تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكومنىڭ بەينە ەكران ءماجىلىسى ىندەتتەن ساقتانۋ - تىزگىندەۋ قىزمەتىن قايتالاي ورنالاستىردى، قايتالاي جايعاستىردى

سەنىمدى بەكەمدەپ، ۇزدىكسىز كۇش سالىپ، قامال الىپ، قيىندىقتاردى جەڭىپ، ىندەتتەن ساقتانۋ - تىزگىندەۋ تابىستارىن ۇزدىكسىز بەكەمدەۋ، كەڭەيتۋ كەرەك

چىن چۋانگو ماجىلىسكە قاتىناستى ءارى ءسوز سويلەدى

شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 8 - ايدىڭ 13 - كۇنى ۇرىمجىدەن حابارلايدى. 8 - ايدىڭ 13 - كۇنى كەشتە اۆتونوميالى رايوندىق پارتكوم بەينە ەكران ءماجىلىسىن اشىپ، ىندەتتەن ساقتانۋ - تىزگىندەۋ قىزمەتىن قايتالاي ورنالاستىردى، قايتالاي جايعاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.

  اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى شوكىرات زاكىر ءماجىلىستى باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، ياڭ شين، جاڭ چۇنلين قاتارلىلار ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ماجىلىستە ىندەتتەن ساقتانۋ - تىزگىندەۋ قىزمەتىن تاباندىلىقپەن ويداعىداي يگەرۋ جونىندە ناقتى ورنالاستىرۋ جاسادى.

  چىن چۋانگو سوزىندە بىلاي دەپ اتاپ كورسەتتى: ىندەت تۋىلعاننان بەرى، ءبىز ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا باستان - اياق تاباندى بولىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابى بويىنشا، ىندەتتەن ساقتانۋ - تىزگىندەۋ قىزمەتىن جاپپاي ورىستەتتىك. قاجىرلىلىقپەن قۇلشىنۋدىڭ ناتيجەسىندە ىندەتتەن ساقتانۋ - تىزگىندەۋدىڭ جاقسى جاعدايعا بەت الۋى ۇزدىكسىز بەكەمدەلە ءتۇستى. ءبىراق، قازىر ىندەت جاعدايى ءالى دە اۋىر، كۇردەلى ەكەندىگىن، ساقتانۋ - تىزگىندەۋ ەڭ ماشاقاتتى قامال الۋ كەزەڭىندە تۇرعاندىعىن سەرگەكتىكپەن كورە ءبىلۋىمىز كەرەك. بارلىق جاپا - ماشاقاتتى، قيىنشىلىقتى، حاۋىپ - قاتەردى، كەدەرگىلەردى جەڭىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋىمىز كەرەك.

  چىن چۋانگو بىلاي دەپ باسا دارىپتەدى: سەنىمدى بەكەمدەپ، ۇزدىكسىز كۇش سالىپ، قامال الىپ، قيىندىقتاردى جەڭىپ، سالعىرتسۋ يدەياسىن، شايقاستان جالىعۋ پيعىلىن، باق سىناۋ ويىن، بوساڭسۋ كوڭىل كۇيىن باتىل تيىپ، ”ءتورت ەرتە بولۋ“ تالابىن تياناقتاندىرىپ، ”ءتورت جاقتىڭ جاۋاپكەرشىلىگىن“ كۇشەيتىپ، ىندەتتەن ساقتانۋ - تىزگىندەۋ قىزمەتتەرىن تيتتەي دە بوساڭسىماستان ناقتى، ەگجەي - تەگجەيلى، تياناقتى تۇردە يگەرىپ، ساقتانۋ - تىزگىندەۋ تابىستارىن ۇزدىكسىز بەكەمدەۋ، قامال الۋ شايقاسىنىڭ جەتىستىكتەرىن كەڭەيتۋ كەرەك.

