سۋرەتىن ءتۇسىرىپ، حابارىن جازعان شينجياڭ گازەتىنىڭ جالپىلىق اقپارات قۇرالدارى تىلشىلەرى چاۋ جين، شيە لۇڭ
8 - ايدىڭ 13 - كۇنى اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ 3 - عيماراتىنىڭ 5 - ناۋقاستار اۋماعىندا باس سەسترا باي جى - اي (سولدان 2 -ادام) ”مەيىر ايالداماسى“ جىلجىمالى ارباسىن ناۋقاستار ءۇيىنىڭ ەسىك الدىنا يتەرىپ اپارىپ، ناۋقاستاردىڭ قاجەتتى بۇيىمداردى تاڭداپ الۋىنا مۇمكىندىك جاسادى.
”باباۋجوۋدان بىرەۋ اكەلىپ بەرسەڭىز، ءتىس شوتكىنى دە اۋىستىرسام ءجون ەدى...“، 8 - ايدىڭ 13 - كۇنى ساعات 20دا اۆتونوميالى رايون جاڭا تيپتى ايدارشا ۆيرۋس وكپە قابىنۋ ىندەتى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ 3 - عيمارات 5 - ناۋقاستار اۋماعىندا سەسترا ”مەيىر ايالداماسى“ جىلجىمالى ارباسىن يتەرىپ 509 - ءنومىرلى بالنيتسا ەسىگىنە جەتكەن كەزدە، ءبىر ناۋقاس وزىنە قاجەتتى بۇيىمداردى تاڭداپ الىپ جاتتى.
”الىڭىز، كەپتىرىلگەن جەمىستەن دە تولىقتاپ الۋ كەرەك“. وسى ناۋقاستار اۋماعىنداعى سەسترالار باستىعى باي جى - اي ءبىر قالتا كەپتىرىلگەن جەمىستى ناۋقاستىڭ قولىنا ۇسىندى.
”راقىمەت، مۇندا، راسىندا، كەرەكتىنىڭ ءبارى بار ەكەن - اۋ“. ناۋقاستار اۋماعىنداعى ”مەيىر ايالداماسىن“ تىلگە العاندا وسى ناۋقاس توتەنشە جاقىن سەزىندى.
”كوپتەگەن ناۋقاستىڭ الا كەلگەن كۇندەلىكتى تۇتىنۋ بۇيىمدارى تولىق ەمەس، سونىمەن بىرگە ءبىز دە ناۋقاستاردىڭ قورەكتىك زاتتارى مولىراق بولسىن دەپ ويلادىق“. باي جى - اي ەمدەۋ - كۇتىمدەۋ قىزمەتكەرلەرىن ۇيىمداستىرىپ، ناۋقاستار اۋماعىندا ”مەيىر ايالداماسىن“ قۇردى. ەمدەۋ - كۇتىمدەۋ قىزمەتكەرلەرىنىڭ وزدەرى بەرگەن جەمىس - جيدەك، ۇساق - تۇيەك ازىق - تۇلىكتەرى، شيپاحانا ءارقايسى ناۋقاستار اۋماعىنا سەپتەگەن جۋىنىپ - شايىنۋ، كيىم جۋۋ سياقتى تۇرمىستىق بۇيىمدارى تۇگەلدەي ەمدەۋ ارباسىنا ءتىزىلىپ قويىلعان، ناۋقاستاردىڭ تەگىن پايدالانۋىنا بولادى.
جىلجىمالى ”مەيىر ايالداماسى“ وسىلايشا جۇمىس باستادى، بۇيىمداردىڭ كەم - كەتىگى دەرلىكتەي ءار كۇنى تولىقتانىپ تۇرادى. شاعىن عانا ”مەيىر ايالداماسى“ جىلى سۇيىسپەنشىلىك جەتكىزىپ، مەيىرىم ۇيىستىرىپ تۇر.
”سىزدەردىڭ تاباندىلىقتارىڭىزدان، ءبىز ءبارىنىڭ دە جاقساراتىندىعىنا سەنەمىز“. 5 - ناۋقاستار اۋماعىنىڭ ”ساۋىعۋ شاتتىعى“ ۋيچات توبىندا ناۋقاستار ەمدەۋ - كۇتىمدەۋ قىزمەتكەرلەرىنە العىستارىن ءبىلدىردى، سونداي - اق ءوزارا شابىتتاندىرىپ، ءبىر - ءبىرىن جىگەرلەندىردى.
”ەمدەۋ - كۇتىمدەۋ قىزمەتكەرلەرى وزدەرىنىڭ ەڭ ۇلكەن قۇلشىنىسىن سارقا جۇمساپ، قىزمەتتى بارىنشا ىجداعاتتىلىقپەن ىستەگەندە عانا، ناۋقاستار الاڭسىز ەمدەلىپ، ەرتەرەك ساۋىعىپ شىعادى“، - دەدى وسى ناۋقاستار اۋماعىنىڭ مەڭگەرۋشىسى ۋاڭ لي.
