شينحۋا اگەنتتىگىنىڭ 8 - ايدىڭ 10 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 8 - ايدىڭ 10 - كۇنى لۋكاشەنكوعا تەلەگرامما جولداپ، ونىڭ بەلورۋسسيا رەسپۋبليكاسىنىڭ زۇڭتۇڭى بولىپ تاعى دا سايلانعاندىعىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: لۋكاشەنكو بەلورۋسسيا رەسپۋبليكاسىنىڭ زۇڭتۇڭى بولىپ تاعى دا سايلانعان ساتتە، مەن جۇڭگو ۇكىمەتى مەن حالقى اتىنان جانە ءوز اتىمنان لۋكاشەنكو زۇڭتۇڭدى شىن ىقىلاسپەن قۇتتىقتايمىن ءارى ىزگى تىلەك بىلدىرەمىن. مەن جۇڭگو - بەلورۋسسيا قارىم - قاتىناسىنىڭ دامۋىنا ايرىقشا ءمان بەرەمىن، لۋكاشەنكو زۇڭتۇڭمەن قول ۇستاسا قۇلشىنىپ، جۇڭگو مەن بەلورۋسسيانىڭ جان - جاقتى ستراتەگيالىق سەرىكتەستىك قارىم - قاتىناسىن بىرگە ىلگەرىلەتىپ، ەكى ەلدىڭ ءار سالاداعى ءبىر - بىرىنە تيىمدىلىك جەتكىزەتىن سەلبەستىكتەرىنىڭ جاڭا جاعدايىن اشىپ، ەكى ەلدى جانە ەكى ەل حالقىن تىڭ باقىتقا كەنەلتۋدى قالايمىن.
