شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8 - ايدىڭ 10 - كۇنى ۇرىمجىدەن حابارلايدى. 8 - ايدىڭ 10 - كۇنى ءۇرىمجى قالالىق اۋرۋدىڭ الدىن الۋ، تىزگىندەۋ ورتالىعىنىڭ مەڭگەرۋشىسى رۇي باۋليڭ بىلاي دەپ تانىستىردى: قازىر ءۇرىمجى قالاسى ”جاپپاي قامتۋدى، قالتارىس جەر قالدىرماۋدى، ەسكەرۋسىز ءوڭىر قالدىرماۋدى، اقتاڭداق قالدىرماۋدى“ پرينسيپ ەتىپ، الەۋمەتتىك ورتانى زارارسىزداندىرۋدى جان - جاقتى ورىستەتۋدە.
ءۇرىمجى قالاسى ءار دارەجەلى ەمدەۋ قۇرىلىمدارىن دياگنوز قويۋ - ەمدەۋ ورتاسى، ەمدەۋ جابدىقتارى، ەمدەۋدەن شىققان لاس سۋلار، ەمدەۋ جاراقسىز زاتتارى سياقتىلارعا جالپى بەتتىك زارارسىزداندىرۋ قىزمەتىن ورىستەتىپ، كۇندەلىكتى زارارسىزداندىرۋدى جۇيەلى تالاپ بويىنشا ورىنداۋعا، شوعىرلى مەديتسينالىق باقىلاۋ تۇيىندەرى، الەۋمەتتىك ورىندار، ءجيى جۋىساتىن زاتتار سياقتىلاردى كەمىندە كۇنىنە 2 رەت زارارسىزداندىرۋعا، مەديتسينالىق باقىلاۋ ارقىلى اۋرۋ بەلگىسى جوق جۇعىمدالۋشى نەمەسە دياگنوزى تۇراقتاندىرىلعان ناۋقاس دەپ تۇراقتاندىرىلعانداردى بەلگىلەنگەن شيپاحاناعا اپارعاننان كەيىن، اۋەلگى اۋاشالاۋ ورنىنا جاپپاي، تۇبەگەيلى، سوڭىنا دەيىن زارارسىزداندىرۋ جۇرگىزۋگە قۋزادى.
ءۇرىمجى قالاسى تۇرعىندار شاعىن اۋماعىن زارارسىزداندىرۋ قىزمەتىن دارەجەگە ءبولىپ ورىستەتتى. قالىپتى تۇرعىندار شاعىن اۋماعى ءۇشىن، الەۋمەتتىك اۋماق اۋلا، زال، سۋ ىعىستىرۋ قۇبىر - قۇدىقتارى، قوقىر - قوقسىق جانە باسقا الەۋمەتتىك وڭىرلەرگە ءار كۇنى الدىن الا ساقتانۋ سيپاتتى زارارسىزداندىرۋ ورىستەتتى؛ ۇيىندە اۋاشالانعان ادامدار بار شاعىن اۋماقتاردى كۇنىنە كەمىندە 2 رەت زارارسىزداندىرىپ، تۇرعىنداردى تەرەزەنى اشىپ اۋا الماستىرۋعا، اپارىلعان زارارسىزداندىرعىشپەن ءۇي ءىشىن جانە تازالىق بولمەسىن زارارسىزداندىرۋعا جەتەكشىلىك ەتتى؛ دياگنوزى تۇراقتاندىرىلعان ناۋقاس نەمەسە اۋرۋ بەلگىسى جوق جۇعىمدالۋشى بايقالعان شاعىن اۋماقتاردا قاتاڭ تۇردە ىندەتتەن ساقتانۋ ولشەمدەرى بويىنشا سوڭىنا دەيىن زارارسىزداندىرۋ جۇرگىزىپ، ولار تۇرعان عيماراتتاردى جانە توڭىرەگىندەگى ءتۇيىندى وڭىرلەردى ءار كۇنى كەمىندە 2 رەت زارارسىزداندىردى.
جۇمىس ورىندارىنداعى، كەڭسە عيماراتتارىنداعى ادامدار كوبىرەك جۋىساتىن جالپىلىق بۇيىمدار مەن ورىنداردى ءار كۇنى الدىن الا ساقتانۋ سيپاتتى زارارسىزداندىردى. بەلگىلەنگەن شيپاحانا، مەديتسينالىق باقىلاۋ تۇيىندەرى، ءتۇيىندى وڭىرلەر توڭىرەگىندەگى سۋ ىعىستىرۋ توراپتىق تۇيىندەرىن (لاس سۋ قۇدىعى) جانە سۋ ىعىستىرۋ قۇبىرلارىن زارارسىزداندىردى. ءۇرىمجى قالاسى تاعى اۋىل شارۋاشىلىق ونىمدەرى ساۋدا بازارى، امبەباپ بازار جانە باسقا دا تيجاراتتىق ورىنداردى ءار كۇنى جۇمىس اياقتاعاننان كەيىن ءبىر رەت جالپى بەتتىك الدىن الا ساقتانۋ سيپاتتى زارارسىزداندىرۋ جۇرگىزۋگە ۇيىمداستىردى. پوچتا جولدامالارىن جىكتەۋ، ساقتاۋ، سوڭعى جەتكىزۋ بۋىندارىندا جەكە - جەكە زارارسىزداندىردى. اۋەجاي، ۆوكزال ىشىندەگى ءتۇيىندى جۋىسۋ ورىندارىن كۇنىنە 3 رەت زارارسىزداندىرىپ، ونەركاسىپ كاسىپورىندارىن، قۇرىلىس ورىندارىن، حالىق ىستەرى بويىنشا قىزمەت وتەۋ قۇرىلىمدارىن ءار كۇنى جاپپاي شوعىرلى زارارسىزداندىرىپ، ۆيرۋستىڭ تارالۋ جولىن تولىق بوگەدى.
