شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا، چاۋ جين، سۋ لۋپيڭ، جازيرا نەسىپبەك
ىندەت الدىندا، قالىڭ ەمدەۋ قىزمەتكەرلەرى كەۋدە كەرە العا شىقتى، ولار كۇندىز - ءتۇنى ىندەتپەن شايقاستىڭ ءبىرىنشى شەبىندە شايقاس جاساپ، ءومىردى قورعاۋ، اجالدىعا اراشاشى، جارالىعا مەدەت بولۋ سىندى شيپاگەرلىك ىزگىلىك پەن جاۋاپكەرشىلىك ارقالاۋدى ايگىلەدى، سونداي - اق قارسى اتتانۋشىلاردىڭ بەينەسىن ءار ۇلت كادر - بۇقاراسىنىڭ كوڭىل تۇكپىرىنە ۇيالاتتى.
سىزدەر قيىندىقتاردى جەڭىپ، قاجىرلىلىقپەن ىلگەرىلەگەندە، بىزدەر سىزدەرگە قورمال بولامىز. رايونىمىز ءبىرىنشى شەپتەگى ەمدەۋ قىزمەتكەرلەرىنىڭ قىزمەتىنە، تۇرمىس شارت - جاعدايىنا، سونداي - اق دەنە جانە پسيحيكالىق اقاۋسىزدىعىنا بارىنشا ءمان بەرىپ، اناعۇرلىم مەيىرىمدى دە جاناسىمدى شارالار قولدانىپ، ءبىرىنشى شەپتەگى ەمدەۋ قىزمەتكەرلەرىنە ويداعىداي كوڭىل ءبولىپ، ويداعىداي ايالاپ، ويداعىداي قورعاپ، ولاردىڭ بار ىنتا - پەيىلدەرىمەن قۇتقارۋ - ەمدەۋ قىزمەتىنە ات سالىسىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزەتىن قۇدىرەتتى جاۋىنگەرلىك قۋاتى مەن اسقاق جىگەرىن باستان - اياق ساقتاۋىنا مۇمكىندىك جاسادى.
جانۇياداي جايلى تۇرارجاي
ءبىرىنشى شەپتەگى ەمدەۋ قىزمەتكەرلەرىنىڭ بار ىنتا - پەيىلدەرىمەن قۇتقارۋ - ەمدەۋ قىزمەتىنە ات سالىسۋىن قامتاماسىز ەتۋ ءۇشىن، رايونىمىز ىلگەرىندى - كەيىندى ءۇرىمجى قالاسىنداعى 18 قوناق ءۇيدى بەلگىلەنگەن شيپاحانانىڭ ەمدەۋ قىزمەتكەرلەرىنىڭ توپتىق تۇرارجايى ەتىپ، 51 ارناۋلى كاسىپتىك قىزمەتكەردى تاڭداپ جىبەرىپ، تۇرارجايلىق قوناق ءۇيدىڭ قىزمەت وتەۋمەن قامتاماسىزداندىرۋ گرۋپپاسىن قۇرىپ، اس - تاعاممەن قامداۋ سياقتى قىزمەتتەردى زەيىن - زەردەمەن، سۇيىسپەنشىلىكپەن ورىستەتىپ، ەمدەۋ قىزمەتكەرلەرىنىڭ ۇيلەرىندەگىدەي مەيىرىمدى سەزىنە الۋىنا مۇمكىندىك جاسادى.
8 - ايدىڭ 9 - كۇنى ساعات 17دە شينجياڭ كادرلار شۋەيۋانى (زۋگۇڭ سارايى) ەمدەۋ قىزمەتكەرلەرى توپتىق تۇرارجايىنىڭ ورتالىق اسحاناسىنداعى قازاندىقتا وت لاۋلاپ جانىپ جاتتى. تاعى ءبىر ساعاتتان كەيىن، قىزمەتكەرلەر كەشكى استى 233 ەمدەۋ قىزمەتكەرىنىڭ بولمەسىنىڭ ەسىگىنىڭ الدىنا جەتكىزىپ بەرەدى.
”ءبىز ەمدەۋ قىزمەتكەرلەرىنىڭ اس - سۋ قاجەتىن دەر كەزىندە ۇعىسىپ، 9 جەتەكشىمەن حابارلاسۋ مەحانيزمىن ورناتىپ، اس ءمازىرىن ۋاعىندا رەتتەپ، ءاربىر ادامنىڭ جاقسى تاماقتانۋىنا مۇمكىندىك جاسايمىز“. شينجياڭ كادرلار شۋەيۋانى (زۋگۇڭ سارايى) ەمدەۋ قىزمەتكەرلەرى توپتىق تۇرارجايىن باسقارۋ، قىزمەت وتەۋ گرۋپپاسىنىڭ باستىعى چىن شىميڭ بىلاي دەدى: تۇرارجايدىڭ تاعامدارىن مۇمكىندىگىنشە الۋان ءتۇرلى شىعارىپ، قورەكتىگىنىڭ مول بولۋىنا شىنايى كەپىلدىك ەتەمىز.