  ءبىرىنشى، قىزمەت ستيلىنە بۇرىلىس جاساۋعا ۇزدىكسىز كۇش سالۋ كەرەك. باستان - اياق شايقاستىق كۇيدى ساقتاپ، قايتپاس قايسارلىقپەن، ءار ۇلت حالىق بۇقاراسىنىڭ ءومىرىنىڭ حاۋىپسىزدىگىنە وسكەلەڭ جاۋاپتى بولۋ پوزيتسياسىمەن، شەشۋشى شايقاسقا شىعۋ ەرلىگىمەن، قامال الىپ، قيىندىقتاردى جەڭۋ جىگەرىمەن، قامال بۇزاتىن باتىلدىقپەن ۋاقىتتى ۇتىپ، كۇندى تۇنگە جالعاپ، ۋاقىتپەن جارىسىپ، ۆيرۋسپەن بەلدەسىپ، ارقاۋدى باستان - اياق مىقتاپ شيراتىپ، جەتكىلىكتى كۇش توپتاپ، ىندەتتەن ساقتانۋ - تىزگىندەۋ قىزمەتىن تيتتەي دە بوساڭسىماستان ويداعىداي يگەرىپ، قامال الۋ شايقاسىنىڭ جەڭىسىنە قول جەتكىزۋ جولىندا قايسارلىقپەن كۇرەسۋ كەرەك.

  ەكىنشى، عىلمي، دالمە - ءدال ساقتانۋ - تىزگىندەۋگە ۇزدىكسىز كۇش سالۋ كەرەك. ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شاراسىن قاز - قالپىندا تياناقتاندىرىپ، عىلمي پوزيتسيا، عىلمي ءادىس ارقىلى دالمە - ءدال، ىجداعاتتىلىقپەن ساقتانۋ - تىزگىندەۋ كەرەك. ساقتانۋ - تىزگىندەۋ كۇشتەرىنىڭ نەگىزگى ساتى ءبىرىنشى شەبىنە بارۋىن ىلگەرىلەتىپ، الەۋمەتتىك اۋماقتاعى، اۋىل - قىستاقتاعى ساقتانۋ - تىزگىندەۋ شارالارىنىڭ تياناقتانۋىن اشالاپ، وتباسىلارىنا، ادامدارعا دەيىن دالمە - ءدال تياناقتاندىرىپ، ءبىرىنشى قورعانىس شەبىنىڭ توسقاۋىلدىق رولىن ويداعىداي ساۋلەلەندىرۋ؛ شوعىرلى مەديتسينالىق باقىلاۋ تۇيىندەرىندەگى ساقتانۋ - تىزگىندەۋدى باسقارۋدى ارناعا ءتۇسىرىپ، سالاماتتىقتى شارلاپ تەكسەرۋدى، قىزمەت وتەۋمەن قامتاماسىزداندىرۋدى، پسيحيكالىق جەتەكشىلىك ەتۋدى ويداعىداي ىستەۋ كەرەك؛ نۋكلەين قىشقىلىن تەكسەرىپ ەكشەۋدىڭ رولىن اناعۇرلىم ساۋلەلەندىرىپ، دەن قويا ۇيىمداستىرىپ، قىزمەت ءتارتىبىن ارناعا ءتۇسىرىپ، نۋكلەين قىشقىلىن تەكسەرۋدە بولىمدى بولعانداردى جالپى بارىستىق تۇيىق اينالىمدى باسقارۋدى كەمەلدەندىرۋ؛ ەپيدەميولوگيالىق تەكسەرۋ، تەگىن انىقتاۋ تەبىنىن كۇشەيتىپ، دالمە - ءدال ساقتانۋ - تىزگىندەۋدىڭ ونىمدىلىگىن جوعارىلاتۋ؛ قىزۋ امبولاتورياسىن باسقارۋدى كۇشەيتىپ، العاشقى دياگنوز قويۋعا جاۋاپتى بولۋ ءتۇزىمىن ويداعىداي تياناقتاندىرىپ، شيپاحانادا جۇعىمدالۋدان قاتاڭ ساقتانۋ؛ قالا، اۋىل ورتاسىنىڭ تازالىعىن جونگە سالۋدى ىشكەرىلەي ورىستەتۋ، جاڭا داۋىردەگى وتانشىلدىق تازالىق قيمىلىن جاپپاي ورىستەتۋ كەرەك.

