تيانشان تورى
تيانشان تورى   ›   جاڭالىقتار   ›   ءۇرىمجى

ناۋقاستار ءۇشىن ءنارلى تاماق جاسايمىز

سۋرەتىن ءتۇسىرىپ، حابارىن جازعان شينجياڭ گازەتىنىڭ جالپىلىق اقپارات قۇرالدارى تىلشىلەرى چاۋ جين، شيە لۇڭ

  8 - ايدىڭ 8 - كۇنى ساعات 18دە، اۆتونوميالى رايون جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ جۇمىسشى - قىزمەتشىلەر اسحاناسىندا، كەسە - كەسە ءيىسى اڭقىعان سيىر قابىرعاسى سورپاسى قوراپتالىپ، جاشىككە سالىنىپ، تاماق جەتكىزۋ كولىگىمەن ناۋقاستار اۋماعىنا اپارىلىپ جاتتى...

  اسحانا ىشىندە، باسقارۋشى حان جۇڭحۇي قاتارلىلار سۋىق قۋىرماش، جەمىس، ايران جانە كوكبۇرشاق سورپاسىن ءبىر - بىرلەپ دايىنداپ قويدى. وشاقتىڭ قاسىندا، اسپاز جاڭ يۇيپيڭ تۇيىرتپەك كوجە جاساپ جاتتى، ”بۇل قارتتار سياقتى ەرەكشە ناۋقاستارعا جاسالعان، سوندىقتان قامىر تۇيىرتپەكتەرى مۇمكىندىگىنشە كىشىرەك بولۋى كەرەك“، - دەدى جاڭ يۇيپيڭ.

  ”ءبىز ءار كۇنى ساعات 6دان باستاپ تاڭعى اس ازىرلەيمىز، ءبىر ءتۇرلى تاماقتان نەشە ءجۇزىن تاراتامىز، ساعات 21دە عانا سول كۇنگى ءۇش ۋاق تاماقتى قامداۋ جانە جەتكىزۋ جۇمىسىن اياقتاتامىز. كەشتە، تاعى كەشكى كەزەكتە جۇمىسقا شىعاتىن ەمدەۋ - كۇتىمدەۋ قىزمەتكەرلەرى مەن ەرەكشە ناۋقاستاردى تۇنگى اسپەن قامدايمىز“، - دەدى حان جۇڭحۇي.

  ۇرىمجىدە وسى رەتكى ىندەت تۋىلعاننان بەرى، وسى شيپاحانانىڭ ارتقى شەپ قامتاماسىزداندىرۋ تاراۋى ەمدەۋ قىزمەتكەرلەرىنىڭ قورەكتىكپەن ەمدەۋىنە كومەكتەسىپ، ناۋقاستاردىڭ تاماقتانۋىنىڭ، قورەكتىگىنىڭ تولىق، بىركەلكى بولۋىنا شىنايى كەپىلدىك ەتىپ، ناۋقاستاردىڭ تەزىرەك ساۋىعۋىنا كومەكتەستى. ”ءبىز «جاڭا تيپتى ايدارشا ۆيرۋس وكپە قابىنۋ بويىنشا اۋاشالانعانداردىڭ جانە جەڭىل، سالماقتى ناۋقاستاردىڭ قورەكتەنۋدەگى، تاماقتانۋداعى ماڭىزدى تۇيىندەرىن» جاسادىق، ناۋقاستاردىڭ تاماعىندا ەت، جۇمىرتقا، ءسۇت، جەمىس، كوكونىس بارلىعى تولىق، قاتىقتى جانە قاتىقسىز تاماقتار ۇيلەسىمدى سايكەستىرىلىپ، كۇرىش پەن ۇن لايىقتى ۇلەستىرىلدى“.

  وسى شيپاحانانىڭ ارتقى شەپ قامتاماسىز ەتۋ ءبولىمىنىڭ مەڭگەرۋشىسى حۋ يانمىڭ بىلاي دەپ تانىستىردى: ”جوعارى قان قىسىمى، ديابەت سياقتى نەگىزدىك اۋرۋلارى بارلارعا جانە قارتتار سياقتى ەرەكشە ناۋقاستارعا، شيپاحانا ارنايى ءنارلى تاماق ازىرلەدى ءارى ناۋقاستاردىڭ دارالانعان قاجەتىنە ساي تاماقتانۋى بويىنشا قىزمەت وتەۋ تەلەفونىن اشتى. كەيبىر سالماقتى ناۋقاستارعا، كلينيكالىق ديەتولوگتىڭ تۇجىرىمداۋى جانە ناۋقاستىڭ دەنە جاعدايى بويىنشا، ءار كۇنى ولارعا جەمىس شىرىنى، كوكونىس شىرىنى سياقتى جۇتۋعا جانە قورىتۋعا ىڭعايلى سۇيىق تاماقتار لايىقتاپ جاسالدى“.

  سول كۇنى تۇستە، 3 قارت ناۋقاس شيپاحانادان شىقتى، اسحانا ولارعا 3 كەسە شوشىرە دايىندادى. ”’شىعاردا شوشىرە جەپ، كەلگەندە كەسپە كوجە ءىش‘ دەگەن ناقىل بار، بۇل ءبىزدىڭ ولارعا ايتقان تىلەگىمىز“، - دەدى حۋ يانمىڭ.

   8 - ايدىڭ 8 - كۇنى قىزمەتكەرلەر اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ جۇمىسشى - قىزمەتشىلەر اسحاناسىندا ناۋقاستارعا تاماق قوراپتاپ جاتىر.

    8 - ايدىڭ 8 - كۇنى اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ جۇمىسشى - قىزمەتشىلەر اسحاناسىندا، اسپاز دۇڭ تيانيۋ ناۋقاستارعا تاماق پىسىرۋدا.

  8 - ايدىڭ 8 - كۇنى اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانادا، قىزمەتكەرلەر ءبولىپ قويعان تاماقتاردى كولىككە تيەپ، دەر كەزىندە ءارقايسى ناۋقاستار اۋماعىنا جەتكىزۋدە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.