شينجياڭ گازەتىنىڭ جالپىلىق اقپارات قۇرالدارى تىلشىلەرى چاۋ جين، سۋ لۋپيڭ 8 - ايدىڭ 14 - كۇنى ۇرىمجىدەن حابارلايدى. شينجياڭنىڭ جاڭا تيپتى ايدارشا ۆيرۋس وكپە قابىنۋ بويىنشا سالماقتى، قاتەرلى سالماقتى ناۋقاستاردى قۇتقارۋ - ەمدەۋ كۇشتەرىن ونان ارى نىعايتۋ ءۇشىن، جۋىقتا مەملەكەتتىك دەنساۋلىق ساقتاۋ، سالاماتتىق كوميتەتى دۇڭنان داشۋەسىنە قاراستى جۇڭدا شيپاحاناسى، سىچۋان داشۋەسىنە قاراستى حۋاشي شيپاحاناسى، بەيجيڭ شيەحى شيپاحاناسى، سۋبەي حالىق شيپاحاناسى، حاربين مەديتسينا داشۋەسىنە قاراستى 1 - شيپاحانا، جۇڭشان داشۋەسىنە قاراستى 1 - شيپاحانا سياقتى 6 شيپاحانادان شىعارىلعان سالماقتى اۋرۋلار مەديتسينالىق ءبولىمىنىڭ 18 شيپاگەرى مەن سەستراسىنان ۇيىمداستىرىلعان مەملەكەتتىك سالماقتى اۋرۋلار مەديتسينالىق ەمدەۋ اترەتىن ىندەتكە قارسى اتتانۋعا كومەكتەسۋگە جىبەردى.
8 - ايدىڭ 13 - كۇنى اۆتونوميالى رايون جاڭا تيپتى ايدارشا ۆيرۋس وكپە قابىنۋ ىندەتى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانادا بىرلەسكەن مامانداردىڭ دياگنوز قويۋىنا قاتىناسقاننان كەيىن، مەملەكەتتىك سالماقتى اۋرۋلار مەديتسينالىق ەمدەۋ اترەتىنىڭ مۇشەلەرى ناۋقاستار اۋماعىنا كىرىپ، قىزمەتتەرىن باستادى.
”مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ تالابى بويىنشا، وسى جولعى جاڭا تيپتى ايدارشا ۆيرۋس وكپە قابىنۋىنا شالدىققان ناۋقاستاردى قۇتقارۋ - ەمدەۋ بارىسىندا، ءبىزدىڭ ءتۇيىندى قىزمەتىمىز كوپ شارانى بىردەي قولدانىپ، جەڭىل جانە جاي ناۋقاستاردىڭ سالماقتى ناۋقاسقا اينالۋىنان ساقتانۋ، سونىمەن بىرگە كۇشتەردى شوعىرلاندىرىپ، سالماقتى جانە قاتەرلى ناۋقاستاردى قۇتقارىپ - ەمدەپ، ساۋىقتىرۋ مولشەرىن شىن مانىندە جوعارىلاتىپ، اۋرۋدان ءولۋ سالىستىرماسىن تومەندەتۋ“. بەلگىلەنگەن شيپاحانانىڭ ورىنباسار باستىعى لۋ چىن بىلاي دەپ تانىستىردى: بەلگىلەنگەن شيپاحانا تۇتاس شينجياڭداعى سالماقتى اۋرۋلار مەديتسيناسىنىڭ بىرەگەي قوسىنىن جيناپ، بىرىكتىرىپ، ICU ناۋقاستار اۋماعىن قۇرىپ، 76 شيپاگەر، 330 كۇتىمدەۋ قىزمەتكەرىن ورنالاستىردى؛ اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قولباسشىلىق شتابى دا بەلگىلەنگەن شيپاحاناعا ECMO، CRRT تىنىس الدىرۋ اپپاراتى سياقتى سالماقتى اۋرۋلاردى قۇتقارۋ، ەمدەۋ ماڭىزدى جابدىقتارىن سەپتەپ، ءونىمدى تۇردە قۇتقارۋ - ەمدەۋ ورىستەتۋدە شەشۋشى رول اتقاردى.