نەگىزدىك قىزمەت وتەۋدى ويداعىداي ىستەۋمەن بىرگە، تاعى ەمدەۋ قىزمەتكەرلەرىنىڭ جان - جاقتىلى كوڭىل ءبولۋدى، قامقورلىق جاساۋدى سەزىنۋىنە مۇمكىندىك جاسايمىز. جۋىقتا، اۆتونوميالى رايوندىق جۇڭگوشا شيپاگەرلىك شيپاحاناسىنىڭ ەمدەۋ قىزمەتكەرى جاۋ بين شينجياڭ حوجۇي سارايىنداعى ەمدەۋ قىزمەتكەرلەرىنىڭ توپتىق تۇرارجايىندا ەستەن كەتپەستەي تۋعان كۇن وتكىزدى.
”سول كۇنى تۇرارجايعا قايتىپ بارعانىمدا، قوناق ۇيگە كىرە سالىپ پيانينومەن وينالعان «تۋعان كۇنىڭ قۇتتى بولسىن» دەگەن مۋزيكانى ەستىدىم، قىزمەتكەرلەر گۇل مەن بالكۇلشە الىپ الدىمنان شىقتى، سول كەزدى ماڭگى ەسىمنەن شىعارمايمىن!“، - دەدى جاۋ بين.
دەنە جانە پسيحيكالىق اقاۋسىزدىعىن قورعادى
ەمدەۋ قىزمەتكەرلەرىنىڭ دەنساۋلىعى جاقسى بولسا عانا ناۋقاستارعا اناعۇرلىم ويداعىداي قىزمەت وتەي الادى. رايونىمىز مەديتسينالىق ارالاپ ەمدەۋ اترەتىن قۇرىپ، ءار كۇنى تۇرارجايلىق قوناق ۇيلەرگە بارىپ ەمدەۋ قىزمەتكەرلەرىنە ارالاپ ەمدەۋ ورىستەتىپ، ەمدەۋ قىزمەتكەرلەرىنىڭ اسقاق جىگەرمەن ىندەتكە قارسى اتتانۋدىڭ ءبىرىنشى شەبىندە شايقاس جاساۋىنا مۇمكىندىك جاسادى.
”مەن ءبىراز جايسىزدانىپ تۇرمىن دەپ ەدىم، ارالاپ ەمدەۋ اترەتى دەرەۋ كەلىپ جۇرەكتى ورنىقتىرۋ تۇيىرشىگىن بەرىپ كەتتى“. 8 - ايدىڭ 9 - كۇنى تۇستەن كەيىن، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحانانىڭ 5 - ءنومىرلى عيماراتىنىڭ 3 - ءنومىرلى ناۋقاستار اۋماعىندا، شيپاگەر ديڭ ي كەشكى كەزەكتە جۇمىسقا شىعۋعا اتتاندى.
”ءار كۇنى تۇرارجايدىڭ قىزمەت وتەۋ، قامتاماسىزداندىرۋ بايلانىسشىلارى تۇگەلدەي ىرىقتىلىقپەن ەمدەۋ قىزمەتكەرلەرىنىڭ سالاماتتىق ينفورماتسيالارىن جينايدى ءارى جوعارىعا جولدايدى، ءبىز دەر كەزىندە ولاردى ەمدەيمىز ءارى دارىلەردى تۇرارجايلارىنا جەتكىزىپ بەرەمىز“، - دەدى وسى شيپاحانانىڭ مەديتسينالىق ارالاپ ەمدەۋ گرۋپپاسىنىڭ باستىعى گاۋ حۇي.
ەمدەۋ قىزمەتكەرلەرىنىڭ دەنساۋلىعىنا كوڭىل بولۋمەن بىرگە، رايونىمىز تاعى ءارقايسى ۇلكەن شيپاحانالاردان مامان شىعارىپ، پسيحيكالىق كەڭەس بەرۋدىڭ مامانداندىرىلعان ۇجىمىن ۇيىمداستىرىپ، ينتەرنەت جەلىسىندە كەڭەس سۇراۋ، جەلىدەن تىس بىرگە ءبىر پسيحولوگيالىق ءجون سىلتەۋ سياقتى ادىستەر ارقىلى، ەمدەۋ قىزمەتكەرلەرى ءۇشىن پسيحيكالىق سالاماتتىق بويىنشا كەڭەس سۇراۋ قىزمەت وتەۋىن ازىرلەپ، ولاردىڭ پسيحيكالىق قىسىمىن جەڭىلدەتتى جانە قوبالجىعان كوڭىل كۇيلەرىن ورنىقتىردى.
