تيانشان تورىنىڭ حابارى (سۋرەتىن ءتۇسىرىپ، حابارىن جازعان ەرىكتى تىلشىلەر ليۋ ليجۇن، ارزىگۇل ابدەش). شينجياڭ ىلە قازاق اۆتونوميالى وبلىسى موڭعۇلكۇرە اۋدانى قوناقاي قالاشىعى كەسىك قىستاعىنىڭ كوكونىس بازاسىنداعى 160 مۋ جەرگە ەگىلگەن بايساي مول ٴونىم بەرىپ، جاپىراقشاسى جاپ - جاسىل تورسيعان بايساي ادامدى وزىنە قىزىقتىرادى. ەگىمشى وتباسى شاۋ فىڭ مەن شۇي شاۋجۇن ون نەشە ديقاندى باستاپ بايساي جيناپ، تايلاپ، تارازىعا سالىپ ولشەۋ، ماشيناعا تيەۋمەن قاربالاس بولدى. ول ەكەۋى بىرلەسپ جيناپ العان ٴبىرىنشى توپتاعى بايساي ساتىلىپ بىتەيىن دەدى. تاياۋدا، جايقالا وسكەن ەكىنشى توپتاعى كۇزدىك بايساي 8 - ايدىڭ 26 - كۇنى بازارعا شىعارىلماق.
موڭعۇلكۇرە اۋدانىنىڭ جەر ءتۇزىلىسى بيىك بولىپ، تاۋ ارالىق ويپاتقا ورنالاسقان، تەڭىز دەڭگەيىنەن ورتاشا بيىكتىگى 2000 مەتر كەلەدى. بۇل ارانىڭ ەكولوگيالىق ورتاسى جاقسى، جاۋىن - شاشىنى مول، جەرى قۇنارلى، اۋاسى تازا بولىپ، ورتاشا اۋا تەمپەراتۋراسى 13 - 25 سەلتسي گرادۋس ارالىعىندا بولعاندىقتان، بيىك تاۋلى قاعىر جەرگە ەگىلگەن 317 مۋ كۇزدىك بايسايدىڭ ساپالى وسۋىنە تاماشا شارت - جاعداي ازىرلەنگەن.