارىن ٴبىر تۇتاس جوسپارلاپ، اتقارىپ، جوعارى مەكتەپ تاۋىسقان 3200دەن استام ستۋدەنتتى نەگىزگى ساتىعا بارىپ قىزمەت وتەۋگە قابىلداۋ مەجەلەندى؛ جۇمىستانۋ جاتتىعۋى كولەمىن كەڭەيتىپ، ”جاستاردىڭ جۇمىستانۋ بويىنشا جاتتىعۋ“ جوسپارىن اتقارىپ، جوعارى مەكتەپ تاۋىسقان 1979 وقۋشىنىڭ ٴتۇرلى كاسىپورىن، ٴىسورىندارعا بارىپ پراكتيكا ىستەۋىنە قولداۋ كورسەتىلدى.
تاسىلدە جاڭالىق اشىپ، جۇمىسقا ورنالاستىرۋعا قىزمەت وتەۋدى ساپالىلاندىردى. ىندەتتىڭ ىقپالىنا بەلسەنە قارسى تۇرىپ، بيڭتۋان الەۋمەتتىك كاسىپتەندىرۋ جانە دارىندىلار قىزمەت وتەۋ تورابىندا جوعارى مەكتەپ تاۋىسقان وقۋشىلاردىڭ جۇمىس ىزدەۋ ارناۋلى بەتىن اشىپ، ينتەرنەتتە قىزمەتكەر قابىلداۋ جانە جەلىدە قىزمەت وتەۋ قيمىلىن جاپپاي ورىستەتتى؛ ٴارقايسى شى، قالالىق ادام كۇشى بايلىعى جانە قوعامدىق قامتاماسىزداندىرۋ تاراۋلارىن ۇيىمداستىرىپ، جۇمىسشى ىستەتۋ حابارىن جوعارى مەكتەپ تاۋىسقان وقۋشىلارعا ۋاعىندا جەتكىزىپ، جوعارى مەكتەپ تاۋىسقان وقۋشىلاردىڭ كاسىپ ىزدەۋ ينفورماتسياسىن كاسىپورىندارعا جىبەردى؛كاسىپ كوزىن اشۋ كەپىلدىك قارىزىن تاراتۋ قىزمەتىن ۋاعىندا باستاپ، كاسىپ كوزىن اشۋعا قوسىمشا قاراجات بەرۋ ساياساتىن ونان ارى كەمەلدەندىرىپ، بيڭتۋاننىڭ كاسىپ كوزىن اشۋ، جەتىلدىرۋ ۇلگى كورسەتۋ بازاسىن تۇراقتاندىرۋ قىزمەتىن ورىستەتىپ، جوعارى مەكتەپ تاۋىسقان وقۋشىلاردىڭ كاسىپ كوزىن اشۋىنا، جۇمىسقا ورنالاسۋىنا قولداۋ كورسەتتى.
ساناققا قاراعاندا، 7-ايدىڭ سوڭىنا دەيىن، بيڭتۋانداعى 5 جوعارى مەكتەپتەن وقۋ تاۋىسقان 13 مىڭ 833 وقۋشىدان جيىنى 9584 ادام جۇمىسقا ورنالاسىپ، جۇمىسقا ورنالاسۋ مولشەرى % 69.28 بولدى ؛ بيڭتۋانعا قايتىپ كەلگەن ٴارى جۇمىس ىزدەۋگە تىزىمدەلۋ ٴراسىمياتىن وتەگەن جوعارى مەكتەپ تاۋىسقان وقۋشى 3394 ادام، جۇمىسقا ورنالاسقانى767 ادام، جۇمىس ورنىنا تانىستىرىلعانى 887 ادام بولدى.
اۋدارعان: قادىر ماقان