”قازىر مەملەكەتتىك سالماقتى اۋرۋلار مەديتسينالىق ەمدەۋ اترەتىنىڭ مۇشەلەرى شيپاگەرلەر مەن سەسترالاردى گرۋپپالارعا ءبولىپ، جەكە - جەكە ICU ناۋقاستار اۋماعىنىڭ ورىنباسار مەڭگەرۋشىسى جانە ورىنباسار سەسترالار باستىعى مىندەتىن ارقالاپ، سەلبەسە قىزمەت ورىستەتتى“. لۋ چىن بىلاي دەپ تانىستىردى: مەملەكەتتىك سالماقتى اۋرۋلار ماماندار گرۋپپاسى، اۆتونوميالى رايونداعى ەڭ مىقتى سالماقتى اۋرۋلاردى ەمدەۋ كۇشتەرى جانە مەملەكەتتىك سالماقتى اۋرۋلاردى ەمدەۋ اترەتى قاتىناسىپ جاتقاندىقتان، ءبىز سالماقتى، قاتەرلى ناۋقاستاردى قۇتقارۋ - ەمدەۋدىڭ ءساتتى بولۋ مولشەرىن ءونىمدى جوعارىلاتىپ، وسى ناۋقاستاردىڭ ەرتەرەك ساۋىعۋىنا مۇمكىندىك جاسايمىز.
لۋ چىن بىلاي دەپ تانىستىردى: ىندەت تۋىلعاننان بەرى، بەلگىلەنگەن شيپاحانا جاڭا تيپتى ايدارشا ۆيرۋس وكپە قابىنۋىنا شالدىققان سالماقتى، قاتەرلى ناۋقاستاردى قۇتقارۋ - ەمدەۋدى ءتۇيىن ەتىپ، مەملەكەتتىڭ سالماقتى اۋرۋلار ماماندار گرۋپپاسى ءار كۇنى ناۋقاستار اۋماعىنا كىرىپ، بولمەلەردى تەكسەرىپ، دياگنوز قويۋ، ەمدەۋ جوباسىنا جەتەكشىلىك ەتتى جانە ونى رەتتەدى، سونىمەن بىرگە ماماندار سالماقتى اۋرۋلاردى ەمدەۋ - كۇتىمدەۋ قىزمەتكەرلەرىن كەزەكپەن باۋلىپ، سالماقتى، قاتەرلى ناۋقاستاردى قۇتقارۋ قابىلەتىن جوعارىلاتتى. جوعارى ورەدەگى ۇجىمدى سەلبەسىپ بىرگە قۇردى، كوپ ءپاننىڭ ماماندارى بىرلەسىپ قامال الدى، ءبىز مەملەكەتتىڭ 7 - نۇسقاداعى دياگنوز قويۋ، ەمدەۋ جوباسىن قاتاڭ اتقارىپ، جۇڭگوشا شيپاگەرلىك پەن باتىسشا شيپاگەرلىكتى ۇشتاستىرۋعا دەن قويىپ، ءبىرىڭعايلاندىرىپ، جۇيەلىلەندىرىپ ەمدەدىك. سالماقتى ناۋقاستار بويىنشا ءبىر ادامعا ءبىر شارا قولداندىق. 7 - ايدىڭ 15 - كۇنى ساعات 0دەن 8 - ايدىڭ 13 - كۇنى ساعات 24كە دەيىن، جاڭا تيپتى ايدارشا ۆيرۋس وكپە قابىنۋىنا شالدىققان 38 سالماقتى ناۋقاس جاي ناۋقاسقا اينالدى، 2 قاتەرلى ناۋقاس جاي ناۋقاسقا اينالدى.