  ءۇشىنشى، ناۋقاستاردى بار كۇشپەن قۇتقارۋ - ەمدەۋگە ۇزدىكسىز كۇش سالۋ كەرەك. ناۋقاستاردى شوعىرلاندىرۋعا، مامانداردى شوعىرلاندىرۋعا، بايلىقتى شوعىرلاندىرۋعا، قۇتقارۋ - ەمدەۋدى شوعىرلاندىرۋعا تاباندى بولىپ، جوعارى ورەلى ۇجىمنىڭ سەلبەسە قامال الۋىن، كوپ ءپان ماماندارىنىڭ بىرلەسىپ قامال الۋىن جەبەۋ؛ مەملەكەتتىڭ 7 - نۇسقاداعى دياگنوز قويۋ جانە ەمدەۋ جوباسىن قاتاڭ اتقارىپ، جۇڭگوشا شيپاگەرلىك پەن باتىسشا شيپاگەرلىكتى ۇشتاستىرۋعا ءمان بەرىپ، ءبىرىڭعاي، جۇيەلى ەمدەۋدى ىلگەرىلەتۋ؛ سالماقتى ناۋقاستار ءۇشىن ءبىر ادامعا ءبىر ءادىس قولدانۋ، جەڭىل ناۋقاستار مەن اۋرۋ بەلگىسى جوق جۇعىمدالۋشىلار ءۇشىن ەرتە الدىن الۋ مەن ەمدەۋدى كۇشەيتۋ، شيپاحانادان شىققان ناۋقاستاردى قايتا كورۋ، قايتا تەكسەرۋ، ساۋىعۋىنا جەتەكشىلىك ەتۋ قىزمەتىن جاقسى ىستەۋ؛ ەمدەۋ زاتتىق ماتەريالدارىن، قورعانۋ جابدىقتارىن، قۇتقارۋ - ەمدەۋ جابدىقتارىن دايىنداۋ، جەتكىزۋ ونىمدىلىگىن كۇش سالا جوعارىلاتىپ، ءبىرىنشى شەپتىڭ قاجەتىن بار كۇشپەن قامتاماسىز ەتۋ كەرەك.

  ءتورتىنشى، بۇقاراعا شىنايى سۇيىسپەنشىلىكپەن قىزمەت وتەۋگە ۇزدىكسىز كۇش سالۋ كەرەك. بۇقاراعا قىزمەتتى سۇيىسپەنشىلىكپەن، جاۋاپكەرشىلىكپەن ىستەپ، تالاپ - تىلەك، قيىنشىلىقتارىن دەر كەزىندە يگەرىپ، الاڭنان ارىلتىپ، قيىنشىلىقتارىن شەشىپ، تۇرمىستىق قاجەتتى بۇيىمداردى وكىلەتتى ساتىپ الىپ تاراتۋ، قيىنشىلىعى بار وتباسىلارىنا كوڭىل ءبولۋ، قامقورلىق جاساۋ جانە بۇقاراعا پسيحيكالىق جەتەكشىلىك ەتۋ سياقتى قىزمەتتەردى بايىپتىلىقپەن ىستەپ، جاقىن جان اشىر جانە تىرەگى بولۋ؛ ساقتانۋ - قورعانۋ بىلىمدەرى مەن ساياسات - شارالاردى ۇگىتتەۋ، ءتۇسىندىرۋدى كۇشەيتىپ، بۇقارانى ىندەتتى دۇرىس تانۋعا جەتەكتەپ، ساقتانۋ تانىمىن جوعارىلاتۋ؛ بۇقارانىڭ نەگىزگى تۇرمىسىن قامتاماسىزداندىرۋدى ىشكەرىلەي ىجداعاتتىلىقپەن جاقسى ىستەپ، ”استىققا“، ”كوجە قاتىققا“ جاۋاپتى بولۋ ءتۇزىمىن قاتاڭ تياناقتاندىرىپ، زاتتىق ماتەريالدار دايىنداۋ، ورنالاستىرۋ مەن بازارداعى قامداۋدى كۇشەيتىپ، قاتىناس - تاسىمالدىڭ ىركىلىسسىزدىگىن ساقتاۋ، قامداۋدىڭ جەتكىلىكتى، ساپاسىنىڭ جاقسى، باعانىڭ تۇراقتى بولۋىنا شىنايى كەپىلدىك ەتۋ كەرەك.

