تيانشان تورىنىڭ حابارى (سۋرەتىن ءتۇسىرىپ، حابارىن جازعان تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن). 8 - ايدىڭ 15 - كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ساقتانۋ ـ تىزگىندەۋ قىزمەتى جونىندەگى 29 ـ رەتكى اقپار جاريالاۋ ٴماجىلىسىن وتكىزدى.
ٴۇرىمجى قالالىق حالىق ىستەرى مەكەمەسىنىڭ باستىعى ۋ تيڭ بىلاي دەپ تانىستىردى: ىندەت تۋىلعاننان كەيىن، ٴۇرىمجى قالاسى ەڭ تومەنگى تۇرمىسى قامتاماسىزداندىرىلاتىن وتباسى سياقتى قيىنشىلىعى بار وتباسىلارىنىڭ نەگىزگى تۇرمىسىن قامتاماسىز ەتۋدى ماڭىزدى ورىنعا قويىپ، حالىق ىستەرىنىڭ ەڭ تومەنگى شەكتەن تۇسىرمەي قامتاماسىزداندىرۋ شارالارىن قاتاڭ تياناقتاندىرىپ، ناقتى زات پەن ناق اقشانى ۇشتاستىرۋ ٴتاسىلىن قولدانىپ، قيىنشىلىعى بار وتباسىلارىنا كومەك بەرۋدى جاپپاي ورىستەتتى. اسىرەسە، قيىنشىلىعى بار وتباسىلارىن ەت، جۇمىرتقا، ءۇي قۇستارى قاتارلى تۇرمىستىق بۇيىمدارمەن قامتاماسىزدندىرۋمەن بىرگە، بەلگىلەنگەن مەرزىمدە كوكونىس قالتاسىن تاراتىپ، ىندەتتەن ساقتانۋ - تىزگىندەۋ مەزگىلىندە قيىنشىلىعى بار وتباسىلارىنىڭ نەگىزگى تۇرمىسىن مۇمكىندىكتىڭ بارىنشا قامتاماسىز ەتتى.
”7 ـ ايدىڭ 24 ـ كۇنى ٴبىز بۇكىل قالاداعى قيىنشىلىعى بار 9367 وتباسىنا 100 توننا كوكونىس جانە قۇنى 240 مىڭ يۋاندىق قوسىمشا ازىق ـ تۇلىكتى تەگىن تاراتتىق. ’قۇربان ايت‘ قارساڭىندا، ٴار ادامعا 500 يۋاندىق ولشەم بويىنشا، قالا - اۋىلدارداعى ەڭ تومەنگى تۇرمىسى قامتاماسىزداندىرىلاتىن وتباسىلار سياقتى قيىنشىلىعى بار بۇقاراعا جۇمىرتقا، قوي ەتىن تاراتتىق، جالپى 25 توننا جۇمىرتقا، 33 توننا تاۋىق ەتى، 71 توننا قوي ەتى تاراتىلدى“،- دەدى ۋ تيڭ ، ”8 - ايدىڭ 2 - كۇنىنەن باستاپ، ءار وتباسىنا 300 يۋاندىق ولشەم بويىنشا، قيىنشىلىعى بار وتباسىلارىنا بەلگىلى ۋاقىتتا كوكونىس قالتاسىن تەگىن تاراتتىق“.
ٴبىرىنشى، رايون اتتاپ بىرلەسىپ قيمىلداپ، دالمە ـ ٴدال قامتاماسىز ەتتىك. ٴبىر ٴبولىم ەڭ تومەنگى تۇرمىسى قامتاماسىزداندىرىلاتىن وبيەكتىلەر مەن بىتىراندى قونىستانعان ەرەكشە قيىنشىلىعى بار وتباسىلارىنىڭ ءبولىنۋ جاعدايىنا قاراتا، ٴارقايسى رايون (اۋدان) ساندى مالىمەتتى دالمە - ءدال جاساپ، ينفورماتسيادان ورتاق يگىلىكتەنۋدى، رايون اتتاپ بىرلەسىپ قيمىلداۋدى، تىعىز سايكەسۋدى جۇزەگە اسىرىپ، قيىنشىلىعى بار بۇقارانىڭ ناقتى قونىستانعان جەرىندەگى حالىق ىستەرى تاراۋلارى كوكونىستى دەر كەزىندە ٴاربىر وتباسىنا دالمە ـ ٴدال جەتكىزىپ بەرۋگە جاۋاپتى بولدى.
ەكىنشى، كوكونىستىڭ ءتۇرىن كوبەيتىپ، قاجەتكە قاراي قامتاماسىزداندىردىق. قامتاماسىزداندىرىلاتىن وبيەكتىلەردىڭ ٴىس جۇزىندىك قاجەتىنە ساي، جەتكىزىلەتىن كوكونىس قالتاسىنىڭ ٴتۇرىن دەر كەزىندە رەتتەپ، تاراتۋ رەت سانىن كوبەيتىپ (ورتا ەسەپپەن ءار 3 كۇندە ءبىر رەت تاراتتىق)، قيىنشىلىعى بار وتباسىلاردىڭ جاڭا، ماۋسىمدىق كوكونىس جەۋىن بار كۇشپەن قامتاماسىزداندىردىق.
ٴۇشىنشى، ٴىس جۇزىندىكپەن ۇشتاستىرىپ، تۇرگە ٴبولىپ قامتاماسىزداندىردىق. ءىشىنارا رايوندار (اۋدان) اڭىس ەتكەن اۋىل - قىستاقتارداعى قيىنشىلىعى بار وتباسىلاردىڭ نەگىزىنەن وزدەرى ەككەن كوكونىستى تۇتىناتىندىعىن، ولارعا كەرەگى كۇرىش، ۇن، ماي سياقتى زاتتار بولاتىندىعىنا قاراتا، ۋاعىندا رەتتەۋ جۇرگىزىپ، قىستاقتاعى قيىنشىلىعى بار وتباسىلارعا كۇرىش، ۇن، ماي جانە قوسىمشا ازىق - تۇلىك قاتارلى تۇرمىستىق بۇيىمداردى تاراتىپ بەرىپ، قيىنشىلىعى بار وتباسىلاردىڭ ٴىس جۇزىندىك قاجەتىن بار كۇشپەن قامتاماسىزداندىردىق.
ۋ تيڭ تانىستىرىپ بىلاي دەدى: 8 - ايدىڭ 2 - كۇنىنەن بەرى، قيىنشىلىعى بار وتباسىلارىنا ءۇش رەت جالپى 30 مىڭنان استام كوكونىس قالتاسىن تاراتتىق. كەلەسى قادامدا، قيىنشىلىعى بار وتباسىلاردىڭ قاجەتىنە ساي، قىزمەت امالياتىمەن ۇشتاستىرا وتىرىپ، قيىنشىلىعى بار وتباسىلارىن قامتاماسىزداندىرۋ ساياساتى مەن شارالارىن ۇزدىكسىز كەمەلدەندىرىپ، قامتاماسىزداندىرۋ قىزمەتىن ەگجەي - تەگجەيلى، ناقتى ىستەۋگە كۇش سالىپ، قيىنشىلىعى بار بۇقارانىڭ كوڭىلىنەن شىعامىز.
