تيانشان تورى   ›   جاڭالىقتار   ›   شينجياڭ حابارلارى

شابدالىنىڭ باتىسقا كوشىرىلۋى

سۋرەتىن ءتۇسىرىپ، حابارىن جازعان گازەتىمىزدىڭ جالپىلىق اقپارات قۇرالدارى ءتىلشىسى جوۋ پىڭ

  2018 - جىلدىڭ سوڭىندا لوپ اۋدانى بەيجيڭ قالاسى پيڭگۋ رايونى پيڭلوسىننۇڭ اۋىل شارۋاشىلىعى عىلىم - تەحنيكاسى شەكتى سەرىكتەستىگىن ەنگىزىپ، لوپ قالاشىعى دول تيىرمەنباسى قىستاعىندا ”پيڭگۋ شابدالىسى“ لوپ بازاسىن قۇرىپ، شابدالىنى ”باتىسقا كوشىرۋ“ سىناعىن باستادى.

  ءبىر جىل جەر تەگىستەۋ جانە توپىراقتى قۇنارلاندىرۋ جۇمىستارىنان كەيىن، 2019 - جىلى كوكتەمدە دول تيىرمەنباسى قىستاعىندا 30 مىڭ ءتۇپ شابدالى قالامشاسى ەگىلىپ، قاتارعا قوسىلۋ سالىستىرماسى %78كە جەتىپ، سورتاڭ جەردە 300 مۋدان استام جەردى يەلەپ جاتقان شابدالى باعى اشىلدى. بيىل 6 - ايدىڭ سوڭىنان بەرى، شابدالى باعىنداعى زاۋحۋاڭمي، اۋيوۋ سياقتى شابدالى سورتتارى ىركەس - تىركەس پىستى.

  ”العاش ەككەن شابدالى قالامشالارى ساقپىداي جىڭىشكە بولاتىن، ءبىر جىل وسكەن سوڭ - اق گۇل اشىپ جەمىس بەردى“، - دەيدى باق اۋماعىندا جۇمىس ىستەيتىن قىستاق تۇرعىنى ابدۇحيلىل ابدۇيىم تاڭدانا، - ”مەن باقتا جۇمىس ىستەپ اقشا تابا ءجۇرىپ، ءوزىم دە پيڭگۋ شابدالىسىن ەگىپ، وتباسىمنىڭ تۇرمىسىن جاقسارتسام دەپ ءجۇرمىن“.

  بيىل ”پيڭگۋ شابدالىسى“ لوپ بازاسىنىڭ كولەمى دامىپ 1100 مۋدان استى، باق اۋماعى 300 شارۋانى جۇمىستانىپ كىرىستەرىن ارتتىرۋعا جەتەكتەي الادى.

  ① 7 - ايدىڭ 2 - كۇنى بەيجيڭ قالاسى پيڭگۋ رايوندىق ورمان - جايلىم مەكەمەسىنەن شينجياڭعا كومەككە كەلگەن كادر جاڭ چىڭيىن (وڭدا) ابدۇحيلىل ابدۇيىمعا پيڭگۋ شابدالىسىن باپتاۋ تەحنيكاسىن تۇسىندىرۋدە.

② ”پيڭگۋ شابدالىسىنىڭ“ لوپ بازاسى كەزىندە يەن جايىلما بولاتىن. (سۋرەتتى پيڭلوسىننۇڭ سەرىكتەستىگى بەرگەن)

③ 7 - ايدىڭ 2 - كۇنى ابدۇحيلىل ”پيڭگۋ شابدالىسىنىڭ“ لوپ بازاسىندا جاڭا ساتپ العان تراكتورىن جۇرگىزىپ كورۋدە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.