شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 11 - كۇنى ۇرىمجىدەن حابارلايدى. ىندەتتەن ساقتانۋ - تىزگىندەۋ قىزمەتى بارىسىندا، ءۇرىمجى قالاسى ءتۇيىندى وڭىرلەر مەن ءتۇيىندى ادامدارعا باعىتتالعان نۋكلەين قىشقىلىن تەكسەرۋ جيىلىگىن ارتتىردى. 8 - ايدىڭ 11 - كۇنى ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنىڭ ورىنباسار مەڭگەرۋشىسى ۋىن گوشين بىلاي دەپ تانىستىردى: بۇل ىندەتتىڭ كومەسكى قاتەرىن جويۋدىڭ ماڭىزدى شاراسى، سونداي - اق ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاۋدىڭ قاجەتى.
تانىستىرۋعا قاراعاندا، نۋكلەين قىشقىلىن تەكسەرۋ جاڭا تيپتى ايدارشا ۆيرۋس وكپە قابىنۋىنا شالدىعىپ، دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلاردى نەگىزگى تەكسەرىپ انىقتاۋ ءادىسى جانە تۇجىرىمداۋ ولشەمى. كومەكەي تامپونىنىڭ جينايتىنى تىنىس جولىنىڭ تەرەڭ بولىگىندەگى ۇلگى بولماعاندىقتان، ونىڭ ۇستىنە تەكسەرۋ سىناماسىنىڭ سەزگىرلىگى بارلىق جۇعىمدالۋشىلاردى ％100 ءبىر جولدا پارىقتاي المايتىندىقتان، تەكسەرۋ ناتيجەسى بويىنشا ءتۇيىندى وڭىرلەر مەن ءتۇيىندى ادامدارعا بايىپتىلىقپەن كوپ رەت ۇلگى الىپ، تەكسەرۋ جۇرگىزۋ قاجەت.
جاڭا تيپتى ايدارشا ۆيرۋستىڭ جاسىرىنۋ سيپاتى كۇشتى، تۇرلىشە جۇعىمدالۋشىلاردىڭ ۋىتتى ايداۋ ۋاقىتى دا ۇقسامايدى. ءۇرىمجى قالاسىندا بايقالعان ناۋقاستاردىڭ ىشىندە نۋكلەين قىشقىلىن تەكسەرۋ ناتيجەسى ۇزدىكسىز 2 رەت بولىمسىز بولىپ، 3 - رەتكە بارعاندا عانا بولىمدى ناتيجە كورسەتكەندەر بار، سوندىقتان قايتالاي تەكسەرۋ توتەنشە قاجەتتى.
ىندەتتەن ساقتانۋ - تىزگىندەۋ تۇرعىسىنان قاراعاندا، ءتۇيىندى وڭىرلەردە، ءتۇيىندى ادامدارعا كوپ رەت نۋكلەين قىشقىلىن تەكسەرۋ ىندەتتىڭ كومەسكى حاۋپىن جويۋدىڭ ماڭىزدى شاراسى، نۋكلەين قىشقىلىن تەكسەرۋدىڭ جيىلىگىن ارتتىرۋ ارقىلى اۋرۋ بەلگىسى جوق جۇعىمدالۋشىلاردى تەزىرەك، ەرتەرەك بايقاپ، مەديتسينالىق باقىلاۋ اتقارىپ، ەرتە بايقاۋدى، ەرتە مالىمدەۋدى، ەرتە اۋاشالاۋدى، ەرتە ەمدەۋدى ورىنداۋعا بولادى. بۇل ساقتانۋ - تىزگىندەۋ وتكەلىن الدىعا جىلجىتىپ، جۇمىستى، ءوندىرىستى قالپىنا كەلتىرگەننەن كەيىنگى حاۋىپتى ءونىمدى تەجەپ، ۆيرۋستىڭ تارالۋ شارت - جاعدايى مەن تارالۋ قاينارىن ازايتۋعا پايدالى.
ۋىن گوشين بىلاي دەدى: نۋكلەين قىشقىلىن تەكسەرۋ ناتيجەسى ىندەتتەن ساقتانۋ - تىزگىندەۋ ناتيجەسىن تارازىلاۋدىڭ ماڭىزدى ءتاسىلى، ونىڭ قاتىستى ساندى مالىمەتتەرىنىڭ ماڭىزدى پايدالانۋ جانە زەرتتەۋ قۇنى بار، ۇكىمەتتىڭ شەشىم جاساۋىنا عىلمي دايەك ازىرلەپ، ىندەتتەن ساقتانۋ - تىزگىندەۋ شارالارىن بەلسەندى دە ۇيلەسىمدى رەتتەۋگە قولايلىلىق تۋدىرادى.
