شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8 - ايدىڭ 11 - كۇنى ۇرىمجىدەن حابارلايدى. 8 - ايدىڭ 11 - كۇنى ءۇرىمجى قالالىق ىندەتتەن ساقتانۋ - تىزگىندەۋ قولباسشىلىق شتابى توتەنشە جاعدايعا توتەپ بەرۋ بويىنشا قامتاماسىزداندىرۋ گرۋپپاسىنىڭ مۇشەسى لي نيڭ بىلاي دەپ تانىستىردى: ءۇرىمجى قالاسى ”مەديتسينالىق قۇتقارۋ - ەمدەۋگە كەپىلدىك ەتۋ، ءبىرىنشى شەپكە ءتۇيىندى كەپىلدىك ەتۋ، توتەنشە جاعدايعا توتەپ بەرۋ قاجەتىنە كەپىلدىك ەتۋ“ سىندى ”ۇشكە كەپىلدىك ەتۋ“ جالپى تالابى بويىنشا، توتەنشە جاعدايعا توتەپ بەرۋ ەمدەۋ زاتتىق ماتەريالدارىمەن قامداۋدى كوپ ءتۇرلى شارامەن، جوعارى ولشەممەن قامتاماسىز ەتتى.
ساتىپ الۋ جاعىندا، ءۇرىمجى قالاسى ءار دارەجەلى قازىنا ورنالاستىرعان ىندەتتەن ساقتانۋ - تىزگىندەۋ قارجىسىنا دەر كەزىندە ءۇن قوسىپ، ءبىتىرۋ مەن بوساتۋدى تىڭعىلىقتى ىستەپ، توتەنشە جاعدايعا توتەپ بەرۋ بويىنشا قۇتقارۋ، كومەكتەسۋ جابدىقتارى مەن زاتتىق ماتەريالدارىن ساتىپ الۋدىڭ جاسىل ارناسىن اشىپ، ارناۋلى ادام جاۋاپتى بولىپ، جالپى بارىستى قاداعالاپ، ءارقايسى توپتاعى توتەنشە جاعدايعا توتەپ بەرۋ ەمدەۋ زاتتىق ماتەريالدارىنىڭ تاپسىرىستى تۇراقتاندىرۋدان قامباعا اكەلىنىپ، تەكسەرىلىپ وتكىزىپ الىنۋ سياقتىلارعا دەيىنگى بۋىنداردىڭ قاپسىز ۇشتاسۋىنا شىنايى كەپىلدىك ەتتى؛ ەمدەۋ زاتتىق ماتەريالدارى ءوندىرىسى كاسىپورىندارىنىڭ ساپانى جوعارىلاتىپ، مولشەردى كوبەيتۋىن، كومەسكى كۇشىن اشىپ، قۋاتىن جوعارىلاتۋدى جەبەپ، ادام ىستەتۋ، قارجى، شيكىزات، جابدىق سياقتى كورنەكتى ماسەلەلەردى سايكەستىرىپ شەشتى.
ورنالاستىرۋ جاعىندا، ءۇرىمجى قالاسى ىندەتتەن ساقتانۋ - تىزگىندەۋ قارجىسىنىڭ ەسەباتىن كۇندە مالىمدەۋ ءتۇزىمىن ورناتىپ، ىندەتتەن ساقتانۋ - تىزگىندەۋ قارجىسىن بوساتۋدى ەڭ الدىڭعى ورىنعا قويىپ، قارجىنىڭ دەر كەزىندە تياناقتانۋىنا شىنايى كەپىلدىك ەتتى؛ زاتتىق ماتەريالدارى قورىنىڭ ەسەبىن يكەمدى اداقتاپ، زاتتىق ماتەريالداردى عىلمي تۇردە دەر كەزىندە ءبىرىنشى شەپتەگى ورىندارعا تولىقتاپ بەردى. ەمدەۋ قۇرىلىمدارىنىڭ زاتتىق ماتەريالدارىن ءبىر تۇتاس جوسپارلاپ ورنالاستىرۋ ءتۇزىمىن ورناتىپ جانە اقاۋسىزداندىرىپ، توتەنشە جاعدايدا توتەنشە جاعدايعا توتەپ بەرۋ ەمدەۋ زاتتىق ماتەريالدارىن جيناۋدىڭ، جونەلتۋدىڭ پارمەندى، ءتارتىپتى بولۋىنا شىنايى كەپىلدىك ەتتى؛ ماسكى، ساقتانۋ - قورعانۋ كيىمى، تەرمومەتر سياقتى زاتتىق ماتەريالداردى ورنالاستىرۋ، قامداۋ تەبىنىن ارتتىرىپ، ءبىرىنشى شەپتەگى ىندەتتەن ساقتانۋ قىزمەتكەرلەرىنىڭ قاجەتىن ەڭ الدىمەن قاناعاتتاندىردى.
جەتكىزۋ جاعىندا، قاتىستى اۆتوكولىكتەردىڭ قاتىناۋ ماسەلەسىن دەر كەزىندە سايكەستىرىپ شەشىپ، توتەنشە جاعدايعا توتەپ بەرۋ ەمدەۋ زاتتىق ماتەريالدارىنىڭ ءارقايسى شيپاحانالارعا، ىندەتتەن ساقتانۋ پۋنكتتەرىنە دەر كەزىندە جەتكىزىلۋىنە شىنايى كەپىلدىك ەتتى؛ جەرگىلىكتى ەمدەۋ، ءدارى - دارمەك كاسىپورىندارىن توتەنشە جاعدايعا توتەپ بەرۋ ەمدەۋ زاتتىق ماتەريالدارىن بازارعا سالۋ تەبىنىن ارتتىرۋعا سايكەستىردى. قازىر تۇتاس قالاداعى 62 ءدارى - دارمەكتەردى تولايىم ساتۋ كاسىپورنى، 24 ءدارى - دارمەك بولشەك ساتۋ جەلىلەس دۇكەنىنىڭ باس باسقارماسى، 1089 جەلىلەس دۇكەن قالىپتى تيجارات جۇرگىزدى، ەمدەۋ زاتتىق ماتەريالدارى بازارىن قامداۋ جەتكىلىكتى بولدى.
زاپاس ساقتاۋ جاعىندا، ءۇرىمجى قالاسى وندىرىسكە ۇيىمداستىرۋ، سىرتتان ساتىپ اكەلۋ، جىلۋعا اتالعان بۇيىمداردى قابىلداۋ سياقتى تاسىلدەر ارقىلى، ەمدەۋ زاتتىق ماتەريالدارىن ساقتاۋ كولەمىن بار كۇشپەن كەڭەيتتى. جينالىپ بولعان توتەنشە جاعدايعا توتەپ بەرۋ ەمدەۋ زاتتىق ماتەريالدارى ءارقايسى قىزۋ امبولاتوريالارى، تەكسەرۋ پۋنكتتەرى، قاتىناس توراپتارى سياقتى ىندەتتەن ساقتانۋ تۇيىندەرىنە ءبىر تۇتاس جەتكىزىلدى. قازىرگە دەيىن، تەكسەرۋ - ولشەۋ سىناماسى، ساقتانۋ - قورعانۋ بۇيىمدارى، ەمدەۋ جابدىقتارى، قۇتقارۋ - ەمدەۋ دارىلەرى، زارارسىزداندىرۋ ونىمدەرى سياقتى بەس ۇلكەن تۇردەگى ەمدەۋ زاتتىق ماتەريالدارىنىڭ بارلىعىنىڭ قورى جەتكىلىكتى.