  بەسىنشى، كوڭىل ءبولۋ، قامقورلىق جاساۋعا ۇزدىكسىز كۇش سالۋ كەرەك. ەمدەۋ قىزمەتكەرلەرى − ىندەتتى جەڭۋدەگى تىرەكتى كۇش، ناقتى دا جارامدى شارالاردى قولدانىپ، ءىس جۇزىندىك قيىنشىلىقتاردى، ماسەلەلەردى شەشىپ، ادامداردى كەزەكپەن دەمالۋعا ۇيلەسىمدى ورنالاستىرىپ، حاۋىپسىزدىكتى قامتاماسىز ەتۋ جانە پسيحيكالىق جەتەكشىلىك ەتۋدى كۇشەيتىپ، ولاردىڭ تىرەكتىك رولىن ويداعىداي ساۋلەلەندىرۋ؛ قالىڭ الەۋمەتتىك اۋماق قىزمەتكەرلەرى، ەرىكتىلەر سياقتى ساقتانۋ - تىزگىندەۋدىڭ ءبىرىنشى شەبىندەگى قىزمەتكەرلەرگە ويداعىداي كوڭىل ءبولىپ، تۇرمىس، ىندەتتەن ساقتانۋ، گۋمانيتارلىق قامقورلىق سياقتى جاقتارداعى قامتاماسىزداندىرۋدى جان - جاقتى ويداعىداي ىستەپ، پارمەندى قولداۋ كورسەتىپ، ۋايىمنان ارىلتۋ كەرەك.

  التىنشى، جاۋاپكەرشىلىكتى تياناقتاندىرۋدى مىقتى يگەرۋگە ۇزدىكسىز كۇش سالۋ كەرەك. ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋدە ناقتى، تىڭعىلىقتى، تياناقتى ىستەۋ ەڭ قاجەتتى. ءار دارەجەلى كادرلار ماسەلەنى باعدار ەتۋگە، ونىمدىلىكتى باعدار ەتۋگە تاباندى بولىپ، ءبىرىنشى شەپكە ىشكەرىلەي بارىپ جاعدايدى ۇعىسىپ، ماسەلەنى شەشىپ، كوڭىلىندە سان بولۋى، قولداناتىن ءادىس - امالى بولۋى؛ فورماشىلدىقتى، تورەشىلدىكتى باتىل جويىپ، ءبىر دارەجە ءبىر دارەجەگە ىستەپ كورسەتىپ، ءبىر دارەجە ءبىر دارەجەنى جەتەكتەي ىستەپ، جاۋاپكەرشىلىكتى ساتىلار بويىنشا تياناقتاندىرىپ، قىسىمدى ساتىلار بويىنشا جەتكىزىپ، جۇمىستى ءبىر جولاتا سوڭىنا شىعارىپ، جاۋاپكەرشىلىك ناقتىلانعان، ءار بۋىن قاپىسىز قابىسقان ”جاۋاپكەرشىلىك تىزبەگىن“ قالىپتاستىرۋى، ءارقانداي ءبىر جەردە قالتارىس قالدىرماۋى، ءارقانداي ءبىر بۋىندا اعاتتىق جىبەرمەۋى؛ جاۋاپكەرشىلىك ءتۇزىمى مەن جاۋاپكەرشىلىكتى قۋزاۋ ءتۇزىمىن قاتاڭ تياناقتاندىرىپ، تياناقتانباعان ءىستىڭ تياناقتاندىرماعان ادامىن تەكسەرىپ، جاۋاپكەرشىلىك ارقالاماعانداردى، ءىس تىندىرماعانداردى، ستيلدە تۇرلاۋسىزدىق ىستەگەندەردى، قىزمەتتە تياناقتاندىرۋعا نەمقۇرايدى قاراعانداردى، جاۋاپكەرشىلىكتەن قاشقالاقتاعانداردى، ءبىر - بىرىنە يتەرمەلەگەندەردى ءتارتىپ، زاڭ بويىنشا جاۋاپكەرشىلىگىن قاتاڭ قۋزاۋ، جاۋاپقا تارتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.