8 - ايدىڭ 9 - كۇنى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحاناداعى 17 ەمدەۋ قىزمەتكەرى پسيحيكالىق جاقتان جەتەكتەۋدى قابىلدادى ءارى پسيحيكالىق كەڭەس بەرۋشى ياڭ رۇڭعا ىلەسىپ بوي جازۋ جاتتىعۋىن جاسادى.
”ەمدەۋ قىزمەتكەرلەرى شايقاستا ەڭ ماڭىزدى، ەڭ حاۋىپتى مىندەتتى ارقالاۋدا، كەيبىر ادامدار دا اسەرلەنگىشتىك جاعداي تۋىلۋىنان ساقتانۋ قيىن“. ياڭ رۇڭ بىلاي دەدى: ”ءبىز پسيحيكالىق جاقتان تەكسەرۋ ارقىلى ەمدەۋ قىزمەتكەرلەرىنىڭ پسيحيكالىق ماسەلەسىنە تالداۋ جاسايمىز، الدىن الا ارالاسۋ ارقىلى ەمدەۋ قىزمەتكەرلەرىنىڭ پسيحيكالىق اقاۋسىزدىعىن قورعايمىز“.
ۋايىمنان ارىلتتى
ەمدەۋ قىزمەتكەرلەرىنىڭ ۋايىمىن شەشۋ ءۇشىن، رايونىمىزداعى ءارقايسى جىبەرۋشى شيپاحانالار ارتقى جاقتا قامتاماسىزداندىرۋ ۇجىمىن ۇيىمداستىرىپ، بەلگىلەنگەن ۋاقىتتا ەمدەۋ قىزمەتكەرلەرىنىڭ ۇيىندەگىلەرمەن حابارلاسىپ، ولاردىڭ ناقتىلى قيىنشىلىعىن شەشىپ، ءبىرىنشى شەپتەگى ەمدەۋ قىزمەتكەرلەرىنە كوڭىل بولۋگە، قامقورلىق جاساۋعا ساياتىن قامتاماسىزداندىرۋ شارالارىن ناقتى، ەگجەي - تەگجەيلى تياناقتاندىردى.
اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ بويىنشا قۇتقارۋ - ەمدەۋگە بەلگىلەنگەن شيپاحانادا قۇتقارۋ - ەمدەۋ قىزمەتىنە قاتىناسقان شيپاگەر ياۋ ۋىنجۇننىڭ ەڭ الاڭدايتىنى اي - كۇنى تاياپ تۇرعان ايەلى ەدى. وسى جاعدايدان حابار تاپقاننان كەيىن، كوتەرەگە الىپ، بايلانىس ورناتقان كادر دەر كەزىندە ياڭ ۋىنجۇننىڭ قايىن بيكەسىنە حابارلاسىپ، ونى ياڭ ۋىنجۇننىڭ ۇيىنە قارايلاسۋعا الىپ كەلدى ءارى ياڭ ۋىنجۇن تۇرعان الەۋمەتتىك اۋماقپەن بايلانىستى ساقتاپ، كەز كەلگەن ۋاقىتتا ونىڭ ايەلىنىڭ جاعدايىنا نازار اۋدارىپ تۇردى.
”قىزىم، ءدارىم تاۋسىلايىن دەدى، ەندى قالاي السام بولار ەكەن؟“، 8 - ايدىڭ 2 - كۇنى اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحانادا، قۇتقارۋ - ەمدەۋ قىزمەتىنە قاتىناسىپ جاتقان اۆتونوميالى رايوندىق حالىق شيپاحاناسى ىشكى سەكراتسيا ءبولىمىنىڭ ورىنباسار مەڭگەرۋشى شيپاگەرى جاۋ حۇڭلي قايىن اتاسى شالعان تەلەفوندى الدى.
جاۋ حۇڭليدىڭ قايىن اتاسى 2019 - جىلى وپەراتسيا جاساتقان، وپەراتسيادان كەيىن ءدارى ءىشىپ جۇرگەن بولاتىن. جاۋ حۇڭلي وتباسىنداعى قيىنشىلىقتى اۆتونوميالى رايوندىق حالىق شيپاحاناسىنا اڭىس ەتكەننەن كەيىن، شيپاحانا دەر كەزىندە قاجەتتى ءدارىنى كاريا تۇرعان الەۋمەتتىك اۋماققا جەتكىزىپ، وتباسىن كوتەرەگە العان كادردىڭ جەتكىزىپ بەرۋىنە تاپسىردى. جاۋ حۇڭليدىڭ الاڭداعان كوڭىلى سودان بارىپ ساباسىنا ءتۇستى.
