ءۇرىمجى قالاسىندا دياگنوزى تۇراقتاندىرىلعان تاعى 38 ناۋقاس ساۋىعىپ شيپاحانادان شىقتى
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 8 - ايدىڭ 10 - كۇنى ۇرىمجىدەن حابارلايدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى ەمدەۋ - قۇتقارۋ ماماندارىنىڭ بىرلەسىپ دياگنوز قويۋىنان، ساراپتاۋىنان كەيىن، 8 - ايدىڭ 10 - كۇنى ءۇرىمجى قالاسىندا تاعى دياگنوزى تۇراقتاندىرىلعان 38 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى، اۋرۋ بەلگىسى جوق 3 جۇعىمدالۋشى مەديتسينالىق باقىلاۋدان بوساتىلدى. قازىرگە دەيىن دياگنوزى تۇراقتاندىرىلعان 223 ناۋقاس ساۋىعىپ شيپاحانادان شىعىپ، اۋرۋ بەلگىسى جوق 81 جۇعىمدالۋشى مەديتسينالىق باقىلاۋدان بوساتىلىپ، جالپى سانى 304 بولدى.
اۆتونوميالى رايون جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ بىرلەسكەن ەمدەۋ ىستەرى ءبولىمىنىڭ مەڭگەرۋشىسى لەي ۋي بىلاي دەدى: الدىڭعى كەزەڭدەگى بەلسەنە ارالاسپ ەمدەۋ ارقىلى سوڭعى كۇندەرى ساۋىعىپ شيپاحانادان شىققان ناۋقاستار ءبىرشاما كوپ بولدى، 8 - ايدىڭ 10 - كۇنىنە دەيىن ساۋىعىپ شيپاحانادان شىققان دياگنوزى تۇراقتاندىرىلعان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلاردىڭ جالپى سانى 300دەن استى، بۇل ەرەكشە بەلسەندى سيگنال. الدىڭعى كەزەڭدە شيپاحانادان شىققان ناۋقاستاردى ەمدەۋگە تالداۋ جاساۋ ارقىلى ％92تەن استام ناۋقاسقا العاشقى كەزدە ۆيرۋسقا قارسى ەمدەۋدى اۋرۋىنا قاراي ەمدەۋمەن بىرلەستىرۋ قولدانىلدى، سونىمەن بىرگە، تىنىس الدىرىپ دەمەۋ، قايتالامالى دەمەۋ جانە جۇڭگوشا شيپاگەرلىك - دارىگەرلىكتىڭ باسىمدىعىن تولىق ساۋلەلەندىرۋدى، جاڭا تيپتى ايدارشا ۆيرۋس وكپە قابىنۋىنان ساقتانۋ - ەمدەۋگە جالپى ەمدەۋ بارىسى بويىنشا جان - جاقتىلى ىشكەرىلەي ات سالىسۋدى قامتىعان جاڭا تەحنيكالار، جاڭا ادىستەر بەلسەنە قولدانىلدى، ءونىمى دە توتەنشە جاقسى بولدى، بارلىعى ناۋقاستاردىڭ اۋرۋ جاعدايىنىڭ جاقسارۋىندا ەداۋىر رول اتقاردى. ءبىز شيپاحانادان شىققان وسى ناۋقاستاردى ەمدەۋدەگى پايدالى تاجىريبەلەردى ۇزدىكسىز قورىتىندىلاپ، ەمدەپ ساۋىقتىرۋ مولشەرىن ۇزدىكسىز جوعارىلاتامىز.
