شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8 - ايدىڭ 10 - كۇنى ۇرىمجىدەن حابارلايدى. 8 - ايدىڭ 8 - كۇنى تۇستەن بۇرىن ءۇرىمجى قالاسى قاشقار شىعىس جولىنداعى ءبىر شوعىرلى مەديتسينالىق باقىلاۋ تۇيىنىندە شينجياڭ مەديتسينا داشۋەسىنە قاراستى 1 - شيپاحانانىڭ نۋكلەين قىشقىلىنان ۇلگى الۋ اترەتىنىڭ باستىعى، كلينيكالىق مەديتسينا زەرتتەۋ ورنىنا توتە قاراستى پارتيا ياچەيكاسىنىڭ شۋجيى ءانۋار اكىم قورعانۋ كيىمىن تاعى ءبىر رەت كيدى. سول كۇنى ۇلگى الۋ اترەتىنىڭ 15 مۇشەسى وسى شوعىرلى مەديتسينالىق باقىلاۋ تۇيىنىندەگى 40 ادامنان نۋكلەين قىشقىلىنىڭ ۇلگىسىن الدى.
”ءۇش دارەجەلى ساقتانۋ - قورعانۋدى جاقسى ىستەۋ العى شارتىندا ءبىز مەديتسينالىق ولشەممەن جۇمىس جۇرگىزۋ تارتىبىنە قاتاڭ بويسۇنىپ، زارارسىزداندىرۋ جانە ۇلگى الۋ جۇرگىزىپ، ۇلگى الۋ مىندەتىن ساپاعا، سانعا كەپىلدىك ەتە وتىرىپ ورىندادىق“، - دەي كەلىپ ءانۋار: ۇلگى العاننان كەيىن، ۇلگى 4 سەلتسي گرادۋستىق كوپىرشىكتى ساندىقتا سۋىق تىزبەكتى تاسىمالدانادى، ءار 2 ساعاتتا ءبىر تاسىمالداپ، ۇلگى ساپاسىنا كەپىلدىك ەتەمىز، - دەدى.
8 - ايدىڭ 4 - كۇنىنەن باستاپ، ءۇرىمجى قالاسى دياگنوزى تۇراقتاندىرىلعان ناۋقاستار، كۇماندى ناۋقاستار جانە اۋرۋ بەلگىسى جوق جۇعىمدالۋشىلار شىققان الەۋمەتتىك اۋماقتار، تۇرعىندار شاعىن اۋماعى، شوعىرلى مەديتسينالىق باقىلاۋ تۇيىندەرى سياقتى ءتۇيىندى وڭىرلەر مەن ءتۇيىندى ادامدار شوعىرىنا، ەرەكشە قاتەرلى وڭاي جۇعىمدالۋشىلارعا جاڭا ءبىر كەزەك نۋكلەين قىشقىلىن تەكسەرۋدى باستادى. شينجياڭ مەديتسينا داشۋەسىنە قاراستى 1 - شيپاحاناداعى 400گە جۋىق ەمدەۋ - كۇتىمدەۋ قىزمەتكەرلەرىنەن ۇيىمداسقان 25 نۋكلەين قىشقىلىن تەكسەرۋدەن ۇلگى الۋ اترەتى مەن ايماقتاردان، وبلىستاردان كومەككە كەلگەن نۋكلەين قىشقىلىنان ۇلگى الۋ قوسىنى قوسىلىپ ۇلگى الۋ گرۋپپاسى بولىپ قۇرىلىپ، الەۋمەتتىك اۋماق، شوعىرلى مەديتسينالىق باقىلاۋ تۇيىندەرى سياقتى جەرلەرگە بارىپ، نۋكلەين قىشقىلىنان ۇلگى الدى.
شينجياڭ مەديتسينا داشۋەسىنە قاراستى 2 - شيپاحانادا ينفورماتسيالاندىرۋ تەحنيكاسىندا جاڭالىق اشۋ، جالپىلاستىرۋ، جولاقتى كودتى الدىن الا جاساپ ”ءبىرىڭعاي“ ولشەمدى جۇمىس جۇرگىزۋ ارقىلى نۋكلەين قىشقىلىنان ۇلگى الۋ قىزمەتى دە حاۋىپسىز، جوعارى ءونىمدى، ءتارتىپتى ورىستەتىلۋدە.
