شىن ياپيڭ
زاتتىق ماتەريال تاسىمالداۋ ارناسىن ىركىلىسسىزدەندىرىپ، تۇرعىنداردى تۇرمىستىق ماتەريالدارمەن قامداۋدى جانە جەتكىزۋدى جاقسى ىستەۋ؛ باعانى باقىلاپ - باسقارۋ مەحانيزمىن ىسكە قوسىپ، تۇرمىستىق قاجەتتى بۇيىمداردىڭ بازار باعاسىنىڭ ورنىقتىلىعىنا كەپىلدىك ەتۋ؛ قيىنشىلىعى بار قاۋىمدى قۇتقارۋدىڭ جانە ولارعا كومەك بەرۋدىڭ ءتۇرلى شارالارىن تياناقتاندىرۋ؛ شينجياڭنىڭ ءىشى - سىرتىنان ۇرىمجىگە كەلىپ جۇمىس ىستەۋشىلەرگە تۇرمىستىق كومەك قاراجات بەرۋ... ۇرىمجىدە جاڭا تيپتى ايدارشا ۆيرۋس وكپە قابىنۋى ىندەتى قايتا تۋىلعاننان بەرى، قاتىستى تاراۋلار قىرۋار جاپالى دا ەگجەي - تەگجەيلى قىزمەتتەر ىستەپ، ىندەتتىڭ بۇقارانىڭ تۇرمىسىنا جاساعان ىقپالى مەن سوققىسىن ەڭ تومەنگى شەككە تۇسىرۋگە قۇلشىنىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋگە بۇقارالىق نەگىز قالادى.
ەرەكشە كەزەڭ بولعان سايىن، حالىق تۇرمىسىن كوكەيگە ۇيالاتۋ كەرەك. ىندەت زاتتىق ماتەريالدارمەن قامداۋ، بازار باعاسى، جۇمىستاندىرۋدى ورنىقتىرۋ سياقتىلارعا ىقپال جاساماي قويمايدى. بۇل ماسەلەلەر بۇقارانىڭ مۇددەسىمەن تىعىز بايلانىستى، ءمۇبادا ويداعىداي شەشىلمەسە، بۇقارانىڭ ءوندىرىسى، تۇرمىسى جانە كوڭىل كۇيى تۇگەلدەي ىقپالعا ۇشىرايدى. ىندەتپەن شايقاستى جانە حالىق تۇرمىسىن قامتاماسىز ەتۋدى قاتار ىلگەرىلەتۋدى ورىنداۋدا، قاتىستى تاراۋلار بۇقارانىڭ مۇڭ - مۇقتاجىنا يىلە قۇلاق ءتۇرىپ، بۇقارانىڭ مۇڭ - مۇقتاجىن شىن كوڭىلمەن سەزىنىپ، بۇقارانىڭ تۇرمىسىن قامتاماسىزداندىرۋ قىزمەتىن سۇيىسپەنشىلىكپەن مىقتاپ يگەرۋ كەرەك.
حالىق تۇرمىسىندا كىشى - گىرىم ءىس جوق، بارلىق ىستە سۇيىسپەنشىلىكتى ايگىلەۋ كەرەك. حالىق تۇرمىسىن قامتاماسىز ەتۋ قىزمەتىن سۇيىسپەنشىلىكپەن مىقتاپ يگەرۋدە حالىققا ءتيىمدى ءتۇرلى ساياساتتار مەن شارالاردى ەگجەي - تەگجەيلى، ناقتى تياناقتاندىرۋ كەرەك. ”ازىق - تۇلىك“، ”كوجە قاتىق “ جاۋاپكەرشىلىك ءتۇزىمىن قاتاڭ تياناقتاندىرىپ، تاسىمالدىڭ ”جاسىل ارناسىن“ اشىپ، كوكونىس، جەمىس - جيدەك، ەت، جۇمىرتقا، ءسۇت، استىق سياقتى تۇرعىنداردىڭ تۇرمىسىنا قاجەتتى زاتتىق بۇيىمدارمەن قامداۋعا شىنايى كەپىلدىك ەتۋ؛ بۇقارانىڭ نەگىزگى تۇرمىسىن قامتاماسىزداندىرۋ مەن پسيحولوگيالىق جاقتان جەتەكتەۋدى جاقسى ىستەپ، ەرەكشە قيىنشىلىعى بار قاۋىمعا ارالاپ امانداسا بارۋدى جانە قاجەتتى كومەكتەر جاساۋدى كۇشەيتىپ، قيىنشىلىعى بار بۇقارانىڭ تۇرمىسىن ەڭ تومەنگى شەكتەن تۇسىرمەي قامتاماسىز ەتۋدى كۇشەيتىپ، بۇقارانىڭ مۇڭ - مۇقتاجىن، ارمان - تىلەگىن شىنايى شەشۋ كەرەك.
ءمانى جاعىنان العاندا، ۆيرۋسپەن بەلدەسۋ دە حالىق تۇرمىسىن قورعاۋ شايقاسى بولىپ تابىلادى. حالىق تۇرمىسى ورنىقتى بولسا، جۇرت كوڭىلى ورنىقتى بولادى، قوعام ورنىقتى بولادى، سوندا عانا حالىق بۇقاراسىنىڭ وراسان زور كۇش - قۋاتىن ۇيىستىرىپ، ىندەتتەن ساقتانۋ - تىزگىندۋدەن قامال الۋ شايقاسىنىڭ جەڭىسىنە ەرتەرەك قول جەتكىزە الامىز.
(لەپتى لەبىز ماقالا جولداۋ حات ساندىق ادرەسى:xjrbplb@126.com)
