مەملەكەت ءتوراعاسى شي جينپيڭ ءتوراعا بۇيرىعىنا قول قويىپ
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە كورنەكتى ۇلەس قوسقان قايراتكەرلەرگە مەملەكەت وردەنىن جانە مەملەكەت داڭق اتاعىن بەردى
شينحۋا اگەنتتىگىنىڭ 8 - ايدىڭ 11 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 8 - ايدىڭ 11 - كۇنى ءتوراعا بۇيرىعىنا قول قويىپ، 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 21 - رەتكى ماجىلىسىندە 8 - ايدىڭ 11 - كۇنى تۇستەن كەيىن داۋىسقا سالىنىپ ماقۇلدانعان مەملەكەتتىك حالىق قۇرىلتايى تۇراقتى كوميتەتىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە كورنەكتى ۇلەس قوسقان قايراتكەرلەرگە مەملەكەت وردەنىن جانە مەملەكەت داڭق اتاعىن بەرۋ جونىندەگى قارارىنا ساي، جۇڭ نانشانعا ”رەسپۋبليكا وردەنىن“ بەردى، جاڭ بوليگە، جاڭ ديڭيۇيگە، چىن ۋيگە (ايەل) ”حالىق قاھارمانى“ مەملەكەت داڭق اتاعىن بەردى.
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە جان سۇيىنتەرلىك ءبىر توپ ۇزدىك تيپتەر جارىققا شىقتى. وسى كۇرەستە كورنەكتى ۇلەس قوسىپ، ەلەۋلى ەڭبەك كورسەتكەن ۇلگىلى تۇلعالاردى سالتاناتپەن ماداقتاۋ -سيلاۋ، ولاردىڭ ادال، جاۋاپكەرشىلىك ارقالايتىن، ۇلەس قوساتىن وسكەلەڭ قاسيەتىن ساۋلەلەندىرۋ ءۇشىن، نەگىزگى زاڭعا، مەملەكەت وردەنى جانە مەملەكەت داڭق اتاعى زاڭىنا نەگىزدەلىپ، 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 21 - رەتكى ءماجىلىسى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە كورنەكتى ۇلەس قوسقان قايراتكەرلەرگە مەملەكەت وردەنىن جانە مەملەكەت داڭق اتاعىن بەرۋ جونىندە قارار شىعاردى.
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە كورنەكتى ۇلەس قوسقان قايراتكەرلەرگە مەملەكەتتىڭ ەڭ جوعارى داڭق اتاعىن بەرۋ ىندەتكە قارسى اتتانعان قاھارمانداردىڭ ەرەن ەڭبەگى مەن شۇعىلالى وبرازىن زور كۇشپەن ۇگىتتەپ، مەملەكەتتىڭ ارداقتاۋى مەن ۇلتتىڭ ەستەمەسىن كۇشەيتۋگە ءتيىمدى؛ وتانشىلدىق، كوللەكتيۆشىلدىك تاربيەنى كۇشەيتىپ، سوتسياليستىك وزەكتى قۇن كوزقاراسىن اسقاقتاتۋعا ءتيىمدى؛ جۇڭحۋا پەرزەنتتەرىنىڭ ەل بىرلىگىنەن بەرىك قامال تۇرعىزاتىن، جاپا - ماشاقاتتان، حاۋىپ - قاتەردەن قورىقپايتىن، كەدەرگىگە جولىققان سايىن ەرلىك كورسەتەتىن ۇلتتىق قاسيەتىن تولىق ايگىلەپ، جۇڭگوشا سوتسياليزم ۇلى ءىسىن ءساتتى ىلگەرىلەتىپ، ءبىرىنشى 100 جىلدىق كۇرەس نىساناسىن جۇزەگە اسىرۋعا پارتيانىڭ تىلەگىن، ارميانىڭ تىلەگىن، حالىقتىڭ تىلەگىن ۇيىستىرۋعا ءتيىمدى.