دياگنوزى تۇراقتاندىرىلعان تاعى 49 ناۋقاس ساۋىعىپ شيپاحانادان شىقتى
بۇل وسى جولعى ىندەت باستالعاننان بەرى ءبىر كۇندە شيپاحانادان شىققان ادام سانى ەڭ كوپ ءبىر كۇن بولدى
شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 13 - كۇنى ۇرىمجىدەن حابارلايدى. ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىمىزشا، 8 - ايدىڭ 12 - كۇنى ءۇرىمجى قالاسىنىڭ جاڭادان ارتقان دياگنوزى تۇراقتاندىرىلعان ناۋقاس سانى ءۇرتىس 11 - كۇن تومەندەپ، ءبىر كۇندەگى ساۋىعىپ شيپاحانادان شىققان دياگنوزى تۇراقتاندىرىلعان ناۋقاستار مەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلار جالپى سانى ءۇرتىس 6 - كۇن جاڭادان مالىمدەلگەن جۇعىمدالۋشىلار سانىنان اسىپ، ىندەتتەن ساقتانۋ - تىزگىندەۋدىڭ جاقسارۋ اۋقىمى ۇزدىكسىز بەكەمدەلگەن.
8 - ايدىڭ 12 - كۇنى ساعات 0دەن 24كە دەيىن ءۇرىمجى قالاسىندا مالىمدەلگەن جاڭادان قوسىلعان جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاس 8، بۇلار بارلىعى شوعىرلى مەديتسينالىق باقىلاۋدى قابىلداعان ادامدار؛ جاڭادان قوسىلعان اۋرۋ بەلگىسى جوق جۇعىمدالۋشىلار 5 ادام بولعان. 8 - ايدىڭ 12 - كۇنى ساعات 24كە دەيىن ءۇرىمجى قالاسىندا قازىر دياگنوزى تۇراقتاندىرىلعان 503 ناۋقاس، اۋرۋ بەلگىسى جوق 129 جۇعىمدالۋشى بار.
باقىلاۋ مەرزىمىنىڭ تولۋىنا ىلەسە، ءۇرىمجى قالاسىنداعى شارتقا ۇيلەسەتىن كەيبىر شوعىرلى مەديتسينالىق باقىلاۋ قابىلداعان جاقىن جۋىسۋشىلار ىركەس - تىركەس مەديتسينالىق باقىلاۋدان بوساتىلىپ ۇيلەرىنە قايتارىلدى، قازىر شوعىرلى مەديتسينالىق باقىلاۋ قابىلداعان جاقىن جۋىسۋشىلار سانى 13 مىڭ 548گە تومەندەدى.
گازەتىمىزدىڭ جالپىلىق اقپارات قۇرالدارى ءتىلشىسى چاۋ جين 8 - ايدىڭ 13 - كۇنى ۇرىمجىدەن حابارلايدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى ەمدەۋ - قۇتقارۋ ماماندارىنىڭ بىرلەسىپ دياگنوز قويۋىنان، ساراپتاۋىنان كەيىن، 8 - ايدىڭ 13 - كۇنى ءۇرىمجى قالاسىندا تاعى دياگنوزى تۇراقتاندىرىلعان 49 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن، ساۋىعىپ شيپاحانادان شىقتى، بۇل وسى جولعى ىندەت باستالعاننان بەرى ءبىر كۇندە ساۋىعىپ شيپاحانادان شىققان ادام سانى ەڭ كوپ ءبىر كۇن بولعان. سول كۇنى اۋرۋ بەلگىسى جوق تاعى 5 جۇعىمدالۋشى مەديتسينالىق باقىلاۋدان بوساتىلدى. قازىرگە دەيىن دياگنوزى تۇراقتاندىرىلعان 351 ناۋقاس ساۋىعىپ شيپاحانادان شىعىپ، اۋرۋ بەلگىسى جوق 100 جۇعىمدالۋشى مەديتسينالىق باقىلاۋدان بوساتىلىپ، جالپى سانى 451 بولدى.
اۆتونوميالى رايون جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ، ەمدەۋگە بەلگىلەگەن شيپاحانانىڭ بىرلەسكەن ەمدەۋ ىستەرى ءبولىمىنىڭ مەڭگەرۋشىسى لەي ۋي بىلاي دەدى تانىستىردى: 8 - ايدىڭ 13 - كۇنى دياگنوزى تۇراقتاندىرىلعان 49 ناۋقاس ساۋىعىپ شيپاحانادان شىعىپ، وسىنىڭ الدىنداعى ەڭ كوپ بولعان 8 - ايدىڭ 9 - كۇنگى 47 ناۋقاستىڭ شيپاحانادان شىعۋىنان استى، بارعان سايىن كوپ ناۋقاستاردىڭ جازىلىپ شيپاحانادان شىققانىن كورىپ، سەنىمىمىز ارتا ءتۇستى. وسى رەت جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، مەملەكەتتىڭ ۇزدىك ماماندار ۇجىمى تۇيىندەردە تۇرىپ جەتەكشىلىك ەتىپ، اۆتونوميالى رايوننىڭ ماماندار گرۋپپاسى قولداۋ كورسەتىپ، سايكەسىپ، قالىڭ ەمدەۋ - كۇتىمدەۋ قىزمەتكەرلەرى بار كۇشتەرىن سالىپ، جۇڭگوشا شيپاگەرلىك پەن باتىسشا شيپاگەرلىكتى ۇشتاستىرۋعا تاباندى بولىپ، تۇرگە ءبولىپ قۇتقارۋ - ەمدەۋ، دارەجەگە ءبولىپ باسقارۋ جۇمىسىن جۇرگىزدى، كلينيكالىق ەمدەۋ ونىمىنەن قاراعاندا، اۋرۋ بارىسىن ءونىمدى قىسقارتىپ، ەمدەپ ساۋىقتىرۋ مولشەرى كورنەكتى جوعارىلاعان. ەندىگى جەردە ءبىز ءتۇيىندى تۇردە نازاردى سالماقتى، قاتەرلى جاڭا تيپتى ايدارشا ۆيرۋس وكپە قابىنۋ ناۋقاستارىن ەمدەۋدەگى قيىن تۇيىندەرگە شوعىرلاندىرىپ، وتكەلدى الدىعا جىلجىتىپ، اۋرۋىنا قاراي ەمدەپ، وسى ناۋقاستاردىڭ ەرتەرەك ساۋىعىپ شيپاحانادان شىعۋىنا مۇمكىندىك جاسايمىز.