8 - ايدىڭ 9 - كۇنى ءۇرىمجى قالاسى تيانشان رايونى داۋان اۋماعى باسقارۋ كوميتەتى يان - ان شىعىس جولى الەۋمەتتىك اۋماعى چىنگۋاڭ جيايۋان شاعىن اۋماعىندا شينجياڭ مەديتسينا داشۋەسىنە قاراستى 2 - شيپاحانانىڭ ۇلگى الۋ اترەتى تۇرعىنداردىڭ نۋكلەين قىشقىلىنان ۇلگى الدى. ويتكەنى ءبىر كۇن بۇرىن الەۋمەتتىك اۋماق جولداعان نەگىزگى ينفورماتسياعا نەگىزدەلىپ الدىن الا تەكسەرۋ جولاقتى كود ورنالاستىرىپ جاساعاندىقتان، جۇمىس باسىنا جەتكەننەن كەيىن ۇلگى الۋ اترەتى ۇلگى الۋ قىزمەتىنە جىلدام، جوعارى ونىمدىلىكپەن كىرىسىپ كەتتى.
”ءبىز ۇلگى الاتىن ادامدار سانىنا نەگىزدەلىپ جولاقتى كود سانىن بولەمىز، ءاربىر الەۋمەتتىك اۋماقتىڭ ءنومىرى جالعىز ءنومىر بولادى، ءاربىر ءنومىر سالۋ تىزىمدىكتەگى 5 اداممەن ءوزارا سايكەس كەلەدى، سونداي - اق جالعىز ءنومىرى بولادى. ۇلگى العان كۇنى الەۋمەتتىك اۋماق قىزمەتكەرلەرى دايىندالعان جولاقتى كود پەن جەكەلەردىڭ ينفورماتسياسىن سايكەستىرسە بولعانى“. ۇلگى الۋ اترەتىنىڭ مۇشەسى شۇي جۇيفاڭ بىلاي دەدى: مۇنداي ءادىس نۋكلەين قىشقىلىنان ۇلگى الۋدىڭ، ۇلگىنى تەكسەرۋدىڭ دالدىك دەڭگەيى مەن ونىمدىلىگىن جوعارىلاتىپ قالماستان، سونىمەن بىرگە تەكسەرۋ ناتيجەسىنىڭ دالمە - ءدال تەگىن انىقتاۋعا شىنايى كەپىلدىك ەتىپ، ەپيدەميولوگيالىق تەكسەرۋ ءۇشىن ماڭىزدى رول اتقارادى.
شينجياڭ مەديتسينا داشۋەسىنە قاراستى 2 - شيپاحانانىڭ ورىنباسار باستىعى (شينجياڭعا كومەككە كەلگەن كادر) بي فاڭفاڭ بىلاي دەپ تانىستىردى: ءۇرىمجى قالاسى ءتۇيىندى وڭىرلەر مەن ءتۇيىندى ادامدار شوعىرىنا، ەرەكشە قاتەرلى وڭاي جۇعىمدالۋشىلارعا جاڭا كەزەك نۋكلەين قىشقىلىن تەكسەرۋدى باستاعاننان كەيىن، اتالعان شيپاحانا ۇكىمەت، شيپاحانا، الەۋمەتتىك اۋماق ”ءۇش دارەجە“ بىرلەسىپ ارەكەتتەنۋ ارقىلى قىزمەت ونىمدىلىگىن ەڭ جوعارى شەكتە جوعارىلاتتى.
”شيپاحانانىڭ ءار دارەجەلى جاۋاپتى ادامدارى ءار كۇنى ۇلگى الۋ تۇيىندەرىنە بارىپ جۇمىس باسىندا ءىس تىندىرىپ، ءبىرىنشى شەپ جاعدايىن يەلەپ، ءار كۇنگى مىندەتتىڭ ورىندالۋ جاعدايىن يەلەپ، سول كۇنى نۋكلەين قىشقىلىن تەكسەرىپ ۇلگى الۋ قىزمەتى بارىسىندا قىزمەتكەرلەردى ۇيىمداستىرۋ، زاتتىق ماتەريالداردى ورنالاستىرۋ، ۇلگى الۋ، تاسىمالداۋ، ءبولىپ تەكسەرۋ، تەكسەرۋ، بەكىتۋ سياقتى بۋىنداردا ورىن تەپكەن ماسەلەلەرگە مەڭزەس، تەكسەرۋ ونىمدىلىگىن تەجەپ وتىرعان وسال تۇستار مەن بوگەتتەردى ءدال ۋاقىتىندا اداقتاپ، دەر كەزىندە شەشىپ، نۋكلەين قىشقىلىن تەكسەرۋ مىندەتىن ساپاعا، سانعا كەپىلدىك ەتە ورىندايدى“، - دەدى بي فاڭفاڭ.
