ەگىن، مال شارۋاشىلىق ءوندىرىسى مەن اۋىل شارۋاشىلىعى ونىمدەرىنىڭ ءوندىرىسىن ورنىقتىرۋدى، قامداۋعا كەپىلدىك ەتۋدى ويداعىداي يگەردى

　　شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 10 - كۇنى ۇرىمجىدەن حابارلايدى. 8 - ايدىڭ 10 - كۇنى اۆتونوميالى رايوندىق ۇكىمەتتىڭ اقپارات كەڭسەسى اشقان ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىمىزشا، ىندەت تۋىلعاننان بەرى، رايونىمىز باستان - اياق ەگىن، مال شارۋاشىلىعى ءوندىرىسى مەن اۋىل شارۋاشىلىعى ونىمدەرىنىڭ ءوندىرىسىن ورنىقتىرۋدى، قامداۋعا كەپىلدىك ەتۋدى بارىنەن ماڭىزدى حالىق تۇرمىسى قىزمەتى رەتىندە يگەرىپ، ەگىن، مال شارۋاشىلىعى ءوندىرىسىنىڭ قالىپتى جانە اۋىل شارۋاشىلىعى ونىمدەرىنىڭ قامداۋى جەتكىلىكتى، قامتاماسىز ەتۋى پارمەندى، ساپاسىنىڭ حاۋىپسىز بولۋىنا شىنايى كەپىلدىك ەتكەن.

　　”جاسىل ارنادا“ تەگىن، تەز قاتىناۋ ساياساتىن اقاۋسىزداندىرىپ، جولدى عىلمي ورنالاستىرىپ، تەكسەرۋ - ولشەۋ ونىمدىلىگىن جوعارىلاتىپ، ەگىن، مال شارۋاشىلىعى ونىمدەرىن، ەگىن، مال شارۋاشىلىعى ءوندىرىسىنىڭ زاتتىق ماتەريالدارىن تاسيتىن كولىكتەردىڭ الدىمەن، تىكە قاتىناۋىنا كەپىلدىك ەتتى. ءوز الدىنا كۇزەت قويىپ توسۋعا، جولدى قالاعانىنشا توسۋ، بەكىتۋ سياقتى قاتىناستى بوگەيتىن ارەكەتتەرگە قاتاڭ تيىم سالىپ، ۇلكەن اۋىل شارۋاشىلىعى ونىمدەرى بازارلارى، كوكونىس ساۋدا بازارلارى، باعىمشىلىق بازالارى، ءتۇيىندى ءوندىرىس اۋماقتارى (قىستاق) سياقتى ءتۇيىندى اۋماقتارعا باراتىن تاس جولداردىڭ ىركىلىسسىز بولۋىنا شىنايى كەپىلدىك ەتتى. ىندەتتەن ساقتانۋ - تىزگىندەۋ مەزگىلىندە ۇقساماعان قاراستى ورىنداردىڭ تەكسەرىپ تاراتقان قاتىستى ونىمدەردى تاسىمالداۋعا رۇقسات ەتۋ كۋالىگىن ءوزارا مويىنداۋدى ايقىندادى.

　　كاسىپورىنداردى ساتۋ تاسىلىندە جاڭالىق اشۋعا جەتەكتەپ، قازىرگى ءداستۇرلى ساتۋ جەلىسىنەن ويداعىداي پايدالانۋمەن بىرگە، ”كەزدەسپەي“ دالمە - ءدال قىزمەت وتەۋدە جاڭالىق اشىپ، اۋىل شارۋاشىلىعى ماتەريالدارىن ينتەرنەت جەلىسىندە ساتىپ الۋعا تاپسىرىپ بەرۋدى، جەلىدەن تىسقارى جەتكىزىپ بەرۋدى، ۇيىنە اپارىپ بەرۋدى جەبەدى. ”تۇيىننەن - تۇيىنگە“ ەڭبەكشىلەردى سىرتقا شىعارۋ جانە اۆتوكولىك جالداۋ سياقتى قىزمەت وتەۋگە ىزدەنىس جاساپ، ورىستەتىپ، شارۋالاردى تارتىپپەن سىرتقا شىعىپ جۇمىس ىستەۋگە ۇيىمداستىردى. جابىق ءوندىرىس جۇرگىزىپ، قىزمەتكەرلەردى باسقارۋ - مەڭگەرۋدى كۇشەيتىپ، قىزمەت اۋماعىنان تۇرمىس اۋماعىنا دەيىنگى باسقارۋدى جابىق ۇستاۋدى قالىپتاستىردى.