تيانشان تورى   ›   جاڭالىقتار   ›   شينجياڭ حابارلارى

ەرەكشە ترانسفورماتور سەرىكتەستىگىنىڭ 800± كيلوۆولتتىق يكەمدى تۇراقتى تۇرلەندىرگىش كلاپانى ءساتتى جونەلتىلدى

مەملەكەتتىڭ كەلەلى ينجەنەرياسى − ۋدۇڭدى نىسانىن ماڭىزدى جابدىقپەن قامدادى

ەرەكشە ترانسفورماتور سەرىكتەستىگىنىڭ 800± كيلوۆولتتىق يكەمدى تۇراقتى تۇرلەندىرگىش كلاپانى ءساتتى جونەلتىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين، پراكتيكانت جياڭ يياۋ 8 - ايدىڭ 9 - كۇنى ۇرىمجىدەن حابارلايدى. ەرەكشە ترانسفورماتور ەلەكتر جارنا شەكتى سەرىكتەستىگىنەن ۇعىسۋىمىزشا، 8 - ايدىڭ 8 - كۇنى ەرەكشە ترانسفورماتور ەلەكتر جارنا شەكتى سەرىكتەستىگى ۋدۇڭدى ەلەكتر ستانسياسىنىڭ گۋاڭدۇڭ، گۋاڭشيلەرگە ەرەكشە جوعارى كەرنەۋلى كوپ تەرمينالدى تۇراقتى توك جەتكىزۋدەن ۇلگى كورسەتۋ ينجەنەرياسى ءۇشىن زەرتتەپ جاساعان 800± كيلوۆولتتىق ەرەكشە جوعارى كەرنەۋلى يكەمدى تۇراقتى تۇرلەندىرگىش كلاپانى ءساتتى جونەلتىلگەن، العاشقى توپتاعى 20 كلاپان ءبولىمى ۋدۇڭدى نىسانىنىڭ ليۋبەي تۇرلەندىرگىش ستانسياسىنا جەتكىزىلىپ، سول جەردىڭ وزىندە ورناتىلادى ەكەن.

  ۋدۇڭدى نىسانى سالىنىپ بولعاننان كەيىن، دۇنيە ءجۇزى بويىنشا تۇڭعىش ەرەكشە جوعارى كەرنەۋلى كوپ تەرمينالدى ارالاس تۇراقتى توك ينجەنەرياسىنا، دۇنيە ءجۇزى بويىنشا تۇڭعىش ەرەكشە جوعارى كەرنەۋلى يكەمدى تۇراقتى تۇرلەندىرگىش ستانسيا ينجەنەرياسىنا، سيىمدىلىعى ەڭ ۇلكەن ەرەكشە جوعارى كەرنەۋلى كوپ تەرمينالدى تۇراقتى توك جەتكىزۋ ينجەنەرياسىنا اينالادى.

  ەرەكشە ترانسفورماتور سەرىكتەستىگى ۇستىنە العان ۋدۇڭدى ليۋبەي ەلەكترود - 1 تۇرلەندىرگىش ستانسياسىنىڭ جابدىقتارىن زەرتتەپ جاساۋ جانە ءوندىرۋ مىندەتىندە، جابدىقتىڭ جالپى سيىمدىلىعى 3GW، بۇل 2 كلاپان زالى مەن 24 كلاپان مۇناراسىن قامتيدى. ماتەريال ەرەكشە ترانسفورماتور سەرىكتەستىگىنىڭ جاڭا ەنەرگيا شي - ان كاسىپ باقشاسىنان باستالىپ، شانشي، حىنان، حۋبەي، حۋنان، گۋاڭشي سياقتى 5 ولكە - رايوننان ءوتىپ جالپى 1500 كيلومەتردەن استام جول باسىپ جەتكىزىلەدى، ماتەريال جەتكىزەتىن اۆتوموبيلدەردىڭ جالپى سانى 120دان اسادى. زاتتىڭ حاۋىپسىز تاسىمالدانۋىنا شىنايى كەپىلدىك ەتۋ ءۇشىن، سەرىكتەستىك تۇتاس بارىستا تاسىمال ينفورماتسياسىن تەكسەرۋ اسپابىمەن زاتتىڭ جەتكىزىلۋ بارىسىنداعى ينفورماتسيالاردى ۋاعىندا باقىلاپ - مەڭگەرىپ وتىرادى ءارى ۇلكەن ساندى مالىمەت ارقىلى تاسىمال كۇيىن تەكسەرىپ، ماتەريالدىڭ تاسىمالدانۋىنىڭ جالپى بارىسىن مەڭگەرىپ وتىرادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • نىسان قۇرىلىسى تارتىپپەن ىلگەرىلەتىلدى
  • جىلىجاي سالدى
  • مايسا ورتالىعىنىڭ قۇرىلىسى قاۋىرت جۇرىلۋدە
  • شينجياڭنىڭ ەلەكترىن سىرتقا جەتكىزۋدى قامتاماسىز ەتتى
  • تاپجىلماۋ