شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 11 - كۇنى ۇرىمجىدەن حابارلايدى. 8 - ايدىڭ 11 - كۇنى ءۇرىمجى قالالىق ىندەتتەن ساقتانۋ - تىزگىندەۋ قولباسشىلىق شتابى تاس جولداعى ساقتانۋ - تىزگىندەۋ گرۋپپاسىنىڭ مۇشەسى سۇڭ بين بىلاي دەپ تانىستىردى: ءۇرىمجى قالاسى تاس جول قاتىناسىنىڭ ءىس جۇزىندىگىن شىعار ءتۇيىن ەتىپ، ”بىردە - ءبىر ادامدى قاعىس قالدىرماۋ، بىردە - ءبىر كولىكتى قاعىس قالدىرماۋ“ تالابى بويىنشا، ەكشەۋ شارالارىن عىلمي تۇردە ەگجەي - تەگجەيلىلەندىرىپ، ىندەتتەن ساقتانۋ - تىزگىندەۋ قىزمەتتەرىن ويداعىداي ىستەدى.
كىرەر وتكەلدى قاتاڭ تۇردە ويداعىداي يگەردى. كولىكپەن ۇرىمجىگە كەلىپ - كەتكەن ادامداردى، سالاماتتىق كودىن جانە 7 كۇن ىشىندەگى نۋكلەين قىشقىلىن تەكسەرۋ دوكلاتىن (بولىمسىز) تەكسەرىپ انىقتاعاننان كەيىن، حاۋىپ - قاتەرى تومەن وڭىرلەردىڭ ادامدارى عانا وتكىزىلەدى. ەل ىشىندەگى حاۋىپ - قاتەرى جوعارى وڭىرلەردەن كەلگەن ادامدارعا 14 كۇندىك شوعىرلى مەديتسينالىق باقىلاۋ جۇرگىزىلەدى، حاۋىپى ورتاشا دەڭگەيدەگى وڭىرلەردىڭ ادامدارىنا تاعى ءبىر رەت نۋكلەين قىشقىلىن تەكسەرۋ جۇرگىزىپ، تەكسەرۋ ناتيجەسى بولىمسىز بولعاننان كەيىن عانا وتكىزىلەدى.
ۇرىمجىدەن شىققان ادامداردى، كولىكتەردى باسقارۋدى ويداعىداي ىستەدى. باسقا ايماق، وبلىستاردان كولىكپەن ۇرىمجىگە كەلىپ، ۇشاققا، پويەزعا وتىرىپ شينجياڭنان شىعاتىن ادامدار 7 كۇن ىشىندەگى نۋكلەين قىشقىلىن تەكسەرۋ دوكلاتىن (بولىمسىز) الىپ ءجۇرۋى ءتيىس، سالاماتتىق كودىندا قالىپسىزدىق بولماسا، سونداي - اق كۇشكە يە ۇشاق بەلەتى، پويەز بەلەتى بولسا عانا وتكىزىلەدى. شيپاحانادان شىققاننان كەيىن كولىكپەن ۇرىمجىدەن كەتىپ، شينجياڭ ىشىندەگى باسقا ايماق، وبلىستارعا قايتاتىن ادامدار شيپاحانادان شىعۋ انىقتاماسىن جانە 7 كۇن ىشىندەگى نۋكلەين قىشقىلىن تەكسەرۋ دوكلاتىن (بولىمسىز) الىپ جۇرسە عانا وتكىزىلىپ، ۇرىمجىدەن شىعا الادى.
ىندەتتەن ساقتانۋ - تىزگىندەۋ قىزمەتىن قاتاڭ تۇردە ويداعىداي ىستەۋمەن بىرگە، ءۇرىمجى قالاسى كوكونىس، استىق، ەت، جۇمىرتقا، ءسۇت قاتارلى ماڭىزدى تۇرمىستىق قاجەتتى بۇيىمداردى تاسىمالدايتىن اۆتوكولىكتەرگە، سونداي - اق قارتتار، بالالار، جۇكتى ايەلدەر جانە شۇعىل، سالماقتى، قاتەرلى ناۋقاستار وتىرعان اۆتوكولىكتەرگە جاسىل وتكەل اشتى. ءارقايسى تاس جولدارداعى ىندەتتەن ساقتانۋ تەكسەرۋ تۇيىندەرىنە حالىققا قولايلى قىزمەت كورسەتۋ تۇيىندەرى ورناتىلىپ، قاجەتى بار ءار ۇلت بۇقاراسىنا دەر كەزىندە قىزمەت وتەدى.
ءۇرىمجى قالاسى تاس جولداعى ىندەتتەن ساقتانۋ تەكسەرۋ تۇيىندەرىنىڭ ىندەتتەن ساقتانۋ - تىزگىندەۋدە بەتپە - بەت جاناسۋ سىندى ەرەكشەلىگىمەن ۇشتاستىرىپ، قىزمەتكەرلەرگە دەر كەزىندە ساقتانۋ - قورعانۋ بۇيىمدارىن تاراتتى. ءارقايسى تەكسەرۋ تۇيىندەرى جاراقسىز زاتتاردى شوعىرلى ءبىر جاقتى ەتىپ، ءار كۇنى 2 رەت تەكسەرۋ تۇيىندەرىنىڭ ورتاسىن زارارسىزداندىرىپ، بەلگىلەنگەن ۋاقىتتا بارلىق قىزمەتكەرلەرگە شوعىرلى تۇردە نۋكلەين قىشقىلىن تەكسەرۋ ورىستەتتى.
