شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ چۇنحۋا 8 - ايدىڭ 10 - كۇنى ۇرىمجىدەن حابارلايدى. ”تەك ءبىر كۇن عانا جۇمساپ، ۇيدەن شىقپاي - اق نىسان ۇسىنىس حاتىنىڭ بەكىتۋىن تاپسىرىپ الدىق، نىساننىڭ ۋاقىتىندا جۇمىس باستاۋىنان ءۇمىت بار“. 8 - ايدىڭ 8 - كۇنى شينجياڭ ءبىر تۇلعالاندىرىلعان اكىمشىلىك ىستەر قىزمەت وتەۋ تۇعىرى بەتىن اشىپ، ءۇرىمجى قالاسىنىڭ ينجەنەريا قۇرىلىسى نىساندارىن تەكسەرىپ بەكىتۋ جۇيەسىن ءتۇرتىپ، ءۇرىمجى ونەركاسىپ قارجى قوسۋ توبى شەكتى سەرىكتەستىگىنىڭ ينجەنەريانى باسقارۋ ءبولىمىنىڭ قىزمەتكەرى جۋ جۇنجيە ءۇرىمجى قالالىق دامۋ جانە رەفورما كوميتەتىنىڭ اكىمشىلىك تەكسەرىپ بەكىتۋ باسقارماسى ەلەكتروندى تاڭبا باسقان نىسان ۇسىنىس حاتىن بەكىتۋىن كوردى.
ىندەتتىڭ ىقپالىنا ۇشىراعاندىقتان، كاسىپورىنداردىڭ ءبىر ءبولىم قىزمەتكەرلەرى جابىق كۇيدە قۇرىلىس جۇرگىزسە، ەندى ءبىر ءبولىمى ۇيلەرىندە قىزمەت ىستەۋدە، قاتىستى تەكسەرىپ بەكىتۋ راسمياتتارى ۇزدىكسىز ىستەلۋدە. الدىڭعى مەرزىمدەگى اكىمشىلىك تەكسەرىپ بەكىتۋ باسقارماسىن قۇرۋ نەگىزىندە، ءۇرىمجى قالالىق دامۋ جانە رەفورما كوميتەتى اكىمشىلىك ىستەر بويىنشا قىزمەت وتەۋ، جوسپارلاۋ، جاراتىلىستىق بايلىق سياقتى تاراۋلارمەن بىرگە، قاتىستى بارىستاردى ينتەرنەت جەلىسىندە ءبىتىرۋ ۇلگىسىن ەنگىزىپ، 52 تەكسەرىپ بەكىتۋ ىستەرىن كەزدەسپەي - اق تۇگەلدەي ينتەرنەت جەلىسىندە تەكسەرىپ بەكىتىپ، نىسانداردىڭ ءساتتى جۇمىس باستاۋىن قامتاماسىز ەتتى.
ۇكىمەت قارجىلاندىراتىن نىسانداردىڭ ەكونوميكالىق - تەحنيكالىق نەگىزدەمەسىنە جاسالعان بەكىتۋدى 15 قىزمەت كۇنىنەن 5 قىزمەت كۇنىندە ءبىتىرىپ بولۋعا قىسقارتىپ، ۇكىمەت قارجىلاندىراتىن نىسانداردىڭ العاشقى جوباسىن جاساۋ دامۋ جانە رەفورما تاراۋلارىنىڭ ىشكى جۇمىسىنا وزگەرتىلىپ، تەك نىسانداردىڭ ەكونوميكالىق - تەحنيكالىق نەگىزدەمەسى مالىمەتىن بەكىتۋ، العاشقى ادىمداعى جوسپارلاۋ مالىمەتى جانە بەكىتۋگە ءوتىنىش ەتۋ بولسا بولعانى، ءبىتىرىپ بەرۋگە بولادى... كەزدەسپەي - اق ينتەرنەت جەلىسىندە تەكسەرىپ بەكىتۋ بارىسىنىڭ ۇزدىكسىز جاقسارۋىنا ىلەسە، تەكسەرىپ بەكىتۋ قىزمەتىن ۇستىنە الىپ وتىرعان بۋىندار قازىر قارقىن اۋىستىرىپ، جىلدامدىقتى جوعارىلاتۋدا.
”كاسىپورىندار قارجى قوسقان نىسانداردى ەستەلىككە الۋدى قۇلاققاعىس ەتۋگە ۋادە بەرۋ ءتۇزىمىن اتقارۋ ارقىلى كاسىپورىن نىسانداردى ەستەلىككە الىپ تىزىمدەۋ ءوتىنىشى كەستەسىن قاتىستى سايتقا جولداسا بولعانى، قىزمەتكەرلەر تەكسەرۋ ارقىلى ءبىر كۇن ىشىندە تەزدەتىپ ءبىتىرىپ بەرەدى. 7 - ايدىڭ باسىنان قازىرگە دەيىن ينتەرنەت جەلىسىندە تەكسەرىپ بەكىتۋ ۇلگىسى ارقىلى 40قا جۋىق تەكسەرىپ بەكىتۋ جۇمىسى ورىندالىپ بولدى“، - دەدى ءۇرىمجى قالالىق دامۋ جانە رەفورما كوميتەتى اكىمشىلىك تەكسەرىپ بەكىتۋ باسقارماسىنىڭ ورىنباسار باستىعى لي سىچين.
