سۋرەتىن ءتۇسىرىپ، حابارىن جازعان شينجياڭ گازەتىنىڭ جالپىلىق اقپارات قۇرالدارى ءتىلشىسى جوۋ پىڭ
”تۇرعىندار بۇيىرتقان ەت اكەلىندى، كۇن ىستىق، وڭاي بۇزىلادى، كوپشىلىك، ۋاقىتتى مىقتى يگەرىپ جەتكىزىڭدەر“، - دەپ 8 - ايدىڭ 5 - كۇنى ءۇرىمجى قالاسى تيانشان رايونى باقىت جولى اۋماعىن باسقارۋ كوميتەتى جۇڭحۋان جولى سولتۇستىك الەۋمەتتىك اۋماعىنىڭ ورىنباسار مەڭگەرۋشىسى مايرا ابدۇرەشيت ۋيچات توبىندا ەرىكتىلەرگە ۇقتىردى.
ۇرىمجىدە جاڭا تيپتى ايدارشا ۆيرۋس وكپە قابىنۋ ىندەتى قايتا تۋىلعاننان كەيىن، تۇرعىندارعا قىزمەت وتەۋ قىزمەتىن اناعۇرلىم ناقتى، اناعۇرلىم ەگجەي - تەگجەيلى ىستەپ، تۇرعىنداردىڭ ۇيلەرىندە الاڭسىز وتىرۋىنا مۇمكىندىك جاساۋ ءۇشىن، جۇڭحۋان جولى سولتۇستىك الەۋمەتتىك اۋماعى ەرىكتىلەر قىزمەت وتەۋ اترەتىن ۇيىمداستىرىپ قۇردى.
”الەۋمەتتىك اۋماعىمىزداعى كوپتەگەن تۇرعىندار ىرىقتىلىقپەن تىزىمدەلىپ، ەرىكتى قىزمەت وتەۋگە قاتىناستى“. مايرا ابدۇرەشيت بىلاي دەدى: الەۋمەتتىك اۋماقتاعى 14 پارتيالى كادر اۆانگاردتىق، ۇلگىلىك رولدارىن تولىق ساۋلەلەندىرىپ، پارتيالى ەكپىندىلەر اترەتىن ۇيىمداستىرىپ قۇرىپ، باسقا ەرىكتىلەردى بۇقارانىڭ قاجەتىن دەر كەزىندە ۇعىسىپ، تاۋلىك بويى تۇرعىنداردىڭ تۇرمىستىق قاجەتىن قامتاماسىز ەتۋگە جەتەكتەدى.
”ەرىكتىلەر ءار كۇنى بىزگە قىزمەت وتەدى، ولار قورعانۋ كيىمىن كيەدى، ولاردىڭ جۇزدەرىن انىق كورمەگەنىمىزبەن، ولاردىڭ كەۋدەسىندەگى پارتيا ىزناگى ەرەكشە كوزگە ءتۇسىپ، ماعان ەرەكشە مەيىرىمدى سەزىندىردى“، - دەدى تۇرعىن ۋاڭ مەيلان.
8 - ايدىڭ 5 - كۇنى پارتيالى ەرىكتىلەر تۇرعىندارعا قاجەتتى كوكونىستى ءبولىپ دوربالاۋدا.
8 - ايدىڭ 5 - كۇنى تۇرعىندارعا تۇرمىستىق بۇيىمداردى جەتكىزىپ بولعان ەرىكتى ماڭدايىنداعى تەردى ءسۇرتتى.
8 - ايدىڭ 5 - كۇنى پارتيالى ەرىكتى تۇرعىندارعا تۇرمىستىق زاتتىق ماتەريالداردى جەتكىزۋدە.
