سۋرەتىن ءتۇسىرىپ، حابارىن جازعان گازەتىمىزدىڭ جالپىلىق اقپارات قۇرالدارى ءتىلشىسى جوۋ پىڭ
”بوس ۋاقىتتارىڭىزدا بادۋانجين گيمناستيكاسىن ويناپ كورىڭىزدەر، دەنە قۋاتتارىڭىزدى ارتتىرادى“. 8 - ايدىڭ 7 - كۇنى ءۇرىمجى قالاسى تيانشان رايونى شينحۋا وڭتۇستىك جولى اۋماعىن باسقارۋ كوميتەتى حىتان وڭتۇستىك جولى شىعىس الەۋمەتتىك اۋماعىنداعى لاڭرۇن تيانچىڭ شاعىن اۋماعىنىڭ ەرىكتىسى قۇدىرەت قۇربان تۇرعىندارعا وسىلاي دەدى.
بيىل 22 جاستاعى قۇدىرەت داشۋەنىڭ 3 - جىلدىق وقۋشىسى. ءۇرىمجى قالاسىندا قايتادان جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، ونىمەن ءبىر شاعىن اۋماقتا تۇراتىن بولە ءىنىسى انكار اسقار ەكەۋى تىزىمدەلىپ، ەرىكتى قىزمەت وتەۋ اترەتىنە قاتىناستى.
ول ەكەۋىمەن ءبىر الەۋمەتتىك اۋماقتا تۇراتىن ەرىكتى دۇڭ جۇن 3 ادامدىق شاعىن اترەت بولىپ ۇيىمداسىپ، قاي جەرگە كومەك كەرەك بولسا سول جەردە پايدا بولىپ، تۇرعىندارعا شىن پەيىلىمەن قىزمەت وتەدى.
”تۇرعىنداردىڭ ’راقىمەت‘ دەگەن ءبىر اۋىز ءسوزى ءبىز ءۇشىن ەڭ زور شابىت“. قۇدىرەت بىلاي دەدى: جاڭا داۋىردەگى داشۋە وقۋشىسى رەتىندە، ىندەت الدىندا، بورىش پەن جاۋاپكەرشىلىك ارقالاپ، وسى جولى ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە كۇش قۋات ارناۋىم كەرەك، ”ەمدەۋ - كۇتىمدەۋ قىزمەتكەرلەرى سياقتى ىندەتپەن شايقاستىڭ ەڭ الدىڭعى شەبىندە اتويلاماساق تا، الەۋمەتتىك اۋماق پەن تۇرعىندارعا شامامىزدىڭ كەلىسىنشە كومەكتەسىپ، كەيبىر ناقتى قيىنشىلىقتارىن شەشىپ بەرۋىمىزگە بولادى. تەك بارلىق ادام ءبىر كىسىلىك كۇش قوسسا عانا، جەڭىسكە، ءسوز جوق، ەرتەرەك جەتەتىن بولامىز“.
سۋرەت ①: 8 - ايدىڭ 7 - كۇنى قۇدىرەت قۇربان (وڭدا) مەن انكار اسقار وزدەرىنىڭ قول تەلەفون نومىرلەرىن قاتتى قاعازعا جازىپ، تۇرعىنداردىڭ حابارلاسۋىنا قولايلىلىق جاسادى.
سۋرەت ②: دۇڭ جۇن، قۇدىرەت قۇربان، انكار اسقار كوكونىس تاسۋدا.
سۋرەت ③: 3 ادامدىق شاعىن اترەت شاعىن اۋماقتا تۇرعىندارعا ”بادۋانجين“ گيمناستيكاسىنان ۇلگى كورسەتۋدە.
