تيانشان تورىنىڭ حابارى (سۋرەتىن ءتۇسىرىپ، حابارىن جازعان تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن). 8 - ايدىڭ 15 - كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ساقتانۋ ـ تىزگىندەۋ قىزمەتى جونىندەگى 29 ـ رەتكى اقپار جاريالاۋ ٴماجىلىسىن وتكىزدى.
ٴۇرىمجى قالاسى 120 شۇعىل قۇتقارۋ ورتالىعىنىڭ شۋجيى ۋاڭ شياڭسۇڭ بىلاي دەپ تانىستىردى: ىندەتتەن ساقتانۋ - تىزگىندەۋ كەزىندە، ارناۋلى ىستەتىلەتىن نەگاتيۆتى قۇتقارۋ كولىگىن ۇيىمداستىرىپ جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى وتكەرمەلەپ تاسىمالداپ قۇتقارۋ - ەمدەۋ قىزمەتىن جاقسى ىستەۋمەن بىرگە، 120 شۇعىل قۇتقارۋ ورتالىعى كۇشتى شوعىرلاندىرىپ، قالا تۇرعىندارىنىڭ كۇندەلىكتى شۇعىل قۇتقارۋ قىزمەتىن ءۇش جاقتان جاقسى ىستەپ، قالا تۇرعىندارىنىڭ دەر كەزىندە قۇتقارىلىپ - ەمدەلۋىنە شىنايى كەپىلدىك ەتتى.
ٴبىرىنشى، 120 شۇعىل قۇتقارۋ تەلەفوننىڭ جالعانۋ مولشەرى جوعارىلاتىلدى. ىندەت كەزىندە 120 تەلەفوننىڭ جالعانۋ مولشەرىن جوعارىلاتۋ ٴۇشىن، دابىل قابىلداۋ تارماق تەلەفونى جانە 120 قابىلداۋ تەلەفونى كوبەيتىلىپ، كاسىپتىك قىزمەتكەرلەر اجىراتىلىپ، جونەلتۋ قولباسشىلىق ورنىنا تولىقتىرىلدى.
ەكىنشى، قۇتقارۋ - ەمدەۋ ۋاقىتى قىسقارتىلدى. قالا تۇرعىندارى شۇعىل قۇتقارۋ تەلەفونىن جالعاعاننان كەيىن، 120 قولباسشىلىق - جونەلتۋ ورتالىعى ناۋقاستىڭ نەگىزگى ينفورماتسياسىن دەرەۋ دابىل قابىلداۋ تەكشەسىنە كىرگىزەدى ءارى قۇتقارۋ اۆتوكولىگىندەگى ينفورماتسيا تەرمينالىنا جەتكىزەدى. قۇتقارۋ اۆتوكولىگى ناۋقاستىڭ تۇرعان ورنىنا جەتۋدەن بۇرىن، قۇتقارۋ اۆتوكولىگىمەن بىرگە جۇرگەن مەديتسينا قىزمەتكەرلەرى ناۋقاس ايتقان ءونىمدى ينفورماتسياعا نەگىزدەلىپ، الدىن الا سايكەستى شۇعىل قۇتقارۋ شارالارىن دايىندايدى.
ٴۇشىنشى، شۇعىل قۇتقارۋ اۆتوكولىگىنىڭ سانى كوبەيتىلدى. ىندەت تۋىلعاننان بەرى، ءۇرىمجى قالاسىنىڭ كۇندەلىكتى شۇعىل قۇتقارۋ قىزمەت مولشەرىنىڭ ارتۋى سىندى ءىس جۇزىندىك جاعدايعا قاراتا، اۆتونوميالى رايوندىق دەنساۋلىق ساقتاۋ، سالاماتتىق كوميتەتى ٴبىر تۇتاس ورنالاستىرىپ، بۇكىل شينجياڭنىڭ ءارقايسى ايماق، وبلىسىنان 45 شۇعىل قۇتقارۋ اۆتوكولىگىن ٴۇرىمجى قالاسىنا كومەككە اكەلدى، قىزمەتكەرلەردى باۋلۋ، زاتتىق ماتەريالداردى تاراتۋ جانە رەتكە ءتۇسىرۋ ارقىلى 8 - ايدىڭ 9 - كۇنىنەن باستاپ كۇندەلىكتى وتكەرمەلەپ تاسىمالداۋ، قۇتقارۋ - ەمدەۋ قىزمەتى قانات جايدىرىلىپ، ناۋقاستىڭ توسۋ ۋاقىتى بارىنشا قىسقارىپ، قۇتقارۋ - ەمدەۋ ونىمدىلىگى جوعارىلاتىلدى.